تۇبەگەيلى وزگەرىستەر كەزەڭى

ۇلتتىق ۇلان پەتروپاۆل اسكەري ينستيتۋتىندا قازاقستان حالقى اسسامبلەياسى كافەدرالارى قاۋىمداستىعىنىڭ رەسپۋبليكالىق وتىرىسى ءوتتى. وعان وڭىرلەردەگى اسسامبلەيا كافەدرالارىنىڭ وكىلدەرى, ەتنومادەني بىرلەستىكتەردىڭ جەتەكشىلەرى, ءماسليحات دەپۋتاتتارى, ۇكىمەتتىك ەمەس ۇيىمدار مۇشەلەرى, جاستار, اسكەري ينستيتۋتتىڭ جەكە قۇرامى قاتىستى. تالقىعا «قازاقستاننىڭ ءۇشىنشى جاڭعىرۋى: جاھان­دىق باسەكەگە قابىلەتتىلىك» جول­داۋى شىعارىلىپ, ەل­باسى بەلگىلەپ بەرگەن بەس باسىمدىق باستى تا­قى­رىپ ارقاۋىنا اينالدى. جي­ىننىڭ مودەراتورى, ساياسي عىلىمدار دوكتورى جۇ­مابەك احمەتوۆ ءوز ءسو­زىندە پرەزيدەنت جاھاندىق باسە­كەلەستىكتىڭ ءوسۋى جانە الەمدىك تۇراقسىزدىق جاع­دايىندا دا قازاقستان حال­قىن جارقىن بەلەستەرگە باس­تاپ كەلە جاتقانىن, ءۇشىن­شى جاڭعىرۋ 2012 جى­لى قابىلدانعان «قازاق­ستان-2050» ستراتەگياسىنىڭ جار­قىن جالعاسى بولىپ تابىلاتىنىن, باستى ءمانى وتىز ەلدىڭ قاتارىنا قاراي تۇراقتى تۇردە ىلگەرىلەۋدى قامتاماسىز ەتەتىنىن اتاپ كورسەتتى. وبلىستىق اسسامبلەيانىڭ حاتشىلىق مەڭگەرۋشىسى نايل ساليموۆ جاڭا كەزەڭگە قادام باسقان ەلىمىزدىڭ كەز كەلگەن قيىندىقتى ەڭسەرە الاتىنىن جەتكىزدى. شيرەك عاسىر ىشىندە تەڭدەسسىز تاجىريبە جيناقتادىق. باستى كۇشىمىز بىرلىكتە, ىنتىماقتا ەكەنىن ءبارىمىز جاقسى تۇسىنەمىز. بۇل باعىتتاعى تاڭداۋىمىز ايقىن دەي كەلىپ, قوستاناي, كوكشەتاۋ جانە سولتۇستىك قازاقستان وبلىستارىندا قۇرىلعان قازاقستان حالقى اسسامبلەياسى كافەدرالا­رى­نىڭ جۇمىسىنا ساتتىلىك تىلەدى. وتىرىستا وبلىستىق ءماس­ليحاتتىڭ حاتشىسى ۆلا­ديمير بۋبەنكو, م.قوزىباەۆ اتىنداعى سولتۇستىك قا­زاق­­­ستان مەملەكەتتىك ۋني­ۆەر­­سيتەتىنىڭ پرورەكتورى لا­ۋرا قايىرجانوۆا, ەۆرەي ءما­دەني ورتالىعىنىڭ توراعاسى راشبيل ەۆداەۆ, «بار­بانگ» كۇردتەر اسسو­تسيا­تسياسى جەرگىلىكتى فيليا­لىنىڭ جەتەكشىسى راشيد ناديروۆ, قازاقستان حالقى اسسامبلەياسى عىلىمي-ساراپ­تاما توبىنىڭ توراعاسى, ا.مىرزاحمەتوۆ اتىنداعى كوكشەتاۋ ۋنيۆەرسيتەتىنىڭ حالىقارالىق قاتىناستار, تاريح جانە الەۋمەتتىك ماسە­لەلەر كافەدراسىنىڭ مەڭ­گەرۋشىسى ارداق قاپىشەۆ, ۇلتتىق ۇلان پەتروپاۆل اسكەري ينستيتۋتىنىڭ كۋرسان­تى رۋسلان سۋحورۋچكين ءسوي­لەپ, ەلباسى جۇكتەگەن كە­لەلى مىندەتتەردىڭ ماڭىز­دىلى­­عىنا, ومىرشەڭدىگىنە جينال­عانداردىڭ نازارىن اۋداردى. شەشەندەردىڭ قاي-قايسىسى بولسىن تۇبەگەيلى وزگەرىس كەزەڭىندە ەكونوميكا­مەن قاتار, الەۋمەتتىك سالا­لارعا دا ەرەكشە ەكپىن ءتۇ­سىرىلگەنىن, الدا وسكە­لەڭ ۇرپاقتى رۋحاني-ادامگەر­شىلىك رۋحىندا تاربيەلەۋدىڭ شارالارىن كۇشەيتۋ ءمىن­دەت­تەرى تۇرعانىن تىلگە تيەك ەتتى. ءومىر ەسقالي, «ەگەمەن قازاقستان» سولتۇستىك قازاقستان وبلىسى