ەكسپو-2017 كورمەسى ءۇشىن سالىنعان تۇرعىن ۇيلەردىڭ قۇرىلىسى اياقتالدى.
وسىنىڭ ناتيجەسىندە 1 300 پاتەر پايدالانۋعا بەرىلدى. بۇل جونىندە «بايتەرەك» ۇبح» باسقارما توراعاسى ەربولات دوساەۆ قر ينۆەستيتسيالار جانە دامۋ مينيسترلىگىنىڭ كەڭەيتىلگەن القا وتىرىسىندا حابارلادى.
سونداي-اق, ە. دوساەۆ ەكسپو-2017 اۋماعىندا ورنالاسقان, اۋدانى 138 مىڭ شارشى مەتر Mega Silkway قۇرىلىسىنىڭ اياقتالعانى تۋرالى دا حابارلادى.
«نۇرلى جول» مەملەكەتتىك باعدارلاماسى اياسىندا حولدينگكە 2016 جىلى جالدامالى جانە نەسيەلىك تۇرعىن ۇيلەردىڭ قۇرىلىسىنا ۇلتتىق قور مەن رەسپۋبليكالىق بيۋدجەتتەن 221 ملرد 600 ملن تەڭگە ءبولىندى. جوسپارلانعان قاراجات تولىق كولەمدە يگەرىلىپ, 485 400 شارشى مەتر تۇرعىن ءۇي پايدالانۋعا بەرىلدى», – دەدى ە. دوساەۆ.
وسىلايشا, 8,5 مىڭعا جۋىق قازاقستاندىق باسپانالى بولدى, ونىڭ جارتىسى 35 جاسقا دەيىنگى جاستار. حولدينگ باسشىسىنىڭ ايتۋى بويىنشا, 2017 جىلى تاعى 12,5 مىڭ پاتەر پايدالانۋعا بەرىلەدى.
