استانانى قاۋىپسىز قالا ەتۋدىڭ كەشەندى جوسپارى قولعا الىندى

قر پرەزيدەنتى اكىمشىلىگىنىڭ تاپسىرۋىمەن باس پروكۋرور جانە استانا قالاسىنىڭ اكىمى «ەلورداداعى قاۋىپسىزدىك جانە جايلىلىق» جوباسىن ىسكە اسىرۋ بويىنشا كەشەندى جوسپار بەكىتىلدى, دەپ جازادى ەلوردا اكىمدىگىنىڭ رەسمي سايتى. جوبانىڭ ماقساتى استانا قالاسىنىڭ تۇرعىندارى مەن قوناقتارى ءۇشىن, سونىڭ ىشىندە «ەكسپو-2017» حالىقارالىق كورمەسىن وتكىزۋ كەزىندە قاۋىپسىز جانە جايلى جاعدايلار جاساۋ بولىپ تابىلادى. جوبانى ىسكە اسىرۋ بارىسىندا 17 ورتالىق مەملەكەتتىك ورگاننىڭ جانە كۆازيمەملەكەتتىك سەكتوردىڭ قاتىسۋى جوسپارلانعان, ولار ەلوردادا قاۋىپسىز جانە جايلى ۋاقىت وتكىزۋگە باعىتتالعان شارالار كەشەنىن ۇسىنادى. سونىمەن بىرگە, جوبانى ازىرلەۋگە ەلوردا تۇرعىندارى مەن شەت مەملەكەتتەردىڭ ازاماتتارى تارتىلدى, ولار الەۋمەتتىك جەلىلەردەگى ونلاين ساۋالناما جانە تىكەلەي ساۋالناما ارقىلى قالانىڭ ومىرىنە قاتىستى ۇسىنىستارى مەن پىكىرلەرىن ءبىلدىردى. جوبانى ىسكە اسىرۋ بويىنشا كەشەندى جوسپار 2 باعىتتان تۇرادى: «قاۋىپسىزدىك» جانە «جايلىلىق», بۇل ەكەۋى ءوز كەزەگىندە 172 شارادان تۇراتىن 6 باستى باعىتقا بولىنگەن. «قاۋىپسىزدىك» - بۇل باعىتقا قوعامدىق جانە ەكونوميكالىق قاۋىپسىزدىكتى قامتاماسىز ەتۋ ماسەلەلەرى, توتەنشە جاعدايلاردى بولدىرماۋ جانە ولاردىڭ سالدارىن جويۋعا دايىندىق شارالارى كىرەدى. مىسالى, جوبانى ازىرلەۋ بارىسىندا استانادا 289 پاتەر ەسەپكە الىنعانى, سونىڭ 9,3 مىڭى نەمەسە شامامەن 4% زاڭدى تۇردە جالعا بەرىلەتىنى انىقتالدى, الايدا ساراپشىلار شىنايى مالىمەتتەردىڭ رەسمي مالىمەتتەردەن الشاق ەكەنىن ايتىپ وتىر. ەلوردادا بارلىق باسپانانىڭ 10% جالعا بەرىلەدى, بۇل شامامەن 400 ملن تەڭگە كولەڭكە اينالىم, ەسەپكە الىنباعان ارەندالىق پاتەرلەردىڭ باسقا جاعى  قىلمىسكەرلەر ءۇشىن قولايلى ورىنعا اينالاتىنىندا. قالىپتاسقان ماسەلەنى شەشۋ ءۇشىن ىشكى ىستەر ورگاندارىنىڭ, مەملەكەتتىك كىرىس ورگاندارىنىڭ جانە تۇرعىن ءۇي ينسپەكتسياسى قىزمەتكەرلەرىنىڭ قاتىسۋىمەن «ۋچاستوك» جەدەل الدىن الۋ شاراسى وتكىزىلەدى. ولاردىڭ باستى مىندەتى مىندەتتى سالىق تولەۋدەن جالتارىپ جۇرگەن پاتەردى زاڭسىز جالعا بەرۋشىلەردى انىقتاۋ بولىپ تابىلادى. «جايلىلىق» باعىتىنا سەرۆيسكە جانە ءومىر ءسۇرۋ ساپاسىنا قاناعاتتاندىرۋ, تۋريستىك جايلىلىقتى قامتاماسىز ەتۋ شارالارى جاتادى. كەشەندى جوسپاردىڭ بۇل باعىتىن ىسكە اسىرۋ ازاماتتاردىڭ تولەنەتىن جانە قاۋىپسىز ەڭبەك ەتۋ قۇقىعىن, مۇگەدەكتەردىڭ جۇمىسقا ورنالاسۋىن, حالىقتىڭ الەۋمەتتىك ءالسىز توپتارىنىڭ قورعالۋىن قامتاماسىز ەتەدى, مەديتسينالىق قىزمەت كورسەتۋ دەڭگەيىن, ازاماتتاردىڭ مادەني-رۋحاني دامۋىن ارتتىرادى.