كورمەگە 115 مەملەكەت, 18 حالىقارالىق ۇيىم قاتىسادى

قازاقستان ءۇشىن ەكسپو-2017 حالىقارالىق مامانداندىرىلعان كور­مەسى – تاريح جىلناماسىنا التىن ارىپتەرمەن جازىلاتىن جا­ھان­­دىق وقيعا. ماڭىزدىلىعى بويىنشا ونى ەڭ ءىرى ەكونوميكالىق فو­رۋمدارمەن, ال تۋريستىك تارتىمدىلىعى جاعىنان ايگىلى سپورتتىق ءىس-­شارالارمەن تەڭەستىرۋگە بولادى. قازىر كورمەنىڭ ۇيىمداستىرۋ جۇ­مىستارى قىزعان شاعىندا. بۇگىن كورمەگە قاتىسۋشى ەلدەردىڭ باسىن قوساتىن كەزەكتى حالىقارالىق جيىندا دايىندىق جۇمىستارى تا­عى دا پىسىقتالماق. وسى شارانىڭ قارساڭىندا ەكسپو-2017 حالىقارالىق مامان­دان­دىرىلعان كورمەسىنىڭ كوميسسارى ءراپىل جوشىباەۆپەن اڭگىمەلەسۋدىڭ ءساتى ءتۇستى. – ءراپىل سەيىتحان ۇلى, ەكسپو-­­­2017 كورمەسىنىڭ باس­تا­لۋى­­نا ساناۋ­لى ايلار قالدى. دايىن­دىق جۇ­مى­سى قالاي ءجۇر­گى­زى­ل­ىپ جا­تىر؟استانا تورىندە قانشا مەم­لە­كەت­تىڭ تۋى جەلبىرەمەك؟ – شىنىمەن دە, كورمەنىڭ باستالۋىنا 4 ايدان از ۋاقىت قالىپ وتىر. جۇ­مىس قارقىندى جۇرگىزىلۋدە. باس­تاپقىدا ءبىز كورمەگە كەمىندە 100 مەملەكەت پەن 10 حالىقارالىق ۇيىم قاتىسادى دەپ مەجەلەگەنبىز. ءبۇ­گىنگى كۇنى كورمەگە قاتىسۋشى مەم­لە­كەت­تەردى تارتۋ جوسپارى ورىندال­دى. جوسپارلانعان 100 ەل مەن 10 حا­­لىق­ارالىق ۇيىمنان بۇگىن 115 ەل ءجا­نە 18 حالىقارالىق ۇيىم قا­تى­سا­تىندىقتارىن رەسمي تۇردە راستا­دى. 109 ەلمەن قاتىسۋ شارتىنا قول قويدىق. ەندىگى ۋاقىتتا, ولار كور­مە بويىنشا ءوز تاقىرىپتىق تۇ­­جى­رىمدامالارىن ازىرلەپ, پا­ۆيل­ون­دا­رىنىڭ ءىشىن جابدىقتاۋعا كىرى­سە­ت­ىن بو­لادى.19 پاۆيلوننىڭ كىلتىن تاپ­سىرىپ قويدىق. سونداي-اق, قازىرگى تاڭدا 84 مەم­لە­­كەت كورمە اياسىنداعى ءوز ۇلت­تىق كۇندەرىن بەلگىلەپ, ونى ءوت­كى­زۋ­­گە دايىندىق ۇستىندە. جال­پى, ەكسپو-2017 حالىقارالىق كو­ر­­مە­سى ءدۇ­نيە ءجۇزى ەلدەرى كوز ءتى­گە­تىن قازاق­ستان­­­نىڭ جاھاندىق دارە­جە­دەگى اسا ءىرى جو­بالارىنىڭ بىرىنە اي­نال­عا­لى وتىر. – ايتپاقشى, ءبۇ­گىن ەكسپو-­2017 كور­مە­سىنىڭ حا­لىق­ارا­­لىق قاتى­سۋ­شى­لا­رى­نىڭ جي­نا­­لىسى باستالادى. بۇل ءىس-شارا نە ءۇشىن قاجەت؟ – ءيا, 22-23 اقپان كۇندەرى حا­لىقارالىق قاتىسۋشىلاردىڭ جي­نالىسى وتەدى. وسىنداي جىل ساي­ىنعى ءىس-شارا استانا قالاسىندا ءۇشىن­شى رەت ۇيىمداستىرىلۋدا. دايىندىق جۇمىستارىنىڭ قو­رى­تىندىسىن جاساۋ ءۇشىن ءبىز ءبۇ­­كىل قاتىسۋشى مەملەكەتتەردىڭ ۇلت­تىق سەكتسياسى كوميسسارلارىن شا­قىردىق. جينالىس اياسىندا قا­تى­سۋشىلاردىڭ نازارىنا جۇمىس با­رى­سىنىڭ نەگىزگى باعىتتارى بويىن­شا تۇساۋكەسەرلەر ۇسىنىلادى, سو­­­نى­مەن قاتار, ولار كورمە تەرري­تورياسىنا با­رىپ ءوز پاۆيلون­دارىمەن جانە كورمە نىساندارىمەن تانىسادى. قاتىسۋشىلاردىڭ ۇسى­نىستارىن جانە تىلەكتەرىن تىڭ­داپ الۋ ءىس-شارانىڭ تاعى ءبىر ايتار­لىقتاي ماقساتى بولىپ وتىر. س­ونداي-اق, بۇل جيىننىڭ ەرەك­شە­لىگى – العاش رەت 100-دەن اسا كو­­ميس­سارلاردىڭ قاتىسۋىمەن كو­مي­سسارلار القاسى وتكىزىلىپ, ولار­دىڭ ىشىنەن باسقارۋشى كوميتەت ءمۇ­شە­لەرى جانە باسقارۋشى كو­مي­تەتىنىڭ ءتو­راعاسى سايلاناتىن بو­لادى. بۇل كو­ميتەتتىڭ باس­تى ماق­سا­تى كور­­مەگە دايىندالۋ جانە ونى ءوت­كىزۋ بارى­سىندا پايدا بولعان ءما­سە­لەلەردى جەدەل تۇردە شەشۋ بولىپ تا­بىلادى. مۇنان باسقا, قاتىسۋ شارت­تارىنا قول قويۋدى, بىرقاتار ەكى­جاقتى جانە كوپجاقتى كەزدەسۋلەر ايا­سىندا دا جالعاستىراتىن بولامىز. – كورمەنىڭ ءۇش اي بويىنا جال­عا­­ساتىنىن بىلەمىز. وسى مەرز­ىم ءىشىن­دە كورمەگە كەلۋشىلەر ءۇشىن قان­­داي ءىس-شارالار ۇيىم­داس­تى­رى­لادى؟ – كورمەگە كەلۋشىلەردى ەنەرگە­تي­كا سالاسىنداعى شەت ەلدەردىڭ نوۋ-حاۋ تەحنولوگيالارىنان باسقا, ءىرى حالىقارالىق ءىس-شارالار جانە ءما­دەني-ساۋىقتىق باعدارلامالار كۇ­تۋدە. بۇگىنگى تاڭدا شانحاي ىن­تى­ماقتاستىق ۇيىمىنىڭ (شىۇ) سام­ميتى, يسلام ىنتىماقتاستىعى ۇيىم­ىنىڭ (يىۇ) ءبىلىم جانە تەح­نولوگيالار بويىنشا ءبىرىنشى سا­م­ميتى, ەنەرگەتيكا جانە تۋريزم بويىنشا مينيسترلەردىڭ كەز­دە­سۋ­لەرى, حالىقارالىق ايەلدەر فورۋ­مى جانە تاعى باسقا ءىس-شارالار ۇيىم­داستىرىلۋدا. سونىمەن قاتار, اشى­لۋ جانە جابىلۋ راسىمدەرىنەن باس­قا ءار ەلدىڭ ۇلتتىق كۇنى تويلانا­دى. بارلىعى ءۇش اي ەكسپو-2017 تەرريتورياسىندا 3 مىڭنان استام ءىس-شارانىڭ ءوت­كىزىلۋى جوسپارلانىپ وتىر. مەنىڭ ويىمشا, بۇل ەكسپو-2017­ كورمەسىنە قاتىساتىن مەم­لە­كەتتەردىڭ تاريحىمەن جانە سا­لت-داستۇرىمەن تانىسۋعا تاما­شا ءمۇم­كىندىك بەرەدى. كونتسەرتتەر, قويى­لىم­دار, جەكپە-جەك تۇرلەرىنەن جارىستار, فۋتبول ويىندارى ءجا­نە تاعى باسقا ءىس-شارالار وتەدى. جال­­پى, كورمەگە كەلگەن ءاربىر قوناق كە­رە­مەت اسەر الىپ قايتاتىن بولادى. – تۋريستەردىڭ كەلىپ-كەتۋى قا­لاي ۇيىمداستىرىلادى؟ ماسەلەن, شە­ت­­ەلدىك تۋريستەر ءۇشىن وسى جى­لى ۆيزالىق جۇيە وزگەرە مە؟ – ارينە, شەتەلدىك قوناقتاردىڭ قازاقستانعا كەلۋىن جەڭىلدەتۋ ماق­سا­تىندا 2017 جىلدان باس­تاپ ەكو­نوميكالىق دامۋ جانە ىنتى­ماق­تاس­تىق ۇيىمىنا مۇشە مەملەكەت­تەر مەن ەۋروپالىق وداق جانە مالايزيا, موناكو, ءباا, مالتا مەن سينگاپۋر ەلدەرىنىڭ ازاماتتا­رى­نا 30 كۇنگە دەيىن ۆيزاسىز جۇيە ەنگىزىلدى. جالپى العاندا, الەم­نىڭ 62 ەلىنىڭ ازاماتتارى ءۇشىن قازاق­ستان­­نىڭ تۋريستىك الەۋەتىمەن ۆيزاسىز كەلىپ تانىسۋ ءمۇم­كىندىگى پايدا بول­دى. سونىمەن قاتار, 2017 جىل قازاق­ستان­دا قىتاي ءتۋريزمىنىڭ جىلى بو­لىپ جاريالانىپ, قىتاي حالىق رەس­پۋبليكاسىمەن «ADS» توپتىق تۋ­ريستىك ۆيزاسى بويىنشا كەلىسىمگە قول قويىلدى. وسى ورايدا قازاقستان جانە ەكسپو-2017 كورمەسى New York Times جۋرنالىنىڭ 2017 جىلى با­رۋ­عا ۇسىناتىن ۇزدىك 50 ەلدىڭ رەي­تي­نگىندە ورىن العانىن اتاپ وتكەن ءجون. جالپى, كورمەگە ەلىمىزدىڭ ازامات­تارى مەن شەتەلدىك قوناقتاردى قو­سا العاندا 2 ميلليوننان استام ادام كەلەدى دەپ كۇتىلۋدە. وسى ءمۇم­كىن­دىك­تى پايدالانىپ, بارشا قا­زاق­ستان­دىقتاردى ەكسپو-2017 كور­مە­سىنە شا­قىرامىن. استانا تورىندە وتەتىن الەم­دىك دەڭگەيدەگى شارانى لايىقتى اتقارىپ, ەل ابىرويىن ارتتىرۋعا ۇلەس قوسايىق. اڭگىمەلەسكەن اسحات رايقۇل, «ەگەمەن قازاقستان»