پرەزيدەنتتىڭ قازاقستان حالقىنا كەزەكتى جولداۋى بويىنشا ءوز پىكىرىمدى ايتۋ مەنىڭ جانىما جاقىن دەسەم ارتىق ايتقاندىق بولماس. بىرىنشىدەن, ونى وقىپ شىققاندا «بارلىق باسىمدىقتار قانداي وزەكتى, ولاردىڭ ارقايسىسى بويىنشا مىندەتتەر قالاي ءدال قويىلعان» دەگەن ويعا قالدىم.
يندۋسترياعا تسيفرلىق تەحنولوگيانى ەنگىزۋ جونىندەگى ءبىرىنشى باسىمدىقتى قۋانا قابىلدادىم. نەگە ەكەنىن تۇسىندىرەيىن. 2009 جىلى تەلەۆيزيانىڭ بالامالى نۇسقاسىنىڭ ورنىنا تسيفرلىق نۇسقانى ەنگىزۋدى ۇسىنىپ, ونىڭ باستاماشىلارىنىڭ ءبىرى بولعانىمدا, ءبىزدى بارلىق دەڭگەيدە دۇرىس قابىلدامادى, بيۋدجەت مۇلدە از ءبولىندى, قازاقستاننىڭ وسى يندۋسترياداعى ءوز ورنىن جوعالتىپ الماۋى ءۇشىن يدەيامىزدى تەك قانا ىنتا-جىگەرمەن ىسكە اسىرۋعا تۋرا كەلگەن بولاتىن. بۇگىندە ول جاعداي ۇمىتىلا باستادى, بىراق قازاقستاندىقتاردىڭ كۇندەلىكتى ومىرىندە تسيفرلىق تەلەۆيزيا كەڭىنەن پايدالانىلۋدا.
سوندىقتان مەملەكەت باسشىسى ءىت-سالانى ءبىرىنشى باسىمدىق رەتىندە مەملەكەتتىك دەڭگەيدە قويعاندا, بۇل ءبىر جاعىنان قۋانتادى, ەكىنشى جاعىنان تاريحتىڭ كولەڭكەسىندە قالىپ قويماس ءۇشىن ءبىزدىڭ بارلىعىمىزدى وسى زامانعى تسيفرلىق تەحنولوگيالاردىڭ نەگىزىندە جاڭا يندۋستريانى دامىتۋعا, ەكونوميكانىڭ قازىرگى قۇرىلىمىن جەتىلدىرۋگە جاڭا بەتبۇرىستار جاساۋعا يتەرمەلەيدى.
البەتتە, بۇل باسىمدىقتى ىلگەرىلەتۋ, بەينەلەپ ايتار بولساق, ءىس جۇزىندە ءاربىر قازاقستاندىقتان جارىق جىلدامدىعىنا تەڭ جەدەلدىكتى تالاپ ەتەتىنى اقيقات – ويتپەگەن جاعدايدا جەتىستىكتى ۇزاق كۇتۋگە تۋرا كەلەدى, جايباراقاتتىققا جول بەرۋ جاقسىلىققا اكەلمەيدى, «ايتەۋىر ءبىر بولار» دەگەن قاعيدا بۇل جەردە قيسىنسىز. بۇل جاستاردىڭ ءىسى دەپ جاس ۇرپاققا يتەرە سالۋدىڭ دا پەرسپەكتيۆاسى بار دەپ ايتۋ قيىن: سوندىقتان جاس تا, كارى دە ءىت-ءبىلىمىن جەدەل مەڭگەرۋگە جانە كۇندەلىكتى ومىردە ونى بەلسەندى تۇردە پايدالانۋعا ءتيىس.
ەكونوميكالىق رەفورما جانە وڭىرلىك دامۋ كوميتەتىنىڭ مۇشەسى رەتىندە جولداۋدىڭ بيزنەس ماسەلەلەرى جونىندەگى ەرەجەلەرىن اينالىپ وتە المايمىن. ءبىزدىڭ نارىقتىق قاتىناستاردى دامىتۋ جولىنا تۇسكەنىمىز راس بولسا, وندا سول تالاپ ەتەتىن جاعدايلاردا شەبەرلىكتى, داعدىلاردى مەڭگەرۋگە, سوعان ساي ءومىر سۇرۋگە جانە ەڭبەك ەتۋگە ءتيىسپىز. جاقسىلىقتىڭ ءبارى اسپاننان ءوزدىگىنەن تۇسە قالادى دەپ كۇتپەي, الدەبىرەۋلەرگە ۇمىتتەنبەي, مەملەكەت جاساپ وتىرعان بارلىق جاعدايدى پايدالانىپ, كاسىپكەرلىكتى دامىتۋ, ودان ءوز ورنىڭدى تابۋ, ءتىپتى بولماعاندا وتباسىلىق بيزنەس اشۋ, قارجىلىق ساۋاتتىلىقتى جەدەل مەڭگەرۋ قاجەت. بۇگىندە ەلباسى ءبىزدى وسىعان باعىتتاپ وتىر.
بۇل جەردە ءوز بيزنەستەرىن دامىتۋ جولىندا تالاي تار جول, تايعاق كەشۋدى باسىنان وتكەرگەن ءبىزدىڭ تاجىريبەلى كاسىپكەرلەرىمىز وزدەرىنىڭ سالماقتى سوزدەرىن ايتۋعا, وزدەرىنىڭ مول تاجىريبەلەرىمەن بولىسۋگە ءتيىس دەپ ويلايمىن. «ءتيىس» دەگەن ءسوزدى ادەيى ايتىپ وتىرمىن, ويتكەنى, ولاردىڭ ءوز ءىسىن دامىتۋى ءۇشىن جاقسى جاعدايلار جاسالىپ كەلدى, قازىر دە جاسالۋدا. ەندى بۇقارالىق كاسىپكەرلىكتىڭ كەڭ دامۋىنا جول اشۋ ءۇشىن ولاردىڭ ءوز ەلىنە, ءوز حالقىنا, تابىستى جولدى ىزدەستىرۋگە ارتىق ۋاقىت جۇمساماي كاسىبىن جەتىلدىرۋگە كومەكتەسەتىن, بيزنەس نەگىزدەرى بويىنشا ءتيىمدى ءبىلىم الۋ مۇمكىندىگىن بەرەتىن ۋاقىت كەلدى.
مەنى, مۇعالىم رەتىندە, الەۋمەتتىك سالادا ءجۇرگىزىلىپ جاتقان جۇمىستاردىڭ جاي-كۇيىن جاقسارتۋ قاجەتتىگى تۋرالى باسىمدىق تا بەيجاي قالدىرعان جوق. سوندىقتان ولاردىڭ ارقايسىسىنىڭ دەنى ساۋ, ساۋاتتى, تالانتتى, بارلىق جاعىنان باسەكەگە قابىلەتتى بولۋى قاجەت. ال ول ءۇشىن بارلىق كۇش-جىگەر وقۋعا جانە ەڭبەك ەتۋگە ارنالۋعا ءتيىس, سوندا عانا ءومىر ءسۇرۋ مازمۇندى بولادى جانە ساپالى ءارى جاڭا ءومىر ءسۇرۋ دەڭگەيى قامتاماسىز ەتىلەدى. ءبىزدىڭ بالالارىمىز مول ءبىلىم دەڭگەيىنە يە بولىپ قانا قويماي, ونى ومىردە پايدالانا بىلۋگە, كەز كەلگەن جاعدايدا, اسىرەسە, جاڭا تەحنولوگيالار داۋىرىندە ابىرجىپ قالماس ءۇشىن بىرنەشە ءتىلدى مەڭگەرۋگە ءتيىس. جانە بالالار عانا ەمەس, ءبىزدىڭ ءوزىمىز دە جاس ەرەكشەلىگىمىزگە قاراماستان, ۋاقىتتىڭ قاتاڭ تالاپتارىنا سايكەس, انا تىلىمىزبەن قاتار اعىلشىن ءتىلىن دە وقىپ-ۇيرەنۋگە, ءىت-ءبىلىمنىڭ نەگىزدەرىن مەڭگەرۋگە ءتيىسپىز. ولاي بولماعان جاعدايدا, ايتالىق, ومىرىمىزگە دەندەپ ەنىپ كەلە جاتقان, بۇگىندە ولارسىز اتتاپ باسا المايتىن موبيلدىك بانكينگتى, ەلەكتروندىق قىزمەتتەردى قالاي پايدالانباقپىز.
ال دەنساۋلىق ساقتاۋ جۇيەسىنە كەلەتىن بولساق, بۇل جەردە ەشكىم دە نەمقۇرايلىلىق تانىتپايدى دەپ ويلايمىن. دارىمەن قامتاماسىز ەتۋ جونىندە جاعىمدى ءسوز ايتاتىندار از: ءبىرىنشى كەزەكتە كوپشىلىكتى ءدارى-دارمەكتىڭ قىمباتتىعى تولعاندىرادى. سول سەبەپتى مەملەكەت باسشىسىنىڭ ءدارىلىك زاتتاردىڭ باعاسىنا مەملەكەتتىك رەتتەۋدى ەنگىزۋ جونىندەگى تاپسىرماسىن قازاقستاندىقتاردىڭ قۋانا قابىلداعانى انىق.
دەگەنمەن, دەنساۋلىق تۋرالى ايتقاندا, ەڭ الدىمەن ءوز دەنساۋلىعىمىزدى ءوزىمىز قولعا الۋعا, ءوز دەنساۋلىعىمىزعا دەگەن كوزقاراسىمىزدى وزگەرتۋگە, دارىگەرلەرگە عانا ءۇمىت ارتۋدى ازايتۋعا ءتيىسپىز, ويتكەنى, دەنساۋلىق جاعدايىمىزدىڭ 85 پايىزى ءوز قولىمىزدا. ول تۋرالى ۇمىتۋعا بولمايدى.
كوپشىلىك ەل پرەزيدەنتىنىڭ جولداۋداعى مىنا سوزدەرىنە نازار اۋداردى دەپ ويلايمىن: «مينيسترلىكتەر مەن ۆەدومستۆولاردىڭ قاراجاتتى يگەرۋىنىڭ ءتيىمدىلىگىن تەكسەرۋ قاجەت. رەسپۋبليكالىق بيۋدجەتتىڭ 40%-دان استامىن قۇرايتىن دەنساۋلىق ساقتاۋ, ەڭبەك جانە حالىقتى الەۋمەتتىك قورعاۋ, ءبىلىم جانە عىلىم مينيسترلىكتەرىنەن باستاۋ كەرەك». شىن مانىندە, قازاقستاندىقتاردى الەۋمەتتىك جاعىنان قامتاماسىز ەتۋگە مول اقشا بولىنەدى. سوندىقتان اتالعان مينيسترلىكتەردىڭ جانىندا جۇمىس ىستەيتىن قوعامدىق كەڭەستەردىڭ مۇشەلەرى ولاردىڭ پايدالانىلۋىن ءتيىستى تۇردە باقىلاۋعا, بارىنشا تيىمدىلىك پەن پايداعا قول جەتكىزۋگە ءتيىس.
سوڭعى كەزدەرى الەۋمەتتىك جەلىلەردە قازاقستانعا قاتىستى كوپتەگەن جايلار تۋرالى ۇنامسىز پىكىرلەر جيىلەپ كەتتى, ءارى ول پىكىرلەر ءوز ازاماتتارىمىز تاراپىنان بولىپ جاتادى. وسىنداي ءار جاعداي بويىنشا نارازىلىقتىڭ تۋىندايتىنى تۇسىنىكتى. الايدا, كەشىرىڭىز, قۇقىق بۇزۋشىلىقتى, جول-كولىك وقيعاسىن كىم جاسايدى, دارىگەرلىك قاتەلىكتەرگە, دۇكەندەردە ساپاسىز قىزمەتتەر كورسەتۋگە كىم جول بەرەدى, كىم دورەكىلىك كورسەتەدى جانە ت.ب؟ ارينە, ءوز ازاماتتارىمىز. ول نەلىكتەن؟ ويتكەنى, ءبىز: وتباسىندا, مەكتەپتە, ۇجىمداردا تاربيە ماسەلەلەرىن نازاردان تىس قالدىرامىز. ءبىز جاقسىلىقتى كورۋگە, ءوزىمىزدىڭ عانا ەمەس, اينالامىزداعى ادامداردىڭ دا تابىستارىنا قۋانۋدى ۇيرەتپەيمىز. وتانسۇيگىشتىك تە, ەڭبەكقورلىق تا تۋا بىتپەيدى. وتباسىنان باستاپ رۋحاني-ادامگەرشىلىك ماسەلەلەرىنە جۇيەلى تۇردە كەلۋ قاجەت. سوندا جاستار ەلدەن تىس جۇرگەن كەزدە عانا ەمەس, ءاردايىم قازاقستاننىڭ ءاربىر كىشى جانە ۇلكەن جەتىستىگىن باعالايتىن, ءوز ەلىمەن ماقتاناتىن بولادى, وتانىمىزعا قاتىستى بارلىق جايلار ءۇشىن جاۋاپكەرشىلىكتى سەزىنەتىن بولادى.
بۇكىل الەمدە تەرروريزم, ءدىني ەكسترەميزم ءورشىپ وتىرعان جاعدايدا ەلىمىزدىڭ ەڭ باعالى يگىلىگى حالىق دوستىعى, بەيبىتشىلىك پەن كەلىسىم, بىرلىك پەن توپتاسقاندىق ەكەنىن ءبىز تۇسىنەمىز, ونى ءبارىمىز بىرگە ساقتاپ, نىعايتا تۇسۋگە ءتيىسپىز.
قازاقستاننىڭ بۇگىنگى جەتكەن جەتىستىكتەرى تاۋەلسىزدىك جىلدارى پرەزيدەنتىمىز سوزىمەن عانا ەمەس, ىسىمەن دە كەپىلگەر بولىپ جۇرگەن ىشكى ساياسي تۇراقتىلىق پەن ەتنوسارالىق تاتۋلىققا تىكەلەي بايلانىستى.
مايرا ايسينا,
پارلامەنت ءماجىلىسىنىڭ دەپۋتاتى,
«نۇر وتان» پارتياسى
فراكتسياسىنىڭ مۇشەسى
پرەزيدەنتتىڭ قازاقستان حالقىنا كەزەكتى جولداۋى بويىنشا ءوز پىكىرىمدى ايتۋ مەنىڭ جانىما جاقىن دەسەم ارتىق ايتقاندىق بولماس. بىرىنشىدەن, ونى وقىپ شىققاندا «بارلىق باسىمدىقتار قانداي وزەكتى, ولاردىڭ ارقايسىسى بويىنشا مىندەتتەر قالاي ءدال قويىلعان» دەگەن ويعا قالدىم.
يندۋسترياعا تسيفرلىق تەحنولوگيانى ەنگىزۋ جونىندەگى ءبىرىنشى باسىمدىقتى قۋانا قابىلدادىم. نەگە ەكەنىن تۇسىندىرەيىن. 2009 جىلى تەلەۆيزيانىڭ بالامالى نۇسقاسىنىڭ ورنىنا تسيفرلىق نۇسقانى ەنگىزۋدى ۇسىنىپ, ونىڭ باستاماشىلارىنىڭ ءبىرى بولعانىمدا, ءبىزدى بارلىق دەڭگەيدە دۇرىس قابىلدامادى, بيۋدجەت مۇلدە از ءبولىندى, قازاقستاننىڭ وسى يندۋسترياداعى ءوز ورنىن جوعالتىپ الماۋى ءۇشىن يدەيامىزدى تەك قانا ىنتا-جىگەرمەن ىسكە اسىرۋعا تۋرا كەلگەن بولاتىن. بۇگىندە ول جاعداي ۇمىتىلا باستادى, بىراق قازاقستاندىقتاردىڭ كۇندەلىكتى ومىرىندە تسيفرلىق تەلەۆيزيا كەڭىنەن پايدالانىلۋدا.
سوندىقتان مەملەكەت باسشىسى ءىت-سالانى ءبىرىنشى باسىمدىق رەتىندە مەملەكەتتىك دەڭگەيدە قويعاندا, بۇل ءبىر جاعىنان قۋانتادى, ەكىنشى جاعىنان تاريحتىڭ كولەڭكەسىندە قالىپ قويماس ءۇشىن ءبىزدىڭ بارلىعىمىزدى وسى زامانعى تسيفرلىق تەحنولوگيالاردىڭ نەگىزىندە جاڭا يندۋستريانى دامىتۋعا, ەكونوميكانىڭ قازىرگى قۇرىلىمىن جەتىلدىرۋگە جاڭا بەتبۇرىستار جاساۋعا يتەرمەلەيدى.
البەتتە, بۇل باسىمدىقتى ىلگەرىلەتۋ, بەينەلەپ ايتار بولساق, ءىس جۇزىندە ءاربىر قازاقستاندىقتان جارىق جىلدامدىعىنا تەڭ جەدەلدىكتى تالاپ ەتەتىنى اقيقات – ويتپەگەن جاعدايدا جەتىستىكتى ۇزاق كۇتۋگە تۋرا كەلەدى, جايباراقاتتىققا جول بەرۋ جاقسىلىققا اكەلمەيدى, «ايتەۋىر ءبىر بولار» دەگەن قاعيدا بۇل جەردە قيسىنسىز. بۇل جاستاردىڭ ءىسى دەپ جاس ۇرپاققا يتەرە سالۋدىڭ دا پەرسپەكتيۆاسى بار دەپ ايتۋ قيىن: سوندىقتان جاس تا, كارى دە ءىت-ءبىلىمىن جەدەل مەڭگەرۋگە جانە كۇندەلىكتى ومىردە ونى بەلسەندى تۇردە پايدالانۋعا ءتيىس.
ەكونوميكالىق رەفورما جانە وڭىرلىك دامۋ كوميتەتىنىڭ مۇشەسى رەتىندە جولداۋدىڭ بيزنەس ماسەلەلەرى جونىندەگى ەرەجەلەرىن اينالىپ وتە المايمىن. ءبىزدىڭ نارىقتىق قاتىناستاردى دامىتۋ جولىنا تۇسكەنىمىز راس بولسا, وندا سول تالاپ ەتەتىن جاعدايلاردا شەبەرلىكتى, داعدىلاردى مەڭگەرۋگە, سوعان ساي ءومىر سۇرۋگە جانە ەڭبەك ەتۋگە ءتيىسپىز. جاقسىلىقتىڭ ءبارى اسپاننان ءوزدىگىنەن تۇسە قالادى دەپ كۇتپەي, الدەبىرەۋلەرگە ۇمىتتەنبەي, مەملەكەت جاساپ وتىرعان بارلىق جاعدايدى پايدالانىپ, كاسىپكەرلىكتى دامىتۋ, ودان ءوز ورنىڭدى تابۋ, ءتىپتى بولماعاندا وتباسىلىق بيزنەس اشۋ, قارجىلىق ساۋاتتىلىقتى جەدەل مەڭگەرۋ قاجەت. بۇگىندە ەلباسى ءبىزدى وسىعان باعىتتاپ وتىر.
بۇل جەردە ءوز بيزنەستەرىن دامىتۋ جولىندا تالاي تار جول, تايعاق كەشۋدى باسىنان وتكەرگەن ءبىزدىڭ تاجىريبەلى كاسىپكەرلەرىمىز وزدەرىنىڭ سالماقتى سوزدەرىن ايتۋعا, وزدەرىنىڭ مول تاجىريبەلەرىمەن بولىسۋگە ءتيىس دەپ ويلايمىن. «ءتيىس» دەگەن ءسوزدى ادەيى ايتىپ وتىرمىن, ويتكەنى, ولاردىڭ ءوز ءىسىن دامىتۋى ءۇشىن جاقسى جاعدايلار جاسالىپ كەلدى, قازىر دە جاسالۋدا. ەندى بۇقارالىق كاسىپكەرلىكتىڭ كەڭ دامۋىنا جول اشۋ ءۇشىن ولاردىڭ ءوز ەلىنە, ءوز حالقىنا, تابىستى جولدى ىزدەستىرۋگە ارتىق ۋاقىت جۇمساماي كاسىبىن جەتىلدىرۋگە كومەكتەسەتىن, بيزنەس نەگىزدەرى بويىنشا ءتيىمدى ءبىلىم الۋ مۇمكىندىگىن بەرەتىن ۋاقىت كەلدى.
مەنى, مۇعالىم رەتىندە, الەۋمەتتىك سالادا ءجۇرگىزىلىپ جاتقان جۇمىستاردىڭ جاي-كۇيىن جاقسارتۋ قاجەتتىگى تۋرالى باسىمدىق تا بەيجاي قالدىرعان جوق. سوندىقتان ولاردىڭ ارقايسىسىنىڭ دەنى ساۋ, ساۋاتتى, تالانتتى, بارلىق جاعىنان باسەكەگە قابىلەتتى بولۋى قاجەت. ال ول ءۇشىن بارلىق كۇش-جىگەر وقۋعا جانە ەڭبەك ەتۋگە ارنالۋعا ءتيىس, سوندا عانا ءومىر ءسۇرۋ مازمۇندى بولادى جانە ساپالى ءارى جاڭا ءومىر ءسۇرۋ دەڭگەيى قامتاماسىز ەتىلەدى. ءبىزدىڭ بالالارىمىز مول ءبىلىم دەڭگەيىنە يە بولىپ قانا قويماي, ونى ومىردە پايدالانا بىلۋگە, كەز كەلگەن جاعدايدا, اسىرەسە, جاڭا تەحنولوگيالار داۋىرىندە ابىرجىپ قالماس ءۇشىن بىرنەشە ءتىلدى مەڭگەرۋگە ءتيىس. جانە بالالار عانا ەمەس, ءبىزدىڭ ءوزىمىز دە جاس ەرەكشەلىگىمىزگە قاراماستان, ۋاقىتتىڭ قاتاڭ تالاپتارىنا سايكەس, انا تىلىمىزبەن قاتار اعىلشىن ءتىلىن دە وقىپ-ۇيرەنۋگە, ءىت-ءبىلىمنىڭ نەگىزدەرىن مەڭگەرۋگە ءتيىسپىز. ولاي بولماعان جاعدايدا, ايتالىق, ومىرىمىزگە دەندەپ ەنىپ كەلە جاتقان, بۇگىندە ولارسىز اتتاپ باسا المايتىن موبيلدىك بانكينگتى, ەلەكتروندىق قىزمەتتەردى قالاي پايدالانباقپىز.
ال دەنساۋلىق ساقتاۋ جۇيەسىنە كەلەتىن بولساق, بۇل جەردە ەشكىم دە نەمقۇرايلىلىق تانىتپايدى دەپ ويلايمىن. دارىمەن قامتاماسىز ەتۋ جونىندە جاعىمدى ءسوز ايتاتىندار از: ءبىرىنشى كەزەكتە كوپشىلىكتى ءدارى-دارمەكتىڭ قىمباتتىعى تولعاندىرادى. سول سەبەپتى مەملەكەت باسشىسىنىڭ ءدارىلىك زاتتاردىڭ باعاسىنا مەملەكەتتىك رەتتەۋدى ەنگىزۋ جونىندەگى تاپسىرماسىن قازاقستاندىقتاردىڭ قۋانا قابىلداعانى انىق.
دەگەنمەن, دەنساۋلىق تۋرالى ايتقاندا, ەڭ الدىمەن ءوز دەنساۋلىعىمىزدى ءوزىمىز قولعا الۋعا, ءوز دەنساۋلىعىمىزعا دەگەن كوزقاراسىمىزدى وزگەرتۋگە, دارىگەرلەرگە عانا ءۇمىت ارتۋدى ازايتۋعا ءتيىسپىز, ويتكەنى, دەنساۋلىق جاعدايىمىزدىڭ 85 پايىزى ءوز قولىمىزدا. ول تۋرالى ۇمىتۋعا بولمايدى.
كوپشىلىك ەل پرەزيدەنتىنىڭ جولداۋداعى مىنا سوزدەرىنە نازار اۋداردى دەپ ويلايمىن: «مينيسترلىكتەر مەن ۆەدومستۆولاردىڭ قاراجاتتى يگەرۋىنىڭ ءتيىمدىلىگىن تەكسەرۋ قاجەت. رەسپۋبليكالىق بيۋدجەتتىڭ 40%-دان استامىن قۇرايتىن دەنساۋلىق ساقتاۋ, ەڭبەك جانە حالىقتى الەۋمەتتىك قورعاۋ, ءبىلىم جانە عىلىم مينيسترلىكتەرىنەن باستاۋ كەرەك». شىن مانىندە, قازاقستاندىقتاردى الەۋمەتتىك جاعىنان قامتاماسىز ەتۋگە مول اقشا بولىنەدى. سوندىقتان اتالعان مينيسترلىكتەردىڭ جانىندا جۇمىس ىستەيتىن قوعامدىق كەڭەستەردىڭ مۇشەلەرى ولاردىڭ پايدالانىلۋىن ءتيىستى تۇردە باقىلاۋعا, بارىنشا تيىمدىلىك پەن پايداعا قول جەتكىزۋگە ءتيىس.
سوڭعى كەزدەرى الەۋمەتتىك جەلىلەردە قازاقستانعا قاتىستى كوپتەگەن جايلار تۋرالى ۇنامسىز پىكىرلەر جيىلەپ كەتتى, ءارى ول پىكىرلەر ءوز ازاماتتارىمىز تاراپىنان بولىپ جاتادى. وسىنداي ءار جاعداي بويىنشا نارازىلىقتىڭ تۋىندايتىنى تۇسىنىكتى. الايدا, كەشىرىڭىز, قۇقىق بۇزۋشىلىقتى, جول-كولىك وقيعاسىن كىم جاسايدى, دارىگەرلىك قاتەلىكتەرگە, دۇكەندەردە ساپاسىز قىزمەتتەر كورسەتۋگە كىم جول بەرەدى, كىم دورەكىلىك كورسەتەدى جانە ت.ب؟ ارينە, ءوز ازاماتتارىمىز. ول نەلىكتەن؟ ويتكەنى, ءبىز: وتباسىندا, مەكتەپتە, ۇجىمداردا تاربيە ماسەلەلەرىن نازاردان تىس قالدىرامىز. ءبىز جاقسىلىقتى كورۋگە, ءوزىمىزدىڭ عانا ەمەس, اينالامىزداعى ادامداردىڭ دا تابىستارىنا قۋانۋدى ۇيرەتپەيمىز. وتانسۇيگىشتىك تە, ەڭبەكقورلىق تا تۋا بىتپەيدى. وتباسىنان باستاپ رۋحاني-ادامگەرشىلىك ماسەلەلەرىنە جۇيەلى تۇردە كەلۋ قاجەت. سوندا جاستار ەلدەن تىس جۇرگەن كەزدە عانا ەمەس, ءاردايىم قازاقستاننىڭ ءاربىر كىشى جانە ۇلكەن جەتىستىگىن باعالايتىن, ءوز ەلىمەن ماقتاناتىن بولادى, وتانىمىزعا قاتىستى بارلىق جايلار ءۇشىن جاۋاپكەرشىلىكتى سەزىنەتىن بولادى.
بۇكىل الەمدە تەرروريزم, ءدىني ەكسترەميزم ءورشىپ وتىرعان جاعدايدا ەلىمىزدىڭ ەڭ باعالى يگىلىگى حالىق دوستىعى, بەيبىتشىلىك پەن كەلىسىم, بىرلىك پەن توپتاسقاندىق ەكەنىن ءبىز تۇسىنەمىز, ونى ءبارىمىز بىرگە ساقتاپ, نىعايتا تۇسۋگە ءتيىسپىز.
قازاقستاننىڭ بۇگىنگى جەتكەن جەتىستىكتەرى تاۋەلسىزدىك جىلدارى پرەزيدەنتىمىز سوزىمەن عانا ەمەس, ىسىمەن دە كەپىلگەر بولىپ جۇرگەن ىشكى ساياسي تۇراقتىلىق پەن ەتنوسارالىق تاتۋلىققا تىكەلەي بايلانىستى.
مايرا ايسينا,
پارلامەنت ءماجىلىسىنىڭ دەپۋتاتى,
«نۇر وتان» پارتياسى
فراكتسياسىنىڭ مۇشەسى
سوڭعى جاڭالىقتار
ىلە الاتاۋى ساياباعىندا جابايى اڭ فوتوتۇزاققا ءتۇسىپ قالدى
جانۋارلار • كەشە
ۇلىتاۋ وبلىسىندا ينۆەستيتسيالىق جوبالار تالقىلاندى
ينۆەستيتسيا • كەشە
ۇلىتاۋدا «ساعاتتار سىرى» كورمەسى اشىلدى
ايماقتار • كەشە
قىزىلوردادا قورقىت اتا ۋنيۆەرسيتەتىنىڭ رەكتورى تانىستىرىلدى
ايماقتار • كەشە
يبراھيم كەلىسىمى قازاقستانعا قانداي پايدا بەرەدى؟
ساياسات • كەشە
كواليتسيا وكىلدەرى جامبىل وبلىسىنىڭ جۇرتشىلىعىمەن كەزدەستى
اتا زاڭ • كەشە
