شەتەلدىكتەر قازاقستانعا ءوز بەتىنشە كەلىپ جۇمىس ىستەي الادى

شەتەلدىكتەر قازاقستانعا ءوز بەتىنشە كەلىپ جۇمىس ىستەي الدى. بۇل جايىندا بۇگىن قر ەڭبەك جانە حالىقتى الەۋمەتتىك قورعاۋ مينيسترلىگىنىڭ كەڭەيتىلگەن القا ماجىلىسىندە ۆەدومستۆو باسشىسى تامارا دۇيسەنوۆا ءمالىم ەتتى, دەپ حابارلايدى قازاقپارات. «اعىمداعى جىلدىڭ باسىنان باستاپ قازاقستاندا شەتەلدىك جۇمىسشىلاردى جۇمىسقا تارتۋدىڭ جاڭا ءادىسى ىسكە قوسىلدى. ەندىگى ۋاقىتتا جۇمىس بەرۋشى ءاربىر شاقىرىلعان مامان ءۇشىن سالا مەن جۇمىسشىنىڭ بىلىكتىلىك دەڭگەيى بويىنشا سارالاناتىن كولەمدە الىم تولەيدى. شەتەلدىك بىلىكتى كادرلارعا قازاقستانعا ءوز بەتىنشە كەلىپ, ەكونوميكانىڭ باسىمدىقتى سالالارىندا تالاپ ەتىلەتىن كاسىپكەر تىزىمىنە كىرەتىن ماماندىق بويىنشا جۇمىسقا تۇرا الادى», - دەدى تامارا دۇيسەنوۆا. وسى رەتتە مينيستر جەرگىلىكتى اتقارۋشى ورگاندار مەن جۇمىس بەرۋشىلەر شەتەلدىك ماماندارعا رۇقسات بەرۋدە, سونداي-اق ولارعا جۇمىس پەن ۇسىنۋ جانە جالاقى بەلگىلەۋ بارىسىندا زاڭنامانى قاتاڭ ساقتاۋى تيىستىگىن باسا ايتتى.