استانادا ءبىر تاۋلىك ىشىندە 53 مىڭ تەكشە مەتر قار شىعارىلدى

استانادا قار كوپ جاۋىپ, قالانىڭ كوممۋنالدىق قىزمەتتەرى كۇشەيتىلگەن رەجىمدە ءجۇمىس ىستەۋگە كوشتى. ءبىر تاۋلىك ىشىندە قالا اۋماعىنان 53 مىڭ تەكشە مەتردەن اسا قار شىعارىلدى. بۇل تۋرالى قالالىق اكىمدىكتىڭ ءباسپاسوز قىزمەتى حابارلادى. جولداردى قاردان تازالاۋ بارىسىندا 2024 ارنايى تەحنيكا تارتىلدى. كوشە جيناۋ جۇمىستارىنا 2176 قىزمەتكەر جۇمىلدىرىلدى. قار شىعارۋ جۇمىستارى تاۋلىك بويى جۇمىس, دەمالىس جانە مەرەكە كۇندەرى جۇرگىزىلەدى. بۇگىن ەلوردادا بۇرقاسىن جانە جەل. «قازگيدرومەت» ورتالىعىنىڭ مالىمەتتەرىنە سايكەس, قازىر استانادا وڭتۇستىك-باتىستان جەل تۇرادى, ونىڭ ەكپىنى كەيدە 15-20 م/س جەتەدى. اۋا تەمپەراتۋراسى كۇندىز 0...-2°س, تۇندە -5...-7°س. مامانداردىڭ ايتۋىنشا, مۇنداي اۋا رايى تۇندە دە ساقتالادى. اۋا رايىن بولجاۋشىلاردىڭ ايتۋىنشا, ماسكەۋ تسيكلونىنىڭ ىقپالىمەن بۇرقاسىن ەلدىڭ ورتالىق جانە سولتۇستىك وڭىرلەرىنە اۋىسادى. رەسپۋبليكالىق ماڭىزداعى اۆتوجولداردا شەكتەۋلەر ەنگىزىلدى: استانا-اتباسار, استانا-قاراعاندى, استانا-ششۋچە, استانا-پاۆلودار, بۇل ايماقتا بۇرقاسىن جانە 20 م/س جىلدامدىقپەن جەل سوعۋدا. قالانىڭ جەدەل قىزمەتتەرى اۆتوكولىك جۇرگىزۋشىلەرىنە الىس ساپارعا شىقپاۋعا كەڭەس بەرەدى.