قر پرەزيدەنتىنىڭ جىل سايىنعى «التىن ساپا» بايقاۋى باستالدى

بۇگىن ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا اتامەكەن» ۇلتتىق كاسىپكەرلەر پالاتاسى باسقارما توراعاسىنىڭ ورىنباسارى نۇرجان التاەۆ 2017 جىلعى قر پرەزيدەنتiنiڭ «التىن ساپا» بايقاۋىنىڭ جانە «قازاقستاننىڭ ۇزدiك تاۋارى» رەسپۋبليكالىق كورمە-بايقاۋىنىڭ باستالعانىن جاريالادى. باسقارما توراعاسىنىڭ ايتۋىنشا, بۇگىنگى تاڭدا قازاقستاننىڭ بۇكىلالەمدىك ساۋدا ۇيىمىنا كىرۋىنىڭ ارقاسىندا, سونداي-اق ەۋرازيالىق ەكونوميكالىق وداق شەڭبەرىندە وتاندىق كاسىپكەرلەر ءۇشىن ونىمدەرىن شەتەلگە ەكسپورتتاۋعا ۇلكەن مۇمكىندىك تۋىپ وتىر. «وسى ورايدا, ءبىرىنشى كەزەكتە, ەلباسى اتاپ وتكەندەي, وتاندىق تاۋارلاردىڭ ساپاسى جوعارى, باسەكەگە قابىلەتتى بولۋى ءتيىس. اتالعان ماقساتتا مەملەكەت باسشىسىنىڭ تاپسىرماسىمەن «اتامەكەن» ۇلتتىق كاسىپكەرلەر پالاتاسى تاۋار وندىرۋمەن جانە قىزمەت كورسەتۋمەن اينالىساتىن ءارتۇرلى مەنشىك نىسانىنداعى ۇيىمدار اراسىندا قر پرەزيدەنتىنىڭ جىل سايىنعى «التىن ساپا» بايقاۋىن وتكىزەدى», – دەپ اتاپ ءوتتى ن.التاەۆ. ول سونداي-اق وتكەن جىلى ەلباسى سىيلىعى 70-تەن استام كومپانياعا بەرىلگەنىن جەتكىزدى. «2016 جىلى «التىن ساپا» بايقاۋىنا 138 كومپانيا قاتىستى, ونىڭ ىشىندە 59 – شاعىن كاسىپكەرلىك, 47 – ورتا, 32 – ءىرى كاسىپورىن. بايقاۋ ۇيىمداستىرىلعان ۋاقىتتان باستاپ ەلباسى سىيلىعىن 70-تەن استام كومپانيا ەنشىلەدى. «اتامەكەن» ۇكپ قر پرەزيدەنتiنiڭ «التىن ساپا» بايقاۋىن ەكى جىل قاتارىنان وتكىزىپ, 25 لاۋرەاتتى انىقتادى», – دەدى باسقارما توراعاسىنىڭ ورىنباسارى. قازاقستان رەسپۋبليكاسى پرەزيدەنتiنiڭ جارلىعىنا سايكەس بايقاۋلار جىل سايىن وتكiزىلەدى. وعان قازاقستان رەسپۋبليكاسىنىڭ اۋماعىندا تاۋارلار وندىرۋمەن (قارۋ-جاراق پەن اسكەري تەحنيكا ءوندىرۋدى قوسپاعاندا), قىزمەتتەر كورسەتۋمەن اينالىساتىن دارا كاسىپكەرلەر مەن زاڭدى تۇلعالار قاتىسا الادى. مەملەكەتتىڭ قاتىسۋ ۇلەسى 50 %-دان اساتىن ۇيىمدار, سونداي-اق وزدەرىنە قاتىستى بەلگىلەنگەن تارتىپپەن وڭالتۋ جانە بانكروتتىق راسىمدەرىن جۇزەگە اسىرۋ تۋرالى شەشىمدەر قابىلدانعان ۇيىمدار بايقاۋلارعا قاتىسا المايدى. 2016 جىلى «قازاقستاننىڭ ۇزدiك تاۋارى» وڭىرلىك كورمە-بايقاۋلارىنا 674 شاعىن, ورات جىنە ءىرى كاسىپكەرلىك قاتىسقان, ناتيجەسىندە رەسپۋبليكالىق كەزەڭگە 145 جەڭىمپاز ىرىكتەلدى. «قازاقستاننىڭ ۇزدiك تاۋارى» وڭىرلىك كورمە-بايقاۋى 2001 جىلدان باستاپ وتكىزىلىپ كەلەدى. وسى ۋاقىتقا دەيىن كورمە-بايقاۋعا 5,6 مىڭنان استام كومپانيا قاتىسىپ, ولاردىڭ ىشىنەن 115 كاسىپورىن ديپلومانت اتانعان. بايقاۋلارعا قاتىسۋعا نيەت بىلدىرگەن تۇلعالار 2017 جىلدىڭ 1 شىلدەسىنە دەيىن وڭىرلىك كاسىپكەرلەر پالاتالارىنا كونكۋرستارعا قاتىسۋشىلاردىڭ ماتەريالدارىن رەسiمدەۋ, ۇسىنۋ جانە الدىن الا باعالاۋ ەرەجەلەرiنە سايكەس ءوتىنىم مەن ماتەريالداردى تاپسىرۋى ءتيىس. «التىن ساپا» مەن «قازاقستاننىڭ ۇزدىك تاۋارى» بايقاۋلارىنىڭ بارلىق لاۋرەاتتارى ءتورت جىل بويى بايقاۋدىڭ ەمبلەماسىن جارناما ماقساتىندا پايدالانا الادى», – دەدى ن.التاەۆ. ايدار ورىسباەۆ, "ەگەمەن قازاقستان"