رەسەي مۇناي وندىرۋدەن ساۋديانى باسىپ وزىپ, الەم بويىنشا العا شىقتى

2016 جىلدىڭ جەلتوقسانىندا رەسەدەگى وندىرىلگەن مۇناي كولەمى ساۋد ارابياسىنىڭ وندىرىسىنەن اسىپ ءتۇسىپ, رەسەي الەمدە ەڭ كوپ مۇناي شىعاراتىن ەلگە اينالدى. ەڭ سوڭعى رەت رەسەي 2016 جىلدىڭ ناۋرىز ايىندا ساۋد ارابياسىنان وزىپ كەتكەن ەدى. مۇناي ستاتيستيكاسى بويىنشا بىرلەسكەن باستاما مالىمەتتەرىندە وسىنداي مالىمەت كەلتىرىلگەن, دەپ جازادى Bloomberg اگەنتتىگى. رەسەي جەلتوقساندا 10,49 ملن باررەل مۇناي وندىرگەن. بۇل قاراشامەن سالىستىرعاندا 29 مىڭ باررەلگە از. ءوز كەزەگىندە ساۋد ارابياسى جەلتوقساندا 10,46 ملن باررەل وندىرسە, قاراشادا 10,72 ملن باررەل وندىرگەن ەدى. Bloomberg اگەنتتىگىنىڭ مالىمەتىنشە, رەسەي 2016 جىلدىڭ ناۋرىز ايىنان بەرى العاش رەت ساۋد ارابياسىنان كوپ مۇناي وندىرگەن. ال ءۇشىنشى ورىندا اقش. ونىڭ ءوندىرىس كولەمى جەلتوقساندا 8,8 ملن باررەل بولعان. ايتا كەتەرلىگى, ساۋد ارابياسى دا, رەسەي دە وپەك+ ەلدەرىنىڭ مۇناي ءوندىرىسىن ازايتۋ تۋرالى كەلىسىمىنىڭ كەستەسىنە ساي ءوندىرىس كولەمىن ازايتۋدا.