ەلدى ىلگەرىلەتۋگە باعىتتالعان

قازاقستان پرەزيدەنتىنىڭ حالىق­تىڭ تالقىلاۋىنا ۇسىنعان جاڭا كونستيتۋتسيالىق رەفورماسى – ەلدەگى زاڭ ۇستەمدىگىنىڭ, دەموكراتيانىڭ جانە ەكونوميكانىڭ نىعايۋىنا جول اشاتىن ماڭىزدى قادام. مىقتى ينفراقۇرىلىمدى قا­لىپتاستىرۋ جانە مەملەكەتتىڭ گەو­گرافيالىق ورنالاسۋىن ءتيىمدى پايدالانۋ – بۇل مەم­لەكەتتىك اتقارۋشى جانە پارلامەنتتىك باسقارۋ تەتىگى قولعا العان نەگىزگى مىندەتتەردىڭ ءبىرى. ماسەلەن, بۇل مىندەتتى ناتيجەلى جۇزەگە اسىرۋ ارقىلى اشىق ساياسات جۇرگىزە وتىرىپ, ەلدىڭ ەكونوميكالىق وسىمىنە ىقپال ەتۋگە بولا­دى. ال ول ءوز كەزەگىندە شەتەلدىك ينۆەستيتسيا­نى تارتۋعا دا سەپ بولارى انىق. بۇعان قوسا, بۇل جەرگىلىكتى بيزنەس ءۇشىن جاڭا مۇمكىندىكتەرگە جول اشىپ قانا قويماي, ازاماتتار ءۇشىن جاڭا جۇمىس ورىندارىنىڭ اشىلۋىنا دا كومەگىن تيگىزبەك. قازاقستان پرەزيدەنتى ءوزىنىڭ مەملەكەتى ءۇشىن نەنىڭ ءتيىمدى بولاتىنىن بىلەتىن كوشباسشى تۇلعا. سول سەبەپتى, پارلامەنتكە, ۇكىمەتكە ءوز وكىلەتتىلىگىنىڭ اۋقىمدى بولىگىن بەرۋ ارقىلى ولارعا جاۋاپكەرشىلىك جۇك­تەپ قانا قويماي, ۇكىمەت شەشىم­دەرى بويىنشا قابىلدانعان ماسەلەلەردە شەشۋشى ءرولدى سەنىپ تاپسىرعالى وتىر. بۇل مەملەكەتتىڭ ەكونوميكالىق ءوسىمىن قامتاماسىز ەتۋ ارقىلى ەل تۇرعىندارىنىڭ ءومىر ءسۇرۋ ساپاسىن ودان ءارى ارتتىرۋ باعىتىندا جاسالعان قادام. جاڭا رەفورمادا كورسەتىلگەن جاڭا مىندەتتەر قازاقستاننىڭ ءوڭىر­دە قالىپتاسىپ ۇلگەرگەن تۇراقتىلىق پوزي­تسياسىن ودان ءارى نىعايتۋعا, حالىقارالىق ارەناداعى ءوزىنىڭ ءرولى مەن ورنىن ايقىنداي تۇسۋىنە بەلسەندى تۇردە اسەر ەتۋى مۇمكىن. سوندىقتان, مەن ناتيجە ءارى تابىس اكەلەتىن جاڭا كونستيتۋتسيالىق وزگەرىستەرگە ايرىقشا ءمان بەرۋ قاجەت دەپ ەسەپتەيمىن. سەبەبى, بۇل وزگەرىستەر تۇراقتىلىقتى نىعايتۋدى, دامۋ مەن ىلگەرىلەۋدى قامتاماسىز ەتۋدى كوزدەپ وتىر. ءبىز ءبىر-بىرىمىزدەن ءالى دە كوپ نارسەنى ءۇي­رەنۋى­مىز كەرەك. الايدا, العاشقى جاسالعان قادام قاشان دا ماڭىزدى. بۇدان كەيىن ءسوزسىز, ءبىزدى بىرىكتىرەتىن ورتاق مىندەتتەردى ايقىنداۋعا جول اشىلاتىن بولادى. يوناش فلورين ۋركان, جەرورتا تەڭىزى پارلامەنتتىك اسسامبلەياسىنىڭ ەلشىسى