عىلىمي-تاجىريبەلىك كونفەرەنتسيا ءوتتى

اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ سوربوننا-قازاقستان ينستيتۋتىندا «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى قازاقستان رەسپۋبليكاسى پرەزيدەنتىنىڭ جولداۋىنا ارنالعان عىلىمي-تاجىريبەلىك كونفەرەنتسيا بولىپ ءوتتى. ءىس-شاراعا كونستيتۋتسيالىق كەڭەستىڭ توراعاسى يگور روگوۆ, جوعارعى سوت توراعاسى قايرات ءمامي, رەسپۋبليكانىڭ عىلىمي ين­تەل­ليگەنتسيا وكىلدەرى مەن جو­عارى وقۋ ورىندارىنىڭ پرو­فەس­سور-وقىتۋشىلار قۇرامى قاتىستى. كونفەرەنتسيا جۇمىسىن قازۇپۋ پرورەكتورى, حيميا عىلىم­دارىنىڭ دوكتورى, پرو­فەس­سور م.ەرماعانبەتوۆ اش­تى. كونستيتۋتسيالىق كە­ڭەس­­­تىڭ توراعاسى يگور روگوۆ پەن جو­عار­عى سوت توراعاسى قاي­رات ءمامي كىرىسپە ءسوز سويلە­دى. ءوز سوزىندە ي.روگوۆ الدا­عى كونس­­تي­تۋتسيالىق رەفور­ماعا توق­تالىپ ءوتتى. ول «قازاقس­تان رەس­­پۋبليكاسىنىڭ كونس­تيتۋ­تسياسىنا وزگەرىستەر مەن تولىق­تىرۋلار ەنگىزۋ تۋرالى» زاڭ جو­باسىنىڭ نەگىزگى اسپەك­تى­لەرى­مەن تانىستىرا كەلە, جۇمىس توبى ءتۇسىپ جاتقان ۇسىنىستاردى قورىتۋ جۇمىستارىن جالعاس­تىرىپ جاتقانىن ايتتى. ق.ءمامي كىرىسپە ءسوز سويلەۋ بارىسىندا جولداۋدى ورىنداۋ جانە بيلىك تارماقتارىنىڭ اراسىنداعى وكىلەتتىكتەردى قايتا ءبولۋ رەفورماسىن جۇرگىزۋ بويىنشا سۋديالار كورپۋسىنىڭ الدىندا تۇرعان مىندەتتەردى ىسكە اسىرۋ باعىتىنداعى جوعارعى سوتتىڭ جۇمىسى تۋرالى حاباردار ەتتى. كونفەرەنتسيانىڭ كۇن ءتارتى­بىنە سايكەس وعان قاتىسۋشىلار ءۇش سەكتسيا شەڭبەرىندە مەملەكەت باسشىسىنىڭ قازاقستان حالقى­نا جولداۋى تۇرعىسىنان تاۋەل­سىز قازاقستان رەسپۋبليكاسى­نىڭ كونستيتۋتسيالىق-قۇقىق­تىق دا­مۋ ماسەلەلەرىن, جاڭ­عىرۋ كە­زە­ڭىندەگى ەلىمىزدىڭ سىرت­قى سايا­­ساتىنىڭ باسىمدىق­تارى مەن ەكو­نوميكالىق ءوسۋدىڭ جاڭا مو­دەلىندەگى ءبىلىم بەرۋ ماسەلەلەرىن تالقىلادى. كونفەرەنتسيا بارىسىندا ءبىلىم جانە عىلىم مينيستر­لىگىنىڭ وكىلى – بعم ەكونوميكا ينستيتۋتىنىڭ وڭىرلىك ەكونوميكا جانە يننوۆاتسيالىق دامۋ ءبولىمىنىڭ مەڭگەرۋشىسى ف.ءالجانوۆانىڭ, زاڭ عىلىم­دارىنىڭ دوكتورى, پروفەسسور س.سابيكەنوۆتىڭ, تاريح عىلىم­دارىنىڭ دوكتورى, پروفەس­سور ە.كۋزنەتسوۆ­تىڭ, زاڭ عىلىم­دارىنىڭ دوكتورى, پروفەسسور ا.ءسابيتوۆانىڭ جانە ت.ب. قازاق­ستاندىق تانىمال عالىم­داردىڭ باياندامالارى تىڭدالدى. كونفەرەنتسياعا قاتىسۋشى­لار مەملەكەت باسشىسى تال­قىلاۋعا ۇسىنعان كونستيتۋتسياعا تۇزەتۋلەر ەنگىزۋدى كوزدەيتىن زاڭ جوباسىنا جوعارى باعا بەردى. جۇمىس توبىنىڭ قاراۋىنا جولداناتىن بىرقاتار ۇسىنىستار ايتىلدى. كونفەرەنتسيانىڭ قورىتىن­دىسى بويىنشا جاھاندانۋ جانە الەم­دىك باسەكەلەستىك جاعدايىندا قا­زاق­­­ستاننىڭ قازىرگى دامۋ كەزە­ڭىندە يننوۆاتسيالىق ەكونومي­كا, بيزنەس-ورتانى نىعايتۋ, سى­باي­­لاس جەمقورلىقپەن كۇ­رەس جانە جالپى العاندا, ادا­مي كاپي­تال­دىڭ الەۋەتىن ارتتىرۋ ەل­دى دامىتۋدىڭ, قوعام مەن مەم­­لەكەتتى ودان ءارى دەموكرا­تيا­­لان­دىرۋدىڭ باستى فاكتور­لارى ەكەندىگى تۋرالى ورتاق پىكىر ءبىل­دىرىلدى, دەپ حابارلادى كونس­تيتۋتسيالىق كەڭەس پەن جوعارعى سوتتىڭ ءباسپاسوز قىزمەتتەرى.