قازاقستاندا سپورتتىق كيىمدەر مەن اكسەسسۋارلار ساتاتىن «مەگاسپورت» دۇكەندەرى جابىلدى. بۇل تۋرالى forbes.kz حابارلايدى, دەپ جازادى 7kun.kz.
«مەگاسپورت» — قازاقستاندا 2002 جىلدىڭ مامىر ايىنان بەرى جۇمىس ىستەپ كەلە جاتقان ءىرى سپورت دۇكەندەر جەلىسى. جۇمىستى استانا قالاسىندا مۋلتيبرەندتەر دۇكەنى رەتىندە باستاعان. دۇكەندەردىڭ سانى اشىلعان كۇننەن باستاپ 15-كە جەتەدى. الايدا بىرنەشە جىل بۇرىن ساۋدا ورىندارىنىڭ ءبىرازى جابىلىپ, استانا, الماتى, پاۆلودار, تاراز, وسكەمەن, قاراعاندى قالالارىنداعى جەلىلەر قالعان.
وسىلايشا, قازاقستان نارىعىندا 15 جىلان اسا جۇمىس ىستەگەن مەگاسپورت بارلىق دۇكەندەرىن جابادى. مۇنداي اقپاراتتى كومپانيانىڭ ءوزى ناقتىلاعان.
«ءبىز بارلىق دۇكەندەرىمىزدى جابامىز. دۇكەن يەلەرى وسىنداي شەشىم قابىلدادى», — دەپ مالىمدەگەن كومپانيا وكىلدەرى.
ال قازاقستاننىڭ فرانچايزينگ جونىندەگى قاۋىمداستىعىنىڭ پرەزيدەنتى بەكنۇر كيسيكوۆتىڭ سوزىنشە, رەسەيدە, بەلارۋستە, ۋكراينادا مۇنداي اتاۋداعى سپورت دۇكەندەرى بولعانمەن, بۇل ساۋدا ورنى — قازاقستاندىق.
«مەگاسپورت» دۇكەندەرىنىڭ جابىلۋى ءبىز ءۇشىن كۇتپەگەن جاعداي ەمەس. ويتكەنى ولار وسىدان ۇش اي بۇرىن بارلىق اسسورتيمەنتتەرگە 40%-دان 80%-عا دەيىن جەڭىلدىكتەر جاساپ, ساتا باستادى. كوبىنە مۇنداي جاڭداي دۇكەندەر جابىلاتىن كەزدە بولادى», — دەيدى ول.
