باياندى بولاشاققا باتىل قادام

ەلباسى نۇرسۇلتان نازارباەۆتىڭ بيلىك تارماقتارى اراسىندا وكىلەتتىكتەردى قايتا ءبولۋ ماسەلەلەرى جونىندەگى ۇندەۋى تاۋەلسىز مەملە­كەتىمىزدىڭ دەموكراتيالىق باعىتتا ءوسىپ-وركەندەپ كەلە جاتقاندىعىن كەزەكتى رەت ايقىنداپ بەردى. ۇندەۋدە ايتىلعانداي, كۇشتى پرەزيدەنتتىك ۆەرتيكال بىزگە مەم­لەكەتتى قالىپ­تاستىرۋداعى العاشقى قيىن­دىقتاردى ەڭسەرۋ كەزەڭىندە قاجەت بولدى. وسى كەزەڭدە ءوزىمىز بۇگىندە ماق­تانىشپەن ايتىپ جۇرەتىن قانشاما جەتىس­­تىكتەرگە قول جەتكىزىلدى دەسە­ڭىزشى! مەملەكەت باسشىسى, مىنە, ساياسي جۇيەنى ودان ءارى دەموكراتيالاندىرۋ قادامىن جاساپ وتىر. مۇنىڭ ءوزى مەملەكەتتى باسقارۋ جۇيەسىنىڭ تيىمدىلىگىن بارىنشا ارتتىرىپ, ەلىمىزدىڭ الەم الدىنداعى بەدەلىن بۇ­رىن­عىدان دا جوعارىلاتا تۇسە­تىندىگى ءسوزسىز. نۇرسۇلتان نازارباەۆتىڭ: «مەن پرەزيدەنت يە وكىلەت­تىكتەردىڭ ايتارلىقتاي بولىگىن بەرۋگە سانالى تۇردە بارىپ وتىرمىن. مەن مۇنى جال­عىز عانا ماقساتپەن – ەلدى باس­قارۋ­دىڭ نەعۇرلىم ءتيىمدى, ورنىقتى, زاماناۋي جۇيەسىن قۇرۋ ءۇشىن جاساپ وتىرمىن», دەگەن ءسوز­دەرى دەموكراتيالىق دامۋ جولىن تاڭداعا­نىمىزدى ودان ءارى ايقىنداي تۇسەدى. بۇكىل قازاقستاندىقتار­دىڭ قاتى­سۋىمەن جۇزەگە اساتىن جاڭا رەفورمانى جارقىن بولاشاققا جاسالىپ وتىرعان باياندى قادام رەتىندە باعالايمىن. وسىن­داي تۇبەگەيلى وزگەرىستەردى جۇزە­گە اسىرۋ ارقىلى مەم­لە­كەت­تىك قۇرىلىستىڭ بوگدە ەش­بىر مودەلدەرىنە ۇقسا­ماي­تىن ءوز مەملەكەتىمىز­­دى, جاۋاپكەرشىلىك پەن بىلىك­تى­لىكتى باستى ورىنعا قويا­­تىن ۇكىمەت پەن پارلامەنت­تى قالىپتاستىراتىنىمىز ءسوزسىز. مەيرام ءجانادىلوۆ, «ولكە تىنىسى» جشس ديرەكتورى الماتى وبلىسى