«اق جول» ءوز ۇسىنىستارىن جولدادى

«اق جول» پارتياسى كونستيتۋتسيالىق رەفورماعا بايلانىستى ءوز ۇسىنىستارىن پرەزيدەنت اكىمشىلىگى جانىنداعى كوميس­سياعا جولدادى. بۇل تۋرالى پارتيا­نىڭ ءباسپاسوز قىزمەتى حابارلادى. جولدانعان ۇسىنىستار پارتيا تورالقاسى مۇشەلەرىنىڭ, ونىڭ پارلامەنتتىك فراكتسياسى مەن وبلىستىق فيليالدارى وتىرىسىنىڭ بارىسىندا تالقىلاندى. پارتيا توراعاسى ازات پەرۋاشەۆ جوبانى تانىستىرا وتىرىپ, مەملەكەت باسشىسىنىڭ كونس­تي­تۋتسيانى جەتىلدىرۋ مەن بيلىك تار­ماق­تارى اراسىندا وكىلەتتىكتى قايتا ءبولۋ بويىنشا باستاماسىن دەموكراتيالىق پارتيانىڭ قولدايتىندىعىن اتاپ ءوتتى. ونىڭ سوزىنە قاراعاندا, بۇل قادام مەملەكەتتىك ورگانداردىڭ قوعام الدىنداعى اشىقتىعى مەن ەسەپ بەرۋىنە قاتىستى ساياسي جۇيەنىڭ ءارى قارايعى جاڭعىرتىلۋىن بىلدىرەدى. قورىتا ايتقاندا, «اق جول» دەموكرا­تيالىق پارتياسى ەلباسى نۇرسۇلتان نازارباەۆتىڭ كونستيتۋتسيالىق رەفورمالاردى بۇكىلحالىقتىق تالقىلاۋ ءۇشىن ۇسىنعان ۋاقى­تىن پايدالانا وتىرىپ, ايماقتار مەن ورتا­لىق ورگاندارداعى پارتيا اكتيۆتەرىمەن كەزدەسۋىندە ءوزىنىڭ باستامالار پاكەتىن جاساپ شىعاردى. كونستيتۋتسياعا وزگەرىستەر ەنگىزۋ بويىنشا كوميسسيا تالقىلاۋىنا جىبەرىلەتىن قورىتىندى پاكەتتە «اق جول» پارتياسى 18 ناقتى ۇسىنىستى اتاپ كورسەتكەن.