مادەنيەت كوكجيەگى كەڭەيەدى

مەملەكەتتىك حاتشى گۇلشارا ابدىقالىقوۆا رەسەي فەدەراتسياسىنىڭ مادەنيەت ءمينيسترى ۆلاديمير مەدينسكيمەن كەزدەستى. كەزدەسۋدىڭ باسىندا گ.ابدىقالىقوۆا قازاقستان پرەزيدەنتىنىڭ تاپسىرماسى بويىنشا رەسەيدىڭ مادەنيەت مينيسترىنە حالىقتار اراسىنداعى تاتۋلىقتى, دوستىق پەن ىنتىماقتاستىقتى نىعايتۋعا قوسقان ۇلەسى ءۇشىن II دارەجەلى «دوستىق» وردەنىن تابىس ەتتى. كەزدەسۋدە مەملەكەتتىك حاتشى ەكى ەل حالقىنىڭ سان عاسىرلار بويى ارقاۋى ۇزىلمەگەن تاريحي باۋىر­لاس­تىقتى, دوستىق پەن تاتۋ كورشىلىكتى بەكەم ۇستانىپ كەلە جاتقانىن اتاپ ءوتتى. سونداي-اق, رەسەيدىڭ مادەنيەت مي­نيسترىنە كەيكى باتىردىڭ سۇيەگىن تاري­حي وتانىنا قايتارۋ ىسىنە بايلا­نىستى تىعىز ىنتىماقتاستىق ءۇشىن العىس ءبىلدىردى. بۇعان قوسا, گ.ابدىقالىقوۆا رەسەي تاراپىنىڭ شاقىرۋى بو­يىن­­شا قازاق­ستاندىقتاردىڭ ءتۇر­لى ءىس-شارالارعا بەلسەنە قاتى­سىپ جۇرگەنىن ايتتى. ماسەلەن, بىل­تىر «استانا بالەت» تەاترى «زۆەز­دى بەلىح نوچەي» حالىق­ارا­لىق فەستيۆالىندە ەرەكشە ونەر كور­سەتسە, «استانا وپەرا» تەاترى سانكت-پەتەربۋرگتە موريس جارر­دىڭ «پاريج قۇداي انا­سىنىڭ سوبورى» بالەتىن قويعان بولاتىن. تاراپتار قازاقستان مەن رەسەي اراسىنداعى XXI عاسىرداعى تاتۋ كور­شىلىك جانە وداقتاستىق تۋرالى شارت­قا ەرەكشە نازار اۋداردى. ولار­­دىڭ ايتۋىنشا, قالىپتاس­قان تاريحي بايلانىستار نەگىزىندە ور­تاق مادەني كەڭىستىكتى نىعايتۋعا سەپ­­تىگىن تيگىزەتىن بۇل ماڭىزدى قۇ­­جات ەكى ەلدىڭ رۋحاني جانە مادە­ني جا­قىن­دىعىن ساقتاۋعا ىقپال ەتپەك. بۇدان بولەك, مەملەكەتتىك حات­شى ەكى ەلدىڭ مادەنيەت مي­نيستر­لىكتەرى اراسىندا 2019 جىل­دى رەسەي مەن قازاقستان ارا­سىن­داعى مادەني بايلانىستار جى­لى دەپ جاريالاۋ مۇمكىندىگى قاراس­تىرى­لىپ وتىرعان مادەنيەت سالا­سىن­داعى 2017 جىلعا ارنالعان ءبىر­لەس­­كەن ءىس-قيمىل جوسپارىنا قول قويۋدىڭ ماڭىزدىلىعىن اتاپ ءوتتى. كەزدەسۋ بارىسىندا گ.ءابدى­قا­لىقوۆا بيىل استانادا ەكسپو-2017 حالىقارالىق كور­مە­­سى وتەتى­نىنە, ونىڭ اياسىندا نۇرسۇل­تان نازارباەۆتىڭ تاپسىر­ماسى بو­يىنشا بۇكىل قازاق­ستان­دىق مادەنيەتتىڭ كەڭ اۋقىمدى تانىستىرىلىمى بولاتىنىنا توقتالا كەلە, جالپى ەكسپو-2017 كورمەسىنە رەسەيدىڭ بەلسەنە اتسا­لى­ساتىنىنا سەنىم ءبىلدىردى. ال ۆ.مەدينسكي II دارە­جەلى «دوستىق» وردەنىن تابىس ەتكەنى ءۇشىن قازاق­ستان پرەزي­­دەنتىنە ريزاشى­لىعىن ءبىلدىر­دى. «مەن مۇنى رەسەيدىڭ مادە­نيەت سالاسىنىڭ بار­ل­ىق قىزمەت­كەرلەرىنە كور­سەتىلگەن قۇرمەت دەپ ەسەپتەي­مىن. ولار قازاق­ستانعا, استاناعا ايرىقشا ىقىلاس-نيەتپەن بارادى. سەبەبى, بۇل ەل – ءبىزدىڭ جاقىن كورشىمىز», دەدى رەسەيدىڭ مادەنيەت ءمينيسترى. ءلايلا ەدىلقىزى, «ەگەمەن قازاقستان»