رەسپۋبليكالىق ماڭىزى بار اۆتوجولداردا 1 284 كوپىر بار

رەسپۋبليكالىق ماڭىزى بار اۆتوموبيل جولدارىندا سۋ تاسقىنى كەزەڭىندە قاۋىپسىزدىكتى قامتاماسىز ەتۋ ءۇشىن تاۋلىك بويعى ديسپەتچەرلىك قىزمەت ۇيىمداستىرىلىپ, كۇن سايىن جولداردا كەزەكشىلىك جۇرگىزىلەدى. بۇل تۋرالى قر ۇكىمەتى وتىرىسى بارىسىندا ينۆەستيتسيالار جانە دامۋ ءمينيسترى جەڭىس قاسىمبەك ايتتى, دەپ جازادى primeminister.kz. ج. قاسىمبەك بۇگىنگى تاڭدا بيىلعى جىلدىڭ سۋ تاسقىنى كەزەڭىنە ارنالعان شارالار جوسپارى بەكىتىلىپ, سۋ تاسقىنىنا قارسى كوميسسيالاردىڭ جۇمىسى ۇيىمداستىرىلعانىن باياندادى. رەسپۋبليكالىق ماڭىزى بار اۆتوموبيل جولدارىندا 1 284 اۆتوجول كوپىرى مەن 14 686 سۋ جۇرەتىن قۇبىر بار. قازىرگى كەزدە تاۋلىك بويعى ديسپەتچەرلىك قىزمەت ۇيىمداستىرىلىپ, اۆتوموبيل جولدارىندا كۇن سايىن كەزەكشىلىك جۇرگىزىلەدى, سونىمەن قاتار 496 قاۋىپتى ۋچاسكە, 967 قۇبىر مەن 157 كوپىر باقىلاۋعا الىنعان. بەكىتىلگەن جوسپارعا سايكەس سۋ تاسقىنى كەزەڭىندە جۇمىستاردى ۋاقىتىلى ۇيىمداستىرۋ ءۇشىن قازىرگى كەزدە قاجەتتى قۇرىلىس ماتەريالدارى مەن كونسترۋكتسيالارى ازىرلەنگەن. قازىرگى كەزدە سۋ جۇرگىزۋ قۇبىرىن اشۋ بويىنشا جۇمىستار جۇرگىزىلۋدە, بۇگىندە 4 257 قۇبىر نەمەسە جوسپارداعىدان 39% اشىلدى. پويىزداردىڭ ۇزدىكسىز ءارى قاۋىپسىز قوزعالىسىن قامتاماسىز ەتۋ, جولداردى, جاساندى قۇرىلىمداردى سەڭدەردى وتكىزۋگە ۋاقىتىلى ازىرلەۋ ماقساتىندا 383 ۆاگوننان تۇراتىن سۋدىڭ بۇزىپ كەتۋىن بوگەيتىن 42 پويىز قۇرالدى. بۇگىندە 110 ۆاگون قۇراستىرىلعان. «قتج» ۇك» اق بارلىق فيليالدارىندا, ءبىرىنشى كەزەكتە تىم شالعايداعى ۋچاسكەلەردە وتىن جانە مايلاۋ ماتەريالدارىنىڭ قاجەتتى قورى بار. كوپىرلەردىڭ استىندا مۇزداردىڭ كەپتەلىسىن جويۋ ءۇشىن مۇزداردى ۋاتۋ بويىنشا بۇرعىلاۋ-جارۋ جۇمىستارىن جۇرگىزۋ مەن قار كوشكىندەرىن قۇلاتۋ بويىنشا كەلىسىمدەر جاسالعان. قاۋىپتى جەرلەردىڭ ءتىزىمى جاسالعان. «قتج» ۇك» اق فيليالدارىنىڭ ديرەكتورلارىنىڭ ناقتى ارەكەتتەرى ايقىندالعان, اۋماقتىق ۇيىمدارمەن بىرلەسىپ سۋ قويمالارىنا كوميسسيا تەكسەرۋ جۇرگىزۋدە. مينيستر ازاماتتىق قورعانىس پەن كولىك,  جول جانە كوپىرلەردىڭ رەسپۋبليكالىق قىزمەتىنىڭ قولدا بار كۇشى مەن قاراجاتى كوكتەمگى كەزەڭدەگى توتەنشە جاعدايلاردىڭ سالدارىن جويۋعا جانە رەسپۋبليكالىق ماڭىزى بار تەمىرجولدار مەن اۆتوموبيل جولدارىندا قوزعالىستى قامتاماسىز ەتۋگە جەتكىلىكتى ەكەنىن اتاپ ءوتتى.