ەشكىمگە ۇقسامايتىن دارا جول

قازاقستان رەسپۋبليكاسىنىڭ پرەزيدەنتى بيلىك تارماقتارى ارا­سىندا وكىلەتتىكتەردى ءبولۋ تۋرالى حالىق­قا ۇندەۋىندە: «حالىقارالىق ءتاجى­ريبە شەڭبەرىندە ءىس-قيمىلدار جاسايتىن ماسە­لەلەر بولا تۇرسا دا, ءبىز ءوزىمىزدىڭ, كەيدە ەرەكشە شەشىمدەرىمىزدى تابا وتى­رىپ, مەملەكەتتىك قۇرىلىستىڭ بوگدە مودەل­دەرىن كوشىرىپ الۋمەن ەشقاشان اينالىسقان ەمەسپىز», – دەگەن ەدى. راسىندا دا, قازاقستان ءوزىنىڭ ەشكىمگە ۇقسامايتىن ەرەكشە جولىمەن ءجۇرىپ كەلەدى جانە قازىرگى تاڭدا الەمدە «قازاقستان جولى» دامۋدىڭ امبەباپ جانە ىلگەرى مودەلى رەتىندە مويىندالعان. تاۋەلسىزدىكتىڭ وتكەن 25 جىلى ىشىندە قازاقستان رەسپۋبليكاسى ۇلكەن جەتىستىكتەرگە قول جەتكىزدى جانە جاڭادان تاۋەلسىزدىگىن العان ەلدەردىڭ ىشىندە ەڭ ءبىر ورنىقتى مەملەكەتكە اينالدى. حالىقارالىق ساراپشىلاردىڭ جانە الەمنىڭ جەتەكشى ەلدەرى ليدەرلەرىنىڭ ورتاق وي-پىكىرى نەگىزىنەن: «رەفورما جۇرگىزۋدەگى قازاقستاندىق تاجىريبە تابىسقا جانە جەتىستىككە يە» دەگەنگە سايادى, سونداي-اق, ولاردىڭ تاراپىنان ايرىقشا باعالانىپ كەلەدى. قازاقستاندا مىقتى پرەزيدەنتتىك رەسپۋبليكانىڭ قالىپتاسۋى, ەڭ الدىمەن, كەمەل ويلى, الەمگە تانىمال جانە زامان اعىمىنا ساي باتىل قادام جاساي بىلەتىن نۇرسۇلتان نازارباەۆتىڭ تۇلعاسىمەن تىكەلەي بايلانىستىرىلادى. نۇرسۇلتان نازارباەۆتىڭ جەتىستىگى, ءبىرىنشى كەزەكتە, رەسپۋبليكاداعى ساياسي جاعداي, قازاقستان حالقىنىڭ مەنتالدى جانە پسيحولوگيالىق ەرەكشەلىكتەرى ەسكەرىلە وتىرىپ جۇرگىزىلگەن باستى رەفورمالاردى جۇزەگە اسىرۋداعى ەرەن ەڭبەگىمەن تامىرلاسىپ جاتىر. وسى جولى دا قازاقستان پرەزيدەنتى بيلىك تارماقتارى اراسىندا وكىلەتتىكتەردى بولۋگە قاتىستى قوعام الدىنا كۇردەلى مىندەت قويىپ وتىر. بۇل مىندەت ەكى نەگىزگى باعىت بويىنشا ىسكە اسۋى ءتيىس. بۇل تۋرا­لى نۇرسۇلتان نازارباەۆ بىلاي دەدى: «ءبىرىن­شىدەن, پرەزيدەنتتىڭ الەۋمەتتىك-ەكونو­مي­كالىق ۇدەرىستەردى رەتتەۋدەگى ءبىر­شاما وكىلەتتىكتەرىن ۇكىمەتكە جانە باسقا دا اتقارۋشى ورگاندارعا بەرگەن ءجون. ەكىن­شىدەن, ودان دا كۇردەلى مىندەت – بي­لىك تارماقتارى اراسىنداعى قارىم-قاتى­ناس­تى كونستيتۋتسيالىق دەڭگەيدە تەڭگەرىمدى ەتۋ». رەفورما باعدارلاماسىنىڭ قابىل­دانۋى قازاقستاننىڭ ءوزىنىڭ «قازاق­ستان­دىق جولى» ارقىلى دەموكراتيالىق دامۋ­عا قاراي سەنىمدى تۇردە ودان ءارى قادام باسىپ كەلە جاتقانىنا تاعى دا كوز جەتكىزە تۇسەدى. نيكولاي ستەپانەنكو, ۋكراينا-قازاقستان قاتىناستارى مەملەكەتارالىق ينستيتۋتىنىڭ ديرەكتورى