بۇۇ وڭتۇستىك سۋدانداعى جاعدايدى اشارشىلىق دەپ جاريالادى

بۇۇ وڭتۇستىك سۋداننىڭ بىرنەشە وڭىرىندەگى جاعدايدى اشارشىلىق دەپ جاريالادى. بۇۇ-نىڭ ايتۋىنشا, ەگەر جاقىن ارادا مەملەكەتكە گۋمانيتارلىق كومەك كورسەتىلمەسە, اشارشىلىقتان 100 مىڭ ادام قازا تابۋى مۇمكىن, دەپ حابارلايدى ۆۆس. يۋنيسەف-ءتىڭ ايتۋىنشا, وڭتۇستىك سۋداندا ميلليونعا جۋىق تۇرعىن اشارشىلىق زاردابىن تارتۋدا. ۇيىمنىڭ مالىمەتىنە سەنسەك, ولاردىڭ 250 مىڭى بالالار. سونىمەن قاتار وڭتۇستىك سۋدان حالقىنىڭ 40 پايىزى نەمەسە 4,9 ملن ادام تويىپ تاماق ىشپەيدى ەكەن. اتالعان ەلدەگى ەڭ كۇردەلى جاعداي ۆاحدا پروۆينتسياسىندا تىركەلگەن. بۇۇ وكىلدەرىنىڭ ايتۋىنشا, گۋمانيتارلىق ۇيىمداردىڭ حالىقتىڭ بارلىعىنا كومەكتەسۋگە مۇمكىندىگى جەتپەيدى. بۇۇ التى جىلدا العاش رەت جاپپاي اشتىق تۋرالى جاريالادى. ەستەرىڭىزگە سالا كەتسەك, وڭتۇستىك سۋدان تاۋەلسىزدىگىن 2011 جىلى العان بولاتىن. 1998 جىلى سۋداننىڭ تاۋەلسىزدىك ءۇشىن كۇرەسى بارىسىندا-اق وڭتۇستىك سۋدان جەرىندە بىرنەشە مىڭ ادام اشتىقتان قايتىس بولعان. سول كەزدە بۇۇ بۇرىنعى باس حاتشىسى پان گي مۋن بۇل مەملەكەتتە گەنوتسيد بولۋى مۇمكىن ەكەنىن ايتقان ەدى.