2017 جىلعا ارنالعان رەسپۋبليكالىق بيۋدجەتتىك ينۆەستيتسيالار ءتىزىمى بەكىتىلدى

پرەمەر-مينيستر باقىتجان ساعىنتاەۆتىڭ توراعالىعىمەن وتكەن ۇكىمەت وتىرىسىندا «2017-2019 جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ زاڭىن ىسكە اسىرۋ تۋرالى» قازاقستان رەسپۋبليكاسى ۇكىمەتىنىڭ قاۋلى جوباسى قارالدى, دەپ جازادى primeminister.kz.  قارجى ءمينيسترى باقىت سۇلتانوۆتىڭ ايتۋىنشا, قاۋلى جوباسى بيۋدجەتتىك كودەكس تالاپتارىنا سايكەس ازىرلەنگەن جانە جەرگىلىكتى اتقارۋشى ورگاندارعا 377,3 ملرد تەڭگە سوماسىندا ماقساتتى ترانسفەرتتەر سوماسىن بولۋدەن; 250,1 ملرد تەڭگە سوماسىنداعى 2017 جىلعا ارنالعان باسىمدىقتى رەسپۋبليكالىق بيۋدجەتتىك ينۆەستيتسيالار تىزىمىنەن; كەيىنگە قالدىرۋ شارتتارىمەن 113,1 ملرد تەڭگە سوماسىندا باسىمدىقتى رەسپۋبليكالىق بيۋدجەتتىك ينۆەستيتسيالار تىزىمىنەن; جالپى سوماسى 438,6 ملرد تەڭگەنى قۇرايتىن, 147 پوزيتسيا كولەمىندەگى 2017 جىلعا ارنالعان مەملەكەتتىك تاپسىرمالار تىزىمىنەن تۇرادى. «بۇدان وزگە, 1,5 ملرد تەڭگە سوماسىنداعى 2016 جىلدىڭ  رەسپۋبليكالىق بيۋدجەتىنەن بيۋدجەتتىك قاراجات قالدىقتارىنىڭ ەسەبىنەن ءتيىستى بيۋدجەتتىك باعدارلامالاردىڭ جىلدىق جوسپارلىق مىندەتتەرىن ۇلعايتۋ ەسكەرىلگەن. سونداي-اق, قاۋلى جوباسى 4,2 ملرد تەڭگە كولەمىندەگى 2016 جىلعى رەسپۋبليكالىق بيۋدجەتتەن بولىنگەن ماقساتتى ترانسفەرت سوماسىن جەرگىلىكتى اتقارۋشى ورگاندارعا 2017 جىلى دامۋعا تولىعىمەن پايدالانۋدان تۇرادى», - دەدى ب. سۇلتانوۆ.