اۆستريامەن الىس-بەرىس ارتادى

اۆستريا – ەلىمىزدىڭ تاۋەلسىزدىگىن العاش تانىعان ەلدەردىڭ ءبىرى. بۇل 1992 جىلعى 18 قاڭتار بولاتىن. ال ءبىر ايدان كەيىن, 1992 جىلعى 19 اقپاندا قازاقستان رەسپۋبليكاسى مەن اۆستريا رەسپۋبليكاسى اراسىندا ديپلوماتيالىق قارىم-قاتىناس ورنادى. قازاقستان-اۆستريا قارىم-قا­تى­ناس­تارى بىردەن سىندارلى ديالوگ پەن ءوزا­را سەنىمگە نە­گىزدەلدى. 1991 جىلعى قا­زان­دا اۆستريانىڭ العاشقى عا­رىش­كە­رى فرانتس فيبەكتىڭ قا­زاق­ستان­­دىق عا­رىشكەر توقتار ءاۋ­­­­باكىروۆپەن بىرگە قا­زاق جە­رى­­­نەن عارىشقا كوتەرىلۋى جاق­سى­­لىقتىڭ نىشانى ەدى. وسى وقي­عاعا وراي بايقوڭىر عا­رىش ايلاعىندا ەكى مەم­لەكەت باسشىلارى – پرەزيدەنت نۇر­­سۇلتان نازارباەۆ پەن فە­دەرالدىق كانتسلەر فرانتس ۆرا­ني­تس­كيدىڭ كەزدەسۋى ءوتتى. سول كەزدەن باستاپ جوعارى سايا­سي دەڭ­گەيدەگى كەلىسسوزدەر جاق­سى ءداس­تۇر­گە اينالدى. باس­قوسۋلاردىڭ ماز­مۇ­نى قو­ماق­تى شارتتىق-قۇقىقتىق ب­ا­­زا­عا نەگىزدەلگەن ەكىجاقتى ىن­­­تى­ماق­­تاستىق دەڭگەيىنىڭ ەرەك­­شەلىگىن كور­سە­تىپ, ىن­تى­ماقتاستىق ۇلگىسى بولدى. قازاقستان مەن اۆستريا بۇۇ, ەقىۇ جانە ت.ب. حا­لىق­ارا­لىق ۇيىمدار شەڭبەرىندە تى­عىز ارەكەتتەسەدى. ەكونوميكا سالاسىنداعى قا­تى­ناس­تار دا دايەكتى تۇردە دا­مىپ كەلەدى. اۆستريا قازاق­ستان­نىڭ جەتەكشى ساۋ­دا ءارىپ­تەس­تەرىنىڭ قاتارىنا كى­رە­­دى ءجا­نە ەكىجاقتى ساۋدا دەڭ­گەيى بويىنشا ەو-عا ءمۇ­شە مەملەكەتتەردىڭ اراسىندا 9-ورىنعا يە. قازاقستان بول­سا, اۆستريانىڭ تمد مەم­لە­كەتتەرى اراسىندا ەكىنشى ساۋ­دا ارىپتەسى بولىپ تابىلا­دى. وسى جىلدار ىشىندە قازاقستان ەكونوميكاسىنا تار­تىلعان اۆستريالىق ينۆەس­تي­­تسيالاردىڭ جالپى كولەمى شا­مامەن 3 ملرد اقش دوللارىن قۇرايدى. قازاقستان-اۆستريا ەكو­نو­مي­كا­لىق, اۋىل شا­رۋا­شى­لىعى, تابيعاتتى قور­­ع­اۋ, ونەركاسىپ, تەح­نيكا جانە تەح­نو­­لوگيا ءجو­نىندەگى ۇكىمەتارالىق كو­مي­س­­سياسى مەن ەكى ەل بيزنەسى وكىل­­­دە­رى قاتىساتىن قازاقستان-اۆس­تريا ىسكەرلىك كەڭەسى ەكى­جاقتى ەكو­نوميكالىق ىق­پال­داستىقتىڭ ءتيىمدى تەتىكتەرى بو­لىپ تابىلادى. ايماقتار اراسىنداعى ىن­تى­ماق­تاستىق سەرپىندى ءتۇر­دە نىعايىپ, سوڭ­عى جىل ءىشىن­دە شتيريا فەدەرالدى جە­­رى مەن شىعىس قازاقستان وب­لى­س­ى, كارينتيا فەدەرال­دى جە­رى مەن وڭ­تۇس­­تىك قازاقستان وب­لىسى, سونداي-اق, جو­عارى اۆستريانىڭ ەكسپورت ورتا­­لى­­عى مەن پاۆلودار وبلىسى ارا­­سىندا ىن­تىماقتاستىق ءجو­نىن­دەگى مە­مو­ران­دۋمدارعا قول قوي­ى­لدى. ايماقارالىق قاتى­ناس­تار­دى كۇ­شەي­تۋدە قازاقستان­نىڭ اۆستريانىڭ گراتس, زالتس­بۋرگ, كلاگەنفۋرت, برەگەنتس قا­لا­­لا­رىن­دا مۇددەلەرىن قور­عاي­تىن قۇر­­مەتتى كونسۋلداردىڭ ۇلە­سى زور. اۆستريانىڭ جاڭارتىلاتىن ەنەر­­­­گيا كوزدەرىن قولدانۋداعى باي ءتا­­­جىريبەسىن نازارعا الا وتى­­رىپ, اس­­تا­نا­دا وتەتىن ەكسپو-­2017 حا­لىق­ارا­لىق كور­­­مەسىنە اۆستريالىق كوم­­پا­نيا­­لار بەلسەندى قا­تى­سا­دى دەپ كۇ­­تى­لۋدە. ەلدەرىمىز اراسىنداعى ءبى­لىم جانە ءما­دەنيەت سالا­لا­رىن­داعى بايلانىس­تار دا كە­ڭەي­ىپ كەلەدى. 2013 جى­لى اۆس­ت­ريا­دا قازاقستان مادە­نيەتى­­نىڭ كۇندەرى, ال 2014 جىل­ى قازاق­ستان­دا اۆستريا ءما­دە­­نيەتى­نىڭ كۇندەرى ءوت­كەن بو­لا­­تىن. 2015 جىلدان باس­تاپ اۆستريادا قازاقستاننىڭ باي ءما­­­دەنيەتىن ناسيحاتتاۋ ماق­سا­­تىندا «قازاقستان ءىنجۋ­لە­رى – ۇلى دالا سارىنى» اتتى جوب­ا­­سى جۇزەگە اسىرىلۋدا. قازاقستان مەن اۆستريا ار­ا­سىن­داعى ديپلوماتيالىق قا­رىم-قا­تى­ناس­تاردىڭ 25 جىل­دى­عىنىڭ قورى­تىن­دى­لارى كورسەتكەندەي, ەل­دەرىمىز سايا­سي, ەكونوميكا ءجا­­نە ءما­دەنيەت سالالارىنداعى ىن­ت­ىم­اقتاستىقتى ءارى قاراي دامىتىپ, نىعايتۋ مەن كەڭەي­تۋ­گە نيەتتى, دەپ حابارلادى قازاق­س­تان رەسپۋبليكاسى سىرت­قى ءىس­تەر مينيسترلىگىنىڭ باس­پاسوز قىز­مەتى.