قوعامدىق كەڭەس زەينەتاقى قورىنىڭ 50 ملرد تەڭگەسىن تەمىر جولعا بەرۋىن ءتۇسىندىرۋدى سۇراۋدا

بىرىڭعاي جيناقتاۋشى زەينەتاقى قورى (بجزق) قوعامدىق كەڭەسى ۇلتتىق بانك توراعاسى دانيار اقىشەۆ پەن بجزق ءتورايىمى ءنۇبيبى ناۋرىزباەۆانىڭ اتىنا تەمىر جول سالاسىن قولداۋ ءۇشىن زەينەتاقى قورىنداعى 50 ملرد تەڭگەنىڭ بولىنۋىنە تۇسىنىكتەمە بەرۋىن سۇراپ وتىر. رەسمي ساۋالدا 8 باپ بار:

1. بۇل اقپارات شىندىققا قانشالىقتى جاناسادى؟ بۇل شەشىمدى كىم جانە قاشان قابىلدادى؟

2. ەگەر اقپارات راس بولسا, بۇل قارجىنى قاي كومپانيالار الا الادى جانە ونى الۋ شارتتارى قانداي؟ 3. قور اكتسيونەرى جانە قۇرىلتايشىسى قر ۇكىمەتى, ياعني قر قارجى مينيسترلىگىنىڭ "مەملەكەتتىك م ۇلىك جانە جەكەشەلەندىرۋ كوميتەتى" مم جانە ۇلتتىق بانك وسى قارجىنىڭ بەرىلۋىنە كەلىسىم بەردى مە؟ 4. زەينەتاقى اكتيۆتەرىن كومپانيالاردىڭ الۋى ءۇشىن ءوتىنىشتى قابىلداۋ ءتارتىبى, ىرىكتەۋ ءتارتىبى قانداي؟ جانە ەڭ باستىسى, قارجىنىڭ قايتارىلاتىنىنا كەپىلدىك بار ما؟ 5. ينۆەستيتسيالىق شەشىم قابىلداۋدىڭ تەتىگى قانداي؟ ونى بەرگەننەن كەيىن قارجىنىڭ كوبەيەتىنى تۋرالى قانداي سەنىم بار؟ 6. سالىمشىلار تۇرعىسىنان مۇنداي ينۆەستيتسيا قوردىڭ ينۆەستيتسيالىق دەكلاراتسياسىنا قانشالىقتى ساي كەلەدى؟ 7. وسى اكتيۆتەردى پايدالانۋدا قانداي ەميتەنتتەر, ۆەدومستۆالار مەن مەملەكەتتىك باعدارلامالار قاتىسادى؟ 8. زەينەتاقى اكتيۆتەرىنىڭ قور قۇرىلعاننان بەرگى, ياعني 2014 جىلدان بەرگى قانداي جوبالارعا ينۆەستيتسيا سالىنعانى تۋرالى تولىق مالىمەت بەرۋلەرىڭىزدى سۇرايمىن. ايتا كەتەيىك, بۇگىن زەينەتاقى قورىنان 50 ملرد تەڭگە ەلدىڭ تەمىر جول سالاسىنا بولىنەتىنى تۋرالى حابارلاعان ەدىك.