ءتورت كەلىن تاعى دا ساپارعا شىعادى

اقپان ايىنىڭ باسىندا "31 تەلەارنا" "كەلىندەر بايگەسى" تەلەجوباسىنىڭ ءۇشىنشى ماۋسىمىن ءتۇسىرۋدى باستاعان ەدى. ومىردەگى ناقتى وقيعالارعا قۇرىلعان وسىناۋ رەاليتي-شوۋ كورەرمەندەرگە قانداي ءتالىم-تاربيە بەرەدى؟ ول الداعى ۋاقىتتىڭ ەنشىسىندە. ال جاڭا ماۋسىمدا جوبا جەتەك­شىلەرى ەلىمىزدىڭ تۇركىستان, قىزىلوردا, تالدى­قورعان قالالارى مەن قازاقستاننىڭ قىتايمەن شەكتەسەتىن اۋداندارىنىڭ وتباسىلىق داستۇرلەرىنە دەن قويماق. وسىلايشا جاڭادان تابال­دىرىق اتتاعان ءتورت كەلىن ءبىر-ءبىرىنىڭ اۋىلدارىنا بارادى. تويلارىنا قاتىسادى. ءوز وڭىرلەرىنەن جىراققا ساياحات شەگىپ, ادەت-عۇرىپتارمەن تانىسادى. ءار ايماقتىڭ ءوز سالتىن, كەلىندىك ادەپتەرىن كورسەتەدى. ءار وبلىستا قۇدا-جەگجاتتىق, توي وتكىزۋدىڭ دە وزىندىك جورالعىلارى بار. قىسقاسى, كورەرمەندەر ءۇشىن جاڭا ماۋسىمنىڭ دا ءوز قىزىقتارى بولۋى ءتيىس. وسىنىڭ الدىنداعى ەكى ماۋسىمدا كەلىندەر اتالمىش تەلەارنانىڭ بەدەلىن كوتەرگەن كورىنەدى. ماسەلەن, الدىڭعى جوبادا باتىس پەن شىعىس قازاقستان وبلىستارى جانە پاۆلودار مەن اقتوبەنىڭ كەلىندەرى كورسەتىلگەن بولاتىن. ايناش ەسالي, «ەگەمەن قازاقستان» الماتى