ازيا عالىمدارى شەت مەملەكەتتەردە قىزمەت ەتكىسى كەلمەيدى

ازيانىڭ 10 جىل بۇرىن ديپلوم العان 8% عالىمى عانا وزگە ەلدەردە جۇمىس ىستەگەن. بۇل تۋرالى life.ru حابارلادى. يندونەزيا, مالايزيا, سينگاپۋر جانە تايلاند مەملەكەتتەرىندە جۇرگىزىلگەن زەرتتەۋ جۇمىستارىنىڭ قورىتىندىسى بويىنشا بۇل ەلدەردىڭ عالىمدارى شەتەلدىك ارىپتەستەرىمەن قارىم-قاتىناس ورناتۋعا اسا ق ۇلىق تانىتپايدى ەكەن. جوبا اۆتورلارى مۇنىڭ تاجىريبە الماسۋىنا جانە يننوۆاتسيانىڭ دامۋىنا كەرى اسەرىن تيگىزەدى دەپ ەسەپتەيدى. جوعارىدا ايتىلعان ەلدەردە دوكتورلىق نەمەسە باسقا دا عىلىمي اتاق دارەجەسىن العان جاس ماماندار ىشىندە تەك 8%-ى عانا وزگە ەلدەردە قىزمەت ەتكەن. ديپلومىن العاننان كەيىن جاس ازيالىق عالىمدار كوبىنە قىسقا مەرزىمدى, ناقتىراق ايتقاندا ءۇش ايلىق ىسساپارعا اتتانىپ, نەگىزىنەن سولتۇستىك امەريكا نەمەسە ەۋروپا ەلدەرىندەگى ارىپتەستەرىمەن بىرگە قىزمەت ەتەدى. بۇعان جاس عالىمدار حالىقارالىق وداعىنىڭ زەرتتەۋ جۇمىستارى دالەل بولىپ وتىر. بەلگىلى بولعانداي كورشىلەس ەلدەرمەن تەك 18%-ى عانا بايلانىس ورناتادى ەكەن. بۇل دا ءوز كەزەگىندە تومەنگى كورسەتكىش بولىپ ەسەپتەلەدى. سونىمەن قاتار, 40%-ى ءوز ەلىندە نەگىزىنەن ءبىلىم ورىندارىندا جۇمىس ىستەيدى. يندونەزيا, مالايزيا, سينگاپۋر جانە تايلاند مەملەكەتتەرىنىڭ شامامەن 70% جاس عالىمدارى ءوز ەلدەرىنەن كەتۋدى جوسپارلامايتىن كورىنەدى. زەرتتەۋ جۇمىستارىنىڭ اۆتورلارى مۇنداي ءۇردىس ءوز كەزەگىندە اتالعان ەلدەردىڭ عىلىمي دەڭگەيىنىڭ تومەندەۋىنە, جاڭا يدەيالاردىڭ, ءتۇرلى عىلىمي كوزقاراستاردىڭ قالىپتاسۋىنا كەرى اسەرىن تيگىزەدى دەپ ەسەپتەيدى.