قازاقستاندا بيىل ءتۇستى مەتالدار ءوندىرىسى ۇلعايتىلماق

2017 جىلى ءتۇستى مەتالدار ءوندىرىسىن 110% دەيىن جەتكىزۋ جوسپارلانىپ وتىر, دەپ مالىمدەدى قر ينۆەستيتسيالار جانە دامۋ ۆيتسە-ءمينيسترى البەرت راۋ مينيسترلىكتىڭ كەڭەيتىلگەن القا وتىرىسىندا. «ءوندىرىستى, ەڭ الدىمەن, Kazminerals, قازحروم ەسەبىنەن ۇلعايتۋ جوسپارلانىپ وتىر. مۇندا جۇيەلى پروبلەمالار جوق. وتكەن جىلى قىتاي مەن رەسەيگە وتكىزۋ كولەمدەرىنىڭ ازايۋىنا بايلانىستى, تەمىر كەنى بويىنشا تومەندەۋ ورىن الدى. بيىلعى جىلى ءوسىرۋ ءۇشىن بارلىق مۇمكىندىكتەر بار. سونىمەن قاتار جىل سوڭىنا دەيىن تەمىر كەنى شيكىزاتى بويىنشا تەڭگەرىم قالىپتاستىرىلماعان», – دەدى ا. راۋ. ءبىرىنشى ۆيتسە-ءمينيستردىڭ ايتۋى بويىنشا, قارا مەتاللۋرگيا بويىنشا ءوندىرىس كولەمدەرىن ۇلعايتۋ جوسپارلانعان. ول ءۇشىن بارلىق مۇمكىندىكتەر بار. الايدا جۇيەلى شارالار دا بار – مەتالل سىنىقتارىن شىعارۋعا تىيىم سالۋ, مەتالل سىنىعىن اۆتوموبيل كولىگىمەن رەسەيگە شىعارۋعا تىيىم سالىنعان. «قازاقستاندىق قامتۋ ماسەلەسى نەگىزگى ماسەلە بولىپ تابىلادى. قۇرىلىس ماتەريالدارى, مەتالل پروكاتى بويىنشا – بۇل تۇرعىن ءۇي, ينفراقۇرىلىم نىساندارىن سالۋ كەزىندە ءونىمدى بارىنشا پايدالانۋ ماسەلەسى. مەتالداردىڭ ۇشتەن ءبىر بولىگى يرانعا ساتىلادى. بيىل بۇل ەل يمپورتتىق كەدەن باجىن كوبەيتپەك. ءتۇستى مەتاللۋرگيا بويىنشا وڭ ترەند بايقالادى», – دەپ قوستى ول. ا. راۋ اتاپ وتكەندەي,  وتكەن جىلى حيميا سالاسى بويىنشا شاعىن تومەندەۋ ورىن العان. ەڭ الدىمەن, ول ەۋروپالىق نارىقتا سارى فوسفوردى وتكىزۋ جونىندەگى پروبلەماعا قاتىستى. «ماشينا جاساۋ سالاسى بويىنشا وتكەن جىلى ورىن العان تومەندەۋ كولىك نارىعىنداعى جانە ونەركاسىپتىك نارىقتاعى سۇرانىستىڭ تومەندەۋىنە بايلانىستى. اۆتوونەركاسىپ بويىنشا وڭ ءوسىم بولادى دەپ سەنەمىز», – دەپ انىقتادى ا. راۋ.