قازاقستاندا "ساندىق فابريكالار" پايدا بولادى

يندۋستريا 4.0 تەحنولوگياسىنىڭ قازاقستان ءۇشىن قوسىمشا مۇمكىندىكتەر اكەلەتىنىن كورەمىز. وسىنىڭ ارقاسىندا شاعىن ىشكى نارىق, تەڭىز ساۋدا جولدارىنىڭ قاشىقتىعىنان شىعا الماۋ, بىلىكتى جۇمىس كۇشىنىڭ تاپشىلىعى سياقتى وبەكتيۆتى فاكتورلاردىڭ اسەرىن تومەندەتە الامىز. بۇل تۋرالى قر ينۆەستيتسيالار جانە دامۋ ءمينيسترى جەڭىس قاسىمبەك مينيسترلىكتىڭ القا ماجىلىسىندە مالىمدەدى. يندۋستريا 4.0 تەحنولوگياسىنىڭ ەلەمەنتتەرىن بەلسەندى تۇردە ەنگىزۋ ماقساتىندا مينيسترلىك بيىلعا جانە كەلەسى جىلعا قادامدى جوسپار ازىرلەدى. ءمينيستردىڭ ايتۋىنشا, قازاقستان جاعدايىندا يندۋستريا 4.0 تەحنولوگياسىنىڭ ءمانى مەن ماڭىزىن قالىپتاستىرۋ ماسەلەسى تۇر. بۇل ءۇشىن بيىل حالىقارالىق تاجىريبەگە سايكەس اعىمداعى جاعدايعا تولىققاندى ساراپتاما جاسالادى جانە يندۋستريا 4.0. تەحنولوگياسىنىڭ ەلەمەنتتەرىن ونەركاسىپكە ەنگىزۋ دايىندىعى پىسىقتالادى. بۇل جۇمىس جوعارى بىلىكتى شەتەلدىك سەرىكتەستەرمەن بىرلەسە جاسالاتىن بولادى. مينيسترلىك العاشقىدا شوعىرلاندىرۋعا بولاتىن 3-4 ونەركاسىپ سەكتورىن انىقتاۋدى جوسپارلاپ وتىر. ءار سەكتورعا ىنتالاندىرۋ جونىندەگى ناقتى قولداۋ ءىس-شارالارىنىڭ جيىنتىعى جانە مىندەتتى تۇردە ازىرلەۋ كەرەك ستاندارتتار ءتىزىمى بەلگىلمەك. «بيىل ساراپتاما قورىتىندىسى بويىنشا  دەمونستراتسيالىق تيىمدىلىككە قول جەتكىزۋ ماقساتىندا الدىڭعى قاتارلى ساندىق تەحنولوگيانى ەنگىزۋ ءۇشىن 7-10 پيلوتتىق كاسىپورىن ىرىكتەلەتىن بولادى. ءبىر سوزبەن ايتقاندا, اتالمىش كاسىپورىندار باسقا كاسىپورىندار ءۇشىن «مودەلدى ساندىق فابريكا» ۇلگىسى ءرولىن اتقارادى. پيلوتتىق جوبالار جونىندەگى جۇمىستار 2018 جىلى دا جالعاسادى»,-دەپ اتاپ ءوتتى مينيستر جەڭىس قاسىمبەك. سونىمەن قاتار, ساندىق تەحنولوگيانى ەنگىزۋ بويىنشا جۇيەقۇراۋشى كاسىپورىندارمەن دە جۇمىس كۇشەيتىلمەك. بۇگىننىڭ وزىندە بىرقاتار كومپانيالار جاڭا ساندىق شەشىمدەردى ەنگىزۋگە قىزىعۋشىلىق تانىتىپ, ىسكە كىرىسىپ تە كەتتى. بۇل جەردەگى بوساتىلعان جۇمىس كۇشى مەن ەڭبەك نارىعىنداعى وزگەرىستەردى بولجاۋ ەسەبىنەن ساندىق تەحنولوگيا نەگىزىندە مودەرنيزاتسيالاۋ جوسپارىن ازىرلەۋ مەن جۇزەگە اسىرۋدا مينيسترلىك نەگىزگى مىندەتتى اتقارادى. بارلىق كورسەتىلگەن شارالار 2017 جىلدىڭ جەلتوقسانىندا قابىلدانۋى جوسپارلانعان 2025 جىلعا دەيىنگى بازالىق سەكتورلاردى تەحنولوگيالىق مودەرنيزاتسيالاۋ جونىندەگى كەشەندى جوسپارعا بەكىتىلەتىن بولادى.