داعدارىس جوق, دامۋ بار

قاراعاندىعا قورعانىس جانە اەروعارىش ونەركاسىبى ءمينيسترى بەيبىت اتامقۇلوۆ جۇمىس ساپارىمەن كەلىپ, «تاۋ-كەن تەمىر» جشس-ءنىڭ ءوندىرىس تسەحىمەن تانىستى. سونىمەن قاتار, كاسىپورىننىڭ ەڭبەك ۇجىمىمەن پرەزيدەنتتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى قازاقستان حالقىنا جولداۋىن تالقىلادى. Cاپار اياسىندا مينيستر «سارىارقا» اەا-دا بولىپ, وندا «Steel manufacturing» جوباسى قۇرىلىسىنىڭ بارىسىن كوردى. ەلباسىمىز جولداۋىندا «الەم­دە كەزەكتى, ءتورتىنشى ونەر­كاسىپ­تىك رەۆوليۋتسيا باستالدى» دەگەن بولاتىن. جاھاندا تەحنو­لو­گيا­لىق ىلگەرىلەۋ جىل ساناپ ەمەس, كۇن ساناپ العا باسۋدا. ءوزىم ءوندىرىس سالاسىنىڭ ماما­نى­مىن. پەش تۇبىندە تۇرىپ, تەمىر بالقىتقانداردىڭ ءبىرى – مەن. تەمىرتاۋداعى «كار­مەت­كوم­بيناتتا» دا تەر توككەن جىل­دارىم قانشاما. قازىر ءبارى وزگەرگەن. كاسىپورىنداردا اۆتو­مات­تاندىرىلعان ورتالىق ديس­پەت­چەرلىك پۋنكتتەر بار. ون ادام­نىڭ قول كۇشىن جاڭا تەحنولوگيا ىعىستىردى. ىلگەرىلەۋ دەگەن وسى. ال دامۋ – باسەكەگە قابى­لەت­تىلىك, ءونىم ساپاسىن ارتتىرۋ ماسە­لە­لەرىنە ايقىن باستاما. قازاق­ستان بۇگىندە جاڭا ءداۋىر­دىڭ الدىندا تۇر. الەم بارىن­شا دامۋ ۇستىندە. ادامزات بالا­سى ءتورتىنشى ونەركاسىپتىك رەۆول­يۋ­تسيانىڭ داۋىرىنە ەنۋدە. بۇل دەگەنىمىز – جوعارى ءبىلىم مەن تەح­­نو­لوگيالارعا نەگىزدەلگەن اي­رىق­شا يندۋستريالاندىرۋ. وسى جاعدايلارعا بايلانىستى ءبىزدىڭ ەلىمىزدىڭ باسشىسى قازاقستاننىڭ ءۇشىنشى جاڭعىرۋىن قامتاماسىز ەتۋ مىندەتىن قويىپ وتىر», دەدى ب.اتامقۇلوۆ. ءماجىلىستىڭ قورىتىندىسى بويىنشا كەزدەسۋگە كەلگەن بار­لىق قاتىسۋشىلار پرەزي­دەنت­­تىڭ قازاقستان حالقىنا جول­داۋىن ءبىر كىسىدەي قولداپ, قارا­عاندى وبلىسى قويىلعان مىندەت­تەردى ىسكە اسىرۋعا بەلسەندى قاتىسا­تىن­دىعىنا سەنىم ءبىلدىردى. ميراس اسان, «ەگەمەن قازاقستان» قاراعاندى