ۇكىمەت حالىققا جاقىن بولادى

ەلباسى ۇسىنعان كونس­تيتۋتسيالىق رەفورما مەملە­تەكەتىمىزدىڭ دامۋىن جانە بۇكىل قازاقستان حالقىنىڭ ءمۇد­دەلەرىن تولىقتاي قام­تا­ماسىز ەتەدى دەپ سەنە­مىن. سونى­مەن قاتار, مەملە­كەتى­مىزدىڭ ساياسي جۇيەسىندەگى بيلىكتىڭ ءۇش تارماعى, ياعني سوت, زاڭ شى­عارۋشى جانە اتقارۋشى بيلىكتەر اراسىنداعى تەپە-تەڭدىك قالىپتاسادى دەپ ويلايمىن. ياعني ءبىر-ءبىرىن تەجەۋ جانە تەڭەۋ مەحانيزمى كۇشەيتىلەدى. ۇكىمەت پەن پار­لامەنتكە وكىلەتتىكتەر بەرىلىپ وتىر, ياعني ۇكىمەتتىڭ پارلامەنت الدىنداعى جاۋاپ­كەرشىلىگى, سونداي-اق, پار­لامەنتتىڭ حالىقتىڭ الدىن­داعى جاۋاپكەرشىلىگى دە جوعارىلاي تۇسەدى. باسقاشا ايتقاندا, ۇكىمەت حالىققا جاقىنىرىق بولادى. تاعى ءبىر ايتا كەتەتىن ماسەلە, قازاقستان رەسپۋب­لي­كاسى پرەزيدەنتىنىڭ بيىلعى جولداۋىندا باستى ماسەلە رەتىندە ادامي رەسۋرستار اتا­لىپ وتكەن بولاتىن. ادا­مي رەسۋرستار ەلىمىزدىڭ دامۋى­نا تىكەلەي سەپتىگىن تيگى­زەدى دەپ ايتساق بولادى. مەن ءۇش­تىل­دىلىك ساياساتىن قول­داي­مىن. قازاقستاندا اعىل­­شىن ءتىلىن وقىتۋ ءىسى قول­عا الىنىپ جاتىر. ءاربىر قا­زاق­­ستان ازاماتى اعىلشىن ءتىلىن تولىق مەڭگەر­گەن بول­سا, ونىڭ حالىقارا­لىق ارە­نا­داعى باسەكەلەستىككە دە­گەن قابىلەتتىلىگى دە ارتا­دى. مىسالى, مەن «بولا­شاق» باعدارلاماسى بويىن­شا ۆاشينگتون قالا­سىن­داعى دجوردج ۆاشينگتون ۋني­ۆەرسيتەتىندە ماگيست­را­تۋرادا وقيمىن. مامان­دىعىم – Project Management. بۇل سالا ەلىمىزدە ايتارلىقتاي مىق­تى دامىماعان. سول سەبەپ­تى, وسى جاقتا العان ءبىلى­مىم مەن تاجىريبەمدى ەلىمىزدىڭ يننو­­ۆاتسيالىق-يندۋستريالىق جو­با­لاردى جۇزەگە اسىرۋعا جۇمساسام دەپ ويلايمىن. باقداۋلەت تۇرعاراەۆ, «بولاشاق» باعدارلاماسىنىڭ ستيپەندياتى