مىسىر نارىعىنا شىعۋ مۇمكىندىگى

استانا قالاسىندا قازاقستاننىڭ سىرت­قى ساۋدا پالاتاسىنىڭ توراعاسى ايان ەرەنوۆ پەن مىسىر اراب رەسپۋبليكاسىنىڭ ين­دۋستريالىق جاڭعىرتۋ ورتالىعىنىڭ ات­قارۋشى ديرەكتورى, ەكسپو-2017 باس كو­ميسسارى احمەد تاحا ىن­تىماقتاستىق تۋ­رالى مەموراندۋمعا قول قوي­د­ى. شاراعا ار­نايى كەلگەن مىسىرلىق دەلەگاتسيا قۇرامىندا مىسىر اراب رەس­پۋبليكاسىنىڭ قازاقستانداعى ەلشىسى حايتام كامەل, «ءىمس» مىسىرلىق جيھاز سالاسىنىڭ جەتەكشىسى لەي­لا ادەل جانە باسقالار بار. سىرتقى ساۋدا پالاتاسى توراعاسىنىڭ ورىن­با­سارى نۇرالى بوكەيحانوۆتىڭ ايتۋىنشا, اتال­عان قۇجاتتىڭ نەگىزىندە ەكى ەل اراسىنداعى ەكو­نوميكالىق قارىم-قا­تىناستاردى جان­دان­دىرۋعا تولىق ءمۇم­كىن­دىك بار. «بۇل مەموران­دۋم ەكى ەل ارا­سىن­داعى قاتىناستى, جاڭا با­عىت­تاعى ەكو­نوميكالىق دامۋدى جاقسارتادى. ءبىز مى­سىر مەملەكەتىنە ءوز ءونىمىمىزدى ساتامىز. باس­تىسى, اۋىلشارۋاشىلىق ونىمدەرى جۇيەلى ءتۇر­­دە ەكسپورتتالاتىن بولادى. مىسىردى قازاق­ستاندىق بيداي مەن قوي ەتى قىزىقتىرادى, بۇل – وتاندىق كاسىپكەرلەرگە شەتەل نارىعىنا شى­عۋعا ۇلكەن مۇمكىندىك. قازىرگىدەي تەڭگەنىڭ باس­قا ۆاليۋتالارعا قاتىناسى تومەندەپ تۇر­عان كەزەڭدە قوي ەتىن مىسىرعا تاسىمالداۋ ءتيىم­دى. بۇل جاع­د­اي قازاقستاندىق تاۋاردىڭ ءبا­سە­كە­لەس­­­تىك قابىلەتتىلىگىن ارتتىرادى», دەدى ن.بوكەيحانوۆ. ماماندار سوزىنە قاراعاندا, مىسىر سىرت­­تان جىلىنا 100 مىڭ توننا ەت ساتىپ الا­دى ەكەن. سونىڭ 5 پايىزى قازاقستانعا تيە­سىلى بولسا, كاسىپكەرلەرىمىزدىڭ جىل سايىن 5 مىڭ تونناعا دەيىن قوي ەتىن ساتۋعا ءمۇم­كىن­دىكتەرى بار. بۇدان باسقا, مىسىرعا بيداي, ۇن جانە جاسىمىق سىندى ءداندى دا­قىل­دار دا ەكس­پورتتالادى. جۇيەلى ەكسپورت­تاۋ بيىلدان باستاپ قولعا الىنادى. شى­عىس­قا تاۋار ءجو­نەل­تۋ­دە ايتارلىقتاي اكىم­شى­لىك كەدەرگىلەر جوق كو­رى­نەدى. اراب ەل­دەرىنە ەڭ باستىسى حالال سەر­تيفيكاتسياسى مەن ساپا ستاندارتتارى كەرەك. ال بۇل تا­لاپ­­­تارمەن جەرگىلىكتى كاسىپكەرلەر جاق­سى تا­نىس. «قازىرگى تاڭدا ەكى ەل اراسىنداعى تاۋار اي­نالىمى 49 ملن اقش دوللارىن قۇرايدى. ونىڭ 17 ميلليونىن مىسىر ەلىنەن بىزگە اكە­لى­نەتىن تاۋارلار قۇرايدى, ولار – كوبىنە فار­ماتسەۆتيكالىق ونىمدەر. قالعان سوما وتان­دىق ەكسپورتقا تيەسىلى», دەدى سىرتقى ساۋدا پا­لا­تا­سىنىڭ وكىلى. مار يندۋستريالىق جاڭعىرۋ ورتا­لى­عى­نىڭ ات­قارۋشى ديرەكتورى احمەد تاحا­نىڭ ايتۋىنشا, ەلوردادا بيىل وتەتىن حا­لىقارالىق كورمەگە 300-دەن 500-گە دەيىن ءتۇر­لى سالاداعى مىسىرلىق كومپانيا قا­تى­سادى. «بۇگىندە قازاقستان ماماندارىنا 32 تانىمال مەكەمەمىز تۋرالى تو­لىق مالىمەتتى بەردىك. مىسىر قازاقستان ءۇشىن اف­ريكا مەملەكەتتەرىنە مۇمكىندىك اشاتىن قاق­پا بولماق. ىنتىماقتاستىعىمىز جاقسى قار­قىندا داميدى دەپ سەنەمىن», دەدى ول. اسحات رايقۇل, «ەگەمەن قازاقستان»