ماجىلىستەگى جۇزدەسۋ

ماجىلىستە قازاقستاندىق جانە ازەربايجاندىق پارلا­مەنتشىلەر جۇزدەستى. قازاقستان تارابىنان ءماجىلىس ءتور­اعاسىنىڭ ورىنباسارى ۆلاديمير بوجكو, حالىقارالىق ىستەر, قورعانىس جانە قاۋىپسىزدىك كوميتەتىنىڭ توراعاسى ماۋلەن اشىمباەۆ پەن ماجىلىستەگى قازاقستان-ازەربايجان دوستىق توبىنىڭ جەتەكشىسى ومارحان وكسىكباەۆ قاتىستى. مەيماندار جاعىنان ازەرباي­جان ميللي مەدجيليسىنىڭ دەپۋ­تاتى, ازەربايجان-قازاقستان پارلا­مەنتارالىق دوستىق توب­ى­نىڭ جەتەكشىسى اديل اليەۆ, ميللي مەدجيليس دەپۋ­تاتى ناگيف گامزاەۆ جانە ازەرباي­جاننىڭ قازاقستانداعى توتەنشە جانە وكىلەتتى ەلشىسى راشاد ماممادوۆ بولدى. – تۇركىتىلەس ەلدەرگە جاتاتىن باۋىر­لارمىز, تاتۋ كورشىمىز, – دەپ باستاپ ارىپتەستەرىن قار­سى الدى ءماجىلىستىڭ ۆيتسە-سپي­كەرى. پارلامەنتشى قازاقستان بۇگىن­دە كوپتەگەن حالىقارالىق ماسە­لەلەر­دى شەشۋدە ۇلكەن ءرول اتقارىپ وتىرعانىنا توقتالدى. ەلىمىزدەگى باستى باسىمدىق قوعامدىق تال­قى­لاۋعا شىعارىلىپ وتىرعان كونس­تيتۋتسيالىق رەفورمالار جا­يىندا تاراتىپ ايتىپ بەردى. ازەربايجاندىقتاردى استانا­د­ا وتەتىن ەكسپو-2017 حالىق­ارالىق مامانداندىرىلعان كورمەسىنە شاقىردى. قازاقستان حالقى اسسامبلەياسىن ۇلتتار اراسىنداعى «التىن كوپىر» دەپ تانىستىردى. تاراپتار 25 جىلدان بەرگى ەكى ەل اراسىنداعى ديپلوماتيالىق قاتىناستاردىڭ جوعارى دەڭگەيدە بولىپ كەلە جاتقانىن جەتكىزىپ, مەملەكەتتەردىڭ پارلامەنتارالىق ىنتىماقتاستىق بايلانىستارى جايىندا وي ءبولىستى. كولىك-ترانزيت سالاسىندا باكۋ – تيبليسي – كارس تەمىر جول ماگيسترالىنىڭ ىسكە قوسى­لۋىن اتاپ ءوتتى. دەپۋتاتتار ەكى جاقتىڭ ساياسي, ساۋدا-ەكونوميكالىق, ينۆەس­تيتسيالىق, پارلامەنتارالىق جانە مادەني-ىزگىلىكتى بايلانىس­تارى, سونداي-اق ايماقتار مەن الەمدەگى جاعدايلار جايىندا پىكىر الماستى, دەپ حابارلادى قازاقستان پارلامەنتى ءماجى­لىسى­نىڭ ءباسپاسوز قىزمەتى.