جولداۋ جاڭالىقتارى جاقسىلىقتارعا باستايدى

قازاقستان پرەزيدەنتى نۇرسۇلتان نازارباەۆ بيىلعى 31 قاڭتاردا ءوز حالقىنا ارنالعان «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىن جاريالادى. بۇل ءمان-ماڭىزى جوعارى قۇجاتتىڭ قازاق­ستاندى ودان ءارى دامىتا ءتۇسۋ­دەگى ءرولى ەرەكشە دەپ ويلايمىن. قازاقستان جاڭعىرۋدىڭ ءبىرىنشى جانە ەكىنشى كەزەڭدەرىنەن ءساتتى ءوتتى. سونداي-اق, قازاقستان الەمدىك نارىقتاعى مۇناي باعاسىنىڭ قۇلدى­راۋىنان تۋىنداعان قارجىلىق قيىندىقتارعا قاراماستان, «نۇرلى جول» مەملەكەتتىك باعدارلاماسى ارقاسىندا ەكونوميكالىق وسىمگە قول جەتكىزە ءبىلدى. پرەزيدەنت نۇرسۇلتان نازارباەۆ الداعى كەزەڭدەردە ەلدى ودان ءارى دامىتا ءتۇسۋ ءۇشىن تاريح قويناۋىنا ەنگەن سوڭعى 25 جىلداعى جەتىستىكتەردى ەسكەرە وتىرىپ, «قازاق­ستان-2050» ستراتەگياسى نە­گى­زىن­دە ءتورتىنشى ونەركاسىپتىك رەۆول­يۋتسيا تالاپتارىن ەڭسەرۋ ماق­ساتىندا قازاقستاننىڭ ءۇشىنشى جاڭعىرۋ مىندەتتەرىن كۇن تارتىبىنە شىعاردى. پرەزيدەنت ن.نازارباەۆ ءوزىنىڭ جولداۋىندا بەس باسىمدىق­تى اتاپ كورسەتتى. ولار: ەكونومي­كا­نىڭ جەدەلدەتىلگەن تەحنيكالىق جاڭ­عىرتىلۋى, بيزنەس-ورتانى تۇبەگەيلى جاقسارتۋ جانە كەڭەيتۋ, ماكروەكونوميكالىق تۇ­راق­تىلىق, ادامي كاپي­تال ساپاسىن جاقسارتۋ, سونداي-اق, ينستيتۋتتىق وزگەرىستەر, قاۋىپسىزدىك جانە سىبايلاس جەمقور­لىقپەن كۇرەس. نۇرسۇلتان نازارباەۆ ءبىلىم بەرۋ سالاسىنا ين­ۆەس­تيتسيا سالۋعا ۇنەمى باسىمدىق بە­رىپ كەلەدى. بۇعان قوسا, مەملەكەت باس­شىسى قازاقستان تاۋەلسىزدىگى­نىڭ 25 جىلىندا جەتەكشى رولگە يە بول­عان ادامي كاپيتالدىڭ ماڭىز­دى ەكە­نى­نە ءاردايىم باسا نازار اۋدارادى. جولداۋدا كوزگە بىردەن تۇسەتىنى – ءۇش تىلدە ءبىلىم بەرۋگە بىرتىندەپ ءوتۋ ماسەلەسى. 2019 جىلدان باس­تاپ 10-11-سىنىپتاردا ساباقتار اعىلشىن تىلىندە جۇرگىزىلمەك. بۇل – نەگىزىندە دۇرىس شەشىم. ءويت­كەنى, ءبىز قالاساق تا, قالاماساق تا اعىلشىن ءتىلىنىڭ قولدانىس اياسى كۇن ساناپ ءوسىپ كەلەدى. اعىلشىن ءتىلىن­دەگى اقپاراتتار كولەمى ارتا ءتۇسۋ­دە. الەمدىك كوممۋنيكاتسيادا اعىل­شىن ءتىلى اسا جوعارى ماڭىزعا يە. وڭتۇستىك كورەيادا دا اعىلشىن ءتىلىن قوسا پايدالانۋ جونىندە كوپ­تەگەن پىكىرتالاستار بولدى. بىراق ءبىز ءالى ءبىر باتۋاعا توقتاعان جوقپىز. سونداي-اق, ءتورتىنشى ونەركا­سىپتىك رەۆوليۋتسياعا دايىندىق ايا­سىندا وقىتۋ جوسپارلارىن قاي­تا قاراۋ قازاقستاننىڭ ءۇشىنشى جاڭ­عىرۋىنىڭ تابىستى جۇرگىزىلۋىنە مۇمكىندىك بەرەدى. قىسقاسى, ەڭ باستى قۇندىلىق – ادام. ال ادام يگىلىگى ءۇشىن ات­قارىلعان ءاربىر ءىس جەمىستى بولۋى ءتيىس. وم گۋ حو, حانيان ۋنيۆەرسيتەتى ازيا-تىنىق مۇحيتى زەرتتەۋ ورتالىعىنىڭ ديرەكتورى, پروفەسسور (وڭتۇستىك كورەيا)