مەملەكەتتىك ساياسات مەكتەبىندەگى تالقىلاۋ

سينگاپۋردا لي كۋان يۋ اتىنداعى مەملەكەتتىك ساياسات مەكتەبىندە قازاق­ستان­نىڭ سينگاپۋرداعى ەل­شى­سى ۇسەن سۇلەيمەننىڭ اتال­عان مەكەمەنىڭ وقىتۋ­شىلارىنا, دوكتورانتتارى مەن ماگيسترلەرىنە جانە اكادەميالىق توپتارى وكىل­دەرىنە پرەزيدەنت نازارباەۆ ۇسىنعان كونستيتۋتسيا­لىق رەفورمالار مەن مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھان­دىق باسەكەگە قابىلەتتى­لىك» اتتى جولداۋىنىڭ نەگىزگى قاعيدالارى تۋرالى, سونداي-اق قازاقستانداعى ۇلتارالىق جانە دىنارالىق توزىمدىلىك­تىڭ قالىپتاسۋىنىڭ ءتاجىري­بەسى تۋرالى ارنايى ءدارىسى ۇيىمداستىرىلدى. ءدارىس بارىسىندا ءۇ.سۇلەي­مەن ەلباسى ن.نازارباەۆ­تىڭ جۇيەلى ساياساتىنىڭ ارقا­سىندا قازاقستان تاۋەل­سىز­دىگىنىڭ 25 جىلدىق كەزەڭى ءىشىن­دە ەكونوميكاسى مەن سايا­سي جۇيەسى مىقتى جانە بەرەكەلى ءارى كوپ ۇلتتى قوعام رەتىندە قالىپتاسقانىن جانە الەمنىڭ 50 ۇزدىك ەلدەرى قاتا­رىنا كىرۋگە مۇمكىندىك بەرگەنىن جەتكىزدى. قازاقستاندىق ديپلومات ەلباسى ۇسىنعان كونس­تيتۋ­تسيالىق رەفورمالار مەملەكەتتىڭ الداعى دەمو­كرا­تيالىق قاعيدالارىن نى­عايتۋ جولىندا جانە ەلدىڭ ەكونوميكالىق دامۋىنىڭ بولاشاعىنا ايتارلىقتاي سەرپىن بەرە الاتىنىن باسا ايتتى. سونداي-اق, ءىس-شارا بارى­سىندا مەملەكەت باسشى­­سى­نىڭ «قازاقستاننىڭ ءۇشىن­شى جاڭ­عىرۋى: جاھان­دىق باسە­كەگە قابىلەتتىلىك» ات­تى جولداۋىنا ايرىق­شا كوڭىل ءبولىندى. ءۇ.سۇلەي­مەن­­نىڭ ايتۋىنشا, جاھان­دىق ەكونوميكالىق باسەكە­لەس­­تىك­تىڭ ءوسۋى جاعدايىندا, ەلباسى ن.نازارباەۆ ۇسىنعان ءۇشىنشى جاڭعىرۋ سانالا­تىن ەكونوميكالىق ءوسۋ مودەلى ۋاقتىلى جاسالعان قادام رەتىن­دە ەكونوميكانىڭ الەم­دىك ءوسىمىنىڭ ورتا دەڭ­گەيد­ەن جوعارى قارقىنىن قام­تا­ما­سىز ەتۋگە, 30 وزىق ەلدىڭ قاتارىنا قاراي تۇراقتى تۇردە ىلگەرىلەۋگە لايىقتالعانىن جانە ەلدىڭ ەكونوميكالىق دامۋى­نىڭ بولاشاعىنا اي­تار­لىقتاي سەرپىن بەرە الاتىنىن ەرەكشە اتاپ ءوتتى. وعان قوسا, ەلشى ءۇ.سۇلەي­مەن اۋديتوريا­نى قا­زاق­ستانداعى ۇلتارا­لىق جانە دىنارالىق قوعامداستىقتى نىعايتۋ بويىنشا ءتاجىري­بە­سىمەن, قازاقستان حال­قى اس­سامبلەياسىنىڭ جۇمى­سى­مەن جانە الەمدىك جانە ءداستۇرلى دىندەر كوشباس­شىلارى سەزىنىڭ نەگىزگى ماق­ساتتارىمەن تانىستىردى, دەپ حابارلادى قازاقستاننىڭ سينگاپۋرداعى ەلشىلىگى.