قاڭتار ايىندا قازاقستاندا 1 046 جول-كولىك وقيعاسى تىركەلدى

قاڭتار ايىندا ەلىمىزدە 1 046 جول-كولىك وقيعاسى تىركەلىپ, وندا 1 480 ادام زارداپ شەكتى, ونىڭ ىشىندە 81 ادام قازا تاپتى. بۇل تۋرالى قر باس پروكۋراتۋراسى قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتەتىنىڭ مالىمەتىندە ايتىلعان. قاڭتار ايىندا قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 610-بابى بويىنشا 1 548 ادام جاۋاپكەرشىلىككە تارتىلىپ, ونىڭ 1416-سىنا 31,6 ملن. تەڭگە مولشەرىندە ايىپپۇل سالىنعان. سونىمەن قاتار 129 ادام كولىك قۇرالدارىن جۇرگىزۋ تۋرالى ارنايى قۇقىعىنان ايىرىلدى, 3 ادامعا اكىمشىلىك قاماۋ شاراسى قولدانىلدى. قر قك 345-بابى بويىنشا, (كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋى) قاڭتار ايىندا 471 قىلمىستىق قۇقىق بۇزۋشىلىق تىركەلىپ, ونىڭ 45-ىنە قاتىستى ءىس سوتقا جىبەرىلدى. وتكەن ايدا ەڭ كوپ جكو الماتىدا تىركەلىپ, قالادا 328 كولىك اپاتى بولدى. ال ءولىم-ءجىتىم بويىنشا الماتى وبلىسى الدىڭعى ورىندا تۇر, وندا 21 ادام جول اپاتىنان قازا بولدى.