بۇگىن اۋا رايى قۇبىلمالى بولادى

بۇگىن ەلىمىزدىڭ باسىم بولىگىندە اتموسفەرالىق اعىمداردىڭ وتۋىنە بايلانىستى قار جاۋادى, كەي جەرلەردە تۇمان, كوكتايعاق بولىپ, بوران سوعادى, جەل كۇشەيەدى. بۇل تۋرالى «قازگيدرومەت» رمك حابارلادى. اقمولا وبلىسىندا بوران سوعىپ, كەي جەرلەرىندە جەلدىڭ جىلدامدىعى 15-20 م/س دەيىن, ەكپىنى 23-28 م/س دەيىن كۇشەيەدى. سولتۇستىك قازاقستان, پاۆلودار وبلىستارىنىڭ كەي جەرلەرىندە جاياۋ بۇرقاسىن ءجۇرىپ, كوكتايعاق بولادى, جەلدىڭ كۇشى 15-20 م/س, ەكپىنى 23-28 م/س بولادى. قوستاناي وبلىسىندا جەلدىڭ كۇشى 15-25 م/س بولىپ, كەي جەرلەرىندە جاياۋ بۇرقاسىن, تۇمان, كوكتايعاق كۇتىلەدى. قاراعاندى وبلىسىنىڭ كەي جەرلەرىندە دە قار بوراپ, تاڭەرتەڭ تۇمان, باسىم بولىگىندە جەل كۇشەيەدى, كۇندىز كەي جەرلەردە 15-20 م/س بولادى. شىعىس قازاقستان وبلىسىنىڭ كەي جەرلەرىندە بۇرقاسىن, كوكتايعاق بولادى, جەل 15-25 م/س كۇشەيەدى. قىزىلوردا, ماڭعىستاۋ, تۇندە الماتى وبلىستارىنىڭ كەي جەرلەرىندە تۇمان كۇتىلەدى. اتىراۋ, وڭتۇستىك قازاقستان وبلىستارىنىڭ كەي جەرلەرىندە تۇمان كۇتىلەدى, كوكتايعاق بولادى. جامبىل وبلىسىنىنىڭ جەكەلەگەن اۋداندارىندا تۇمان كۇتىلەدى, كۇندىز جەل 15-20 م/س كۇشەيەدى. باتىس قازاقستان وبلىسىندا كەي جەرلەرىندە تۇمان, كوكتايعاق بولىپ, جەل 15-20 م/س كۇشەيەدى. اقتوبە وبلىسىنىڭ كەي جەرلەرىندە تۇمان, كوكتايعاق كۇتىلۋدە, تۇندە جەل ەكپىنى 18 م/س دەيىن جەتەدى.