جامبىل وبلىسىندا بولدى

17-18 اقپاندا مەملەكەتتىك حاتشى گۇلشارا ابدىقالىقوۆا جۇمىس ساپارىمەن جامبىل وبلىسىندا بولدى. ساپار بارىسىندا گ.ءابدى­قالىقوۆا مەملەكەت باسشىسى ن.ءا.نازارباەۆتىڭ جولداۋىن تال­قىلاۋعا ارنالعان جامبىل وبلى­سى قازاقستان حالقى اسسامب­لەيا­سى قوعامدىق كەلىسىم كەڭەسىنىڭ «قازاقستاننىڭ ءۇشىنشى جاڭعىرۋى – ءوسىمنىڭ جاڭا مودەلى» اتتى كە­ڭەي­تىلگەن وتىرىسىنا قاتىستى. ءىس-شاراعا, سونداي-اق, جام­بىل وب­لى­سىنىڭ اكىمى, وڭىرلىك اس­سام­­ب­لەيا­نىڭ توراعاسى ك.كوكى­رەك­­باەۆ, قا­زاق­ستان حالقى اس­سام­­ب­­­لەيا­س­ى ءتور­اعا­سىنىڭ ورىن­با­­سا­رى – قازاقستان رەسپۋبلي­كا­سى پرە­زيدەن­تى اكىمشىلىگىنىڭ حات­­شى­لىق مەڭ­گەرۋ­شىسى ە.توع­جانوۆ, جامبىل وبلى­سى­نىڭ ەتنوما­دەني بىرلەستىك جەتەك­شىلەرى, ال­ماتى قالاسى, الماتى, ءوڭتۇس­تىك قازاقستان جانە جام­بىل وب­لىس­تارىنىڭ قوعامدىق كەلى­­سىم كەڭەستەرىنىڭ مۇشەلەرى, مەم­لە­­كەت­تىك­ ورگاندار مەن باق وكىل­دەرى قاتىستى. مەملەكەتتىك حاتشى گ.ءابدى­قالىقوۆا ءوز سوزىندە مەملەكەت باس­­شىسى ءوزىنىڭ جولداۋىندا قازاق­­ستاننىڭ ءۇشىنشى جاڭعىرۋى بويىنشا بەس باسىم باعىتتى اي­قىن­داپ بەرگەنىن اتاپ ءوتتى. العا قويعان مىندەتتەردى ىسكە اسى­رۋ ءۇشىن بارلىق العىشارتتار مەن ءمۇم­كىندىكتەر بار. بۇل – تاۋەل­سىزدىكتىڭ 25 جىلىندا قوعام مەن مەملەكەتتىڭ جيناقتالعان بارشا جاسامپاز الەۋەتى, سونداي-اق كۇر­دەلى جاھاندىق وزگەرىستەر كە­زەڭىندە جۇمىستىڭ نەگىزگى باعدارلارى مەن الگوريتمىن ايقىندايتىن «100 ناقتى قادام» ۇلت جوسپارى. ساپار شەڭبەرىندە, سونداي-اق مەملەكەتتىك حاتشىنىڭ ءتور­ايىم­دى­عىمەن م.ح.دۋلاتي اتىنداعى تا­راز مەملەكەتتىك ۋنيۆەرسيتەتى باي­قاۋ كەڭەسىنىڭ وتىرىسى ءوتىپ, ون­دا جو­عارى وقۋ ورنىن ودان ءارى دا­مى­تۋ­دىڭ وزەكتى ماسەلەلەرى تالقىلاندى. حاميت ەسامان, «ەگەمەن قازاقستان» جامبىل وبلىسى