Soyle.kz پورتالىنىڭ موبيلدىك نۇسقاسى تانىستىرىلدى

ورتالىق كوممۋنيكاتسيالار قىزمەتىندە مەملەكەتتىك ءتىلدى دامىتۋ قورى «Soyle.kz» پورتالىنىڭ IOS پلاتفورماسىنداعى موبيلدىك قوسىمشاسى مەن پاتريوتتىق تاقىرىپتارعا ارنالعان باسقا دا قوسىمشالاردىڭ تۇساۋكەسەرىن وتكىزدى. وعان قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورى اتقارۋشى ديرەكتورىنىڭ ورىنباسارى سۇلتان ايتجانوۆ پەن مەملەكەتتىك ءتىلدى دامىتۋ قورىنىڭ ديرەكتورى ازات شاۋەەۆ قاتىستى. ءموبيلدى قوسىمشالار قازاق ءتىلىن ۇيرەنۋدى كوپشىلىككە قولجەتىمدى ەتۋ, قازاق حالقىنىڭ رۋحاني, ادەبي جانە مادەني قۇندىلىقتارىن كەڭىنەن ناسيحاتتاۋ, جاستار اراسىندا IT-بىلىمدەرىن قالىپتاسىرۋ جانە وسكەلەڭ ۇرپاقتى ۇلتجاندىلىققا تاربيەلەۋ  ماقساتىندا جاسالعان. "جاڭا وتاندىق ءىت-ونىمدەر ەلباسىنىڭ «قازاقستان حالقىنا جولداۋىنداعى مەملەكەتتىك ءتىلدى ءارى قاراي دامىتۋ جانە جاستاردى پاتريوتتىق سەزىمگە تاربيەلەۋدەگى قويىلعان مىندەتتەردى ىسكە اسىرۋ ءۇشىن جاسالعان. وسى جولداۋدا نۇرسۇلتان نازارباەۆ ۇكىمەت ءىت سالاسىن دامىتۋ, 3D-پرينتينگ, ونلاين-ساۋدا, ءموبيلدى بانكينگ, تسيفرلىق قىزمەت كورسەتۋ سەكىلدى ءبىلىم بەرۋ ىسىندە قولدانىلاتىن جانە باسقا دا پەرسپەكتيۆالى سالالاردى دامىتۋ كەرەك دەپ ۇكىمەتكە «تسيفرلىق قازاقستان» باعدارلاماسىن ازىرلەۋدى تاپسىردى. اسىرەسە, جولداۋداعى ءتورتىنشى باسىمدىق – ادامي كاپيتال ساپاسىن جاقسارتۋ – دەپ اتالاتىن بولىگىندە ءبىلىم بەرۋ جۇيەسىنىڭ ءرولى وزگەرىپ, IT-ءبىلىمدى قالىپتاستىرۋعا,  ۇلتجاندىلىقتى دامىتۋعا باسا كوڭىل ءبولۋ كەرەكتىگىن ايتتى", – دەدى ازات شاۋەەۆ. ال سۇلتان ايتجانوۆ جيىندا بىلتىر مەملەكەت باسشىنىڭ تىلگە قاتىستى جوبالاردى جۇزەگە اسىرۋ ءۇشىن قورعا بەرگەن قارجىسىنا «Abaialemi.kz» ونلاين-ەنتسيكلوپەدياسى مەن «Tattialma.kz» بالالار ادەبي سايتىنىڭ ءموبيلدى قوسىمشالارى, «مەنىڭ قازاقستانىم», «قازاقستاننىڭ ۇلى تۇلعالارى», «قازاقستاننىڭ مەرەكەلەرى» مەن «كىم بىلگىش؟» اتتى تۇڭعىش وتاندىق ينتەلەكتۋالدى ويىنىنىڭ قوسىمشالارى اشىلعانىن ايتتى. سونىمەن بىرگە ول قوردىڭ 2008 جىلدان بەرى انا ءتىلىمىزدىڭ قوعامداعى ءرولىن ارتتىرۋ ماقساتىندا ناقتى ءىس-شارالاردى قولعا الىپ, جۇزدەگەن قوعامدىق جوبالاردى ىسكە اسىرعانىن, سونىڭ ىشىندە ەلىمىزدە تۇڭعىش رەت قازاق ءتىلىن ونلاين رەجىمىندە تەگىن ۇيرەتەتىن «Soyle.kz» ينتەرنەت-پورتالى, بالالاردى مەكتەپكە دايارلاۋعا جانە جان-جاقتى دامىتۋعا ارنالعان «bala.soyle.kz» ونلاين سايتى مەن سوزدەردى جاتتاتۋعا ارنالعان تاقىرىپتىق سوزدىك sozdik.soyle.kz سايتىنىڭ اشىلعانىن تىلگە تيەك ەتتى. بۇدان كەيىن سۇلتان ايتجانوۆ Soyle.kz پورتالىنىڭ جاڭارتىلعان جانە جاڭا بولىمدەرمەن تولىقتىرىلعان نۇسقاسىمەن تانىستىردى. سايتتىڭ ديزاينى تەحنولوگيالىق تۇرعىدان بۇگىنگى زامان تالاپتارىنا ساي وزگەرتىلگەن. «Sozdik.soyle.kz», «سايتتار كاتالوگى», «ماقال-ماتەلدەر», «جۇمباقتار مەن جاڭىلتپاشتار», «بۇگىنگى كۇننىڭ ءسوزى», «ءىس-شارالار افيشاسى» سەكىلدى جاڭا بولىمدەر جاسالعان. مىسالى, «كىتاپحانا» بولىمىندە «كىتاپتى جۇكتەۋ» فۋنكتسياسى پايدالانۋشىلارعا ءوز كىتاپتارىمەن بولىسۋگە مۇمكىندىك بەرەدى. لاتىن قارپىنە كوشۋ فۋنتسياسى ەنگىزىلگەن. اعىلشىن ءتىلدى پايدالانۋشىلار ءۇشىن پورتالدىڭ اعىلشىنشا نۇسقاسىن جاساۋ قولعا الىندى. ونىڭ ايتۋىنشا, 2016 جىلدىڭ قىركۇيەگىنەن Soyle.kz ادىستەمەسى بويىنشا قازاق ءتىلىن Skype ارقىلى وقىتۋ باستالدى. بۇگىنگى تاڭدا Skype ارقىلى قازاقستان مەن شەت ەلدەردەن 200-دەن استام ادام تەگىن قازاق ءتىلىن ۇيرەنىپ جاتىر. Soyle.kz – 2013 جىلدىڭ جەلتوقسانىندا اشىلعان قازاق ءتىلىن تەگىن ۇيرەتەتىن تۇڭعىش ونلاين پورتال. اشىلعالى بەرى قازاقستان مەن شەت ەلدەردەن 1,5 ملن.-نان استام  ادام پورتال قىزمەتىن پايدالانسا, تىركەلىپ وقىپ جاتقانداردىڭ سانى 50 مىڭنان استى. «Soyle.kz» پورتالىنىڭ الەۋمەتتىك جەلىلەرى ارقىلى 20 مىڭنان استام ادام  قازاق ءتىلىن ۇيرەنىپ جاتىر. Android  جانە iOS پلاتفورمالارىنداعى «Soyle» قوسىمشاسىن 30 مىڭنان استام ادام جۇكتەپ السا, «bala.soyle.kz» بالالار سايتىن كۇندەلىكتى 1,5 مىڭنان استام جاس جەتكىنشەكتەر پايدالانۋدا. "ال جاڭا ايتقان ۇلى ابايدىڭ 170 جىلدىعىنا وراي اشىلعان «Abaialemi.kz» تۇڭعىش ەنتسيكلوپەديالىق ونلاين پورتالى, «Tattialma.kz» تانىمدىق بالالار ادەبيەتى سايتى, «كىم بىلگىش» اتتى تۇڭعىش ينتەللەكتۋالدى ءموبيلدى ويىنى, «مەنىڭ قازاقستانىم», «ۆەليكيە ليۋدي كازاحستانا», «پرازدنيكي كازاحستانا» سياقتى ءموبيلدى قوسىمشالارىنىڭ ىسكە قوسىلۋى قوردىڭ شىنايى قاجەتتىلىككە سايكەس جوسپارلى دا جۇيەلى جۇمىس ىستەيتىنىن كورسەتىپ, جۇرتشىلىق تاراپىنان جىلى قابىلدانىپ وتىر. كەلەسى جىلى «Soyle.kz» پورتالى بويىنشا ءتىلدى تەرەڭدەپ ۇيرەتۋدى جالعاستىرىپ, كوپشىلىكتىڭ سۇراۋى بويىنشا وسى سايتتىڭ اعىلشىنشا نۇسقاسىن جاساۋدى جوسپارلاپ وتىرمىز. ءىس قاعازدارىن قازاقشا جازىپ, قازاقشا تولتىرۋعا, ساۋاتتى ازىرلەۋگە ىقپال ەتۋ, كومەك كورسەتۋ ماقساتىندا «قۇجات ءتىلى» (Quzhat.kz) سايتىن اشۋدى جوسپارلاپ وتىرمىز. جۇمىستى باستاپ تا كەتتىك", – دەدى ول. وسى جەردە ول رەسمي ءىس-قاعازداردى جۇرگىزۋدى ونلاين ۇيرەتەتىن تۇڭعىش —  «Quzhat.kz» اتتى تەگىن ينتەرنەت پورتالى مەن قازاق حالقىنىڭ سالت-ءداستۇرىن, مادەنيەتى مەن تاريحىن قامتيتىن «جەتى قازىنا» اتتى ءموبيلدى قوسىمشاسىنا كەڭىرەك توقتالدى. قازىر ولاردىڭ موبيلدىك قوسىمشالارى  دايىندالىپ جاتقانىن, جوبالار قازاقستان رەسپۋبليكاسى تۇڭعىش پرەزيدەنتى – ەلباسى قورى مەن «Samruk-Kazyna Trust» الەۋمەتتىك جوبالاردى دامىتۋ قورىنىڭ قارجىسىنا جاسالىناتىنىن ايتتى. داستان كەنجالين, «ەگەمەن قازاقستان»