جەڭىلدىكتى اۆتونەسيە بەرۋ باعدارلاماسىنىڭ شەڭبەرىندە جەكە تۇلعالاردان نەسيە الۋعا تۇسكەن 8 مىڭنان استام سۇرانىمدى شاماسىمەن 31 ملن تەڭگەگە ماقۇلدادى, دەپ جازادى strategy2050.kz.
قدب وتكەن جىلدىڭ 20 ءساۋىرى كۇنى ىسكە قوسىلعان جەڭىلدىكتى اۆتونەسيە بەرۋ باعدارلاماسىنىڭ وپەراتورى بولىپ تابىلادى.
«دامۋ بانكى اگەنت بانكتەرمەن ۇلتتىق قوردان بولىنگەن نەسيە قاراجاتىن يگەرۋدىڭ باقىلاۋىن ۇنەمى جۇرگىزۋدە. باعدارلاما شەڭبەرىندە ۇلتتىق قوردان جەكە تۇلعالارعا قازاقستاندا جينالاتىن اۆتوكولىكتەردى ساتىپ الۋعا نەسيە بەرۋ ءۇشىن بارلىعى 26 ملرد تەڭگە ءبولىندى», - دەپ حابارلادى قدب.
جەكە تۇلعالارعا جەرگىلىكتى وندىرىلگەن جەڭىل اۆتوكولىك ساتىپ الۋعا قر ۇكىمەتىمەن بەكىتىلگەن نەسيە بەرۋ شارتتارى: اتاۋلى سىياقى مولشەرلەمەسى – ەڭ كوبى جىلدىق 4%, الايدا جىلدىق ءتيىمدى مولشەرلەمە (ونىڭ ىشىنە ساقتاندىرۋ جانە اۆتوكولىكتى كەپىلگە سالۋ شىعىندارى كىرەدى) جىلدىق 7,5%-دان اسپاۋ كەرەك.
بانكتىڭ ءباسپاسوز قىزمەتى حابارلاعانداي, نەسيە مەرزىمى – ەڭ كوبى 5 جىل, قارىز ۆاليۋتاسى – تەڭگە, جەڭىل كولىكتىڭ ءبىر بىرلىگىنىڭ باعاسى – ەڭ كوبى 9 000 000 تەڭگە, باستاپقى جارنا (بار بولسا) – ساتىپ الىناتىن كولىكتىڭ باعاسىنان ەڭ كوبى 20%. جەڭىلدىكتى اۆتونەسيە بەرۋ باعدارلاماسى بويىنشا قارجىلاندىرۋدىڭ جاڭارتپالى سيپاتى بار. ياعني, اعىمداعى نەسيەلەردى وتەۋدەن تۇسكەن تولەمدەر قايتادان اتونەسيە بەرۋگە جۇمسالادى.
اقىرعى قارىزگەرلەر – جەكە تۇلعالارعا «سارىارقااۆتوپروم» جشس, «اگروماشحولدينگ» اق جانە «ازيا اۆتو» اق كاسىپورىندارىندا جينالاتىن «Kia», «Chevrolet», «Skoda», «Hyundai», «SsangYong», «Peugeot», «Toyota» جانە ت. ب. سياقتى برەندتەردىڭ 62 كولىك مودەلى ۇسىنىلادى.
