وسكەمەندەگى سول جاعالاۋ مۋزەي-قورىعىنىڭ حايۋاناتتار باعىنا بىلتىر تەڭبىل بۇعىلاردىڭ تولدەرى اكەلىنىپ, ەلدى ەرەكشە قۋانتقان ەدى. تۋعانىنا ءۇش اي تولعان تولدەر قازىر كۇيلى, وزدەرىن وتە جاقسى سەزىنەدى. دەگەنمەن, تەڭبىل بۇعىلار حايۋاناتتار باعىنا كەلۋشىلەردەن ءالى دە جاسقاناتىندىقتان, اراداعى تەمىر تورعا اسا جاقىن كەلە بەرمەيدى.
ال قۇلان تۇقىمداس قارا پوني ق ۇلىنى ادامداردان قاشقان ەمەس. الاسا ماستەكتىڭ تومپيعان تورتباق ءتولى قاراشاداعى قىرىق گرادۋستىق ايازعا دا شىدامدى ەكەنىن اڭعارتتى.
قىزعىلت قوقيقاز بولسا, بىرنەشە جىل بويى جالعىزىلىكتى عۇمىر كەشكەن ەدى. تاياۋدا باقتا ءفيليدىڭ (قوقيقازدىڭ اتى) تۋىسى پايدا بولدى. قۇستاردىڭ ۇزاق كوشىنەن قالىپ قالعان ءالسىز قۇستىڭ جاعدايىنا الاڭداعان سەرەبريانسك قالاسىنىڭ تۇرعىندارى ونى حايۋاناتتار باعىنا تاپسىرىپتى.
– ەكىنشى قوقيقاز وتە جاس بولسا-داعى تەز باۋىر باسىپ الدى. الايدا, جاڭادان كەلگەن قۇستىڭ تابەتى زور ەكەن. فيليگە ارنالعان ىدىستان كوزىن المايدى. قانشا دەگەنمەن, جاسى ۇلكەن ەمەس پە, ونىڭ بۇل قىلىعىنا ءبىزدىڭ قۇس كەشىرىممەن قارايدى, – دەيدى مۋزەي-قورىقتىڭ تابيعات ءبولىمىنىڭ مەڭگەرۋشىسى زاينيتدين شامشيەۆ.
دۋمان نۇرلان ۇلى
وسكەمەن
