قار كوشكىنىنەن قازا تاپقان اسكەريلەردىڭ وتباسىلارىنا 7 ملن تەڭگەگە دەيىن وتەماقى تولەنەدى

جامبىل وبلىسىندا قار كوشكىنىنەن قازا تاپقان اسكەري قىزمەتشىلەردىڭ وتباسىلارىنا 7 ملن تەڭگەگە دەيىن وتەماقى تولەنەدى. بۇل تۋرالى بۇگىن قر ۇكىمەتى وتىرىسىندا قر قورعانىس ءمينيسترى ساكەن جاسۇزاقوۆ ءمالىم ەتتى, دەپ حابارلايدى قازاقپارات. «قازا تاپقانداردىڭ وتباسىلارىنا قارجىلاي جانە مورالدىق قولداۋ كورسەتىلدى. مۇنان بولەك, ءاربىر وتباسىعا 5 جىلدىق اقشالاي تابىس كولەمىندەگى ءبىر رەتتىك وتەماقى تولەنەتىن بولادى. ول ورتاشا ەسەپپەن شامامەن 4-تەن 7 ميلليون تەڭگە كولەمىندە بولماق. قازىر ول جاقتا تەرگەۋ ورگاندارىنىڭ وكىلدەرى جۇمىس ىستەۋدە. ناقتى قورىتىندى كوميسسيا جۇمىسى اياقتالعان سوڭ جازباشا تۇردە بەرىلەدى», - دەدى س.جاسۇزاقوۆ. ەسكە سالا كەتەيىك, اقپاننىڭ 17-ءسى كۇنى جامبىل وبلىسى جۋالى اۋدانىنداعى كوكساي شاتقالىندا بولعان قار كوشكىنى كەزىندە اسكەري دايىندىقتارىن جۇرگىزگەن جاۋىنگەرلەر زارداپ شەكتى. 16 ادام قۇتقارىلسا, 7 سارباز قازا تاپتى.