ينۆەستيتسيالار جانە دامۋ مينيسترلىگى 2016 جىلدى قورىتىندىلادى

بيىل 20 اقپاندا قر ينۆەستيتسيالار جانە دامۋ مينيسترلىگىنىڭ 2016 جىلعى جۇمىس قورىتىندىلارى مەن 2017 جىلدىڭ ءبىرىنشى جارتىجىلدىعىنداعى باستى مىندەتتەرىنە ارنالعان القا ءماجىلىسى ءوتتى. سونداي-اق, ماجىلىسكە قر پارلامەنتىنىڭ دەپۋتاتتارى, قر پرەزيدەنتى اكىمشىلىگىنىڭ, قر پرەمەر-ءمينيسترى كەڭسەسىنىڭ, مەملەكەتتىك ورگانداردىڭ, «بايتەرەك» ۇبح اق وكىلدەرى, مينيسترلىكتىڭ قوعامدىق كەڭەس مۇشەلەرى قاتىستى. سەلەكتورلىق رەجيمدە وبلىس اكىمدەرىنىڭ ورىنباسارلارى, استانا جانە الماتى قالالارى اكىمدەرىنىڭ يندۋستريالىق-يننوۆاتسيالىق ماسەلەلەر بويىنشا ورىنباسارلارى, اۋماقتىق بولىمشەلەر مەن مينيسترلىكتىڭ ۆەدومستۆالىق باعىنىستى ۇيىمدارىنىڭ باسشىلارى قوسىلدى. قر ينۆەستيتسيالار جانە دامۋ ءمينيسترى ج.قاسىمبەك ءوز بايانداماسىندا داعدارىسقا قاراماستان يندۋستريالاندىرۋ ساياساتىنىڭ ناتيجەسىندە وڭدەۋ ونەركاسىبى ءتۇستى مەتاللۋرگيا (+8,5%), قارا مەتاللۋرگيا (+3,3%), فارماتسەۆتيكا (+2,5%), ەلەكتروتەحنيكا (+2,5%) سالاسىنداعى ءوسىمنىڭ ەسەبىنەن 0,7%, ارتقانىن اتاپ ءوتتى. يندۋستريالاندىرۋ كارتاسى اياسىندا 2016 جىلى قۇنى 878 ملرد. تەڭگە بولاتىن 130 جوبا ىسكە قوسىلىپ, 10 مىڭ تۇراقتى جۇمىس ورنى اشىلدى.  كارتا جوبالارى 2016 جىلى 2,2 ترلن. تەڭگەنىڭ ءونىمىن شىعاردى, ونىڭ ىشىندە 1,4 ترلن. تەڭگەسى (بۇكىل سەكتوردىڭ 18% استامى) وڭدەۋ ونەركاسىبىنىڭ ۇلەسىندە. بيىلعى جىلى قۇنى 700 ملرد. تەڭگە بولاتىن 100-دەن استام جوبانى  ىسكە قوسۋ كوزدەلىپ وتىر. قوسىمشا 10 مىڭ جۇمىس ورنى اشىلادى. ءمينيستردىڭ ايتۋىنشا, ونەركاسىپ جاڭا جاعدايلارعا بەيىمدەلە الدى. جىل قورىتىندىسى بويىنشا وڭدەۋ ونەركاسىبىندە جيىنتىق ءوسىمدى كەم دەگەندە 2,5% جەتكىزۋ جوسپاردا بار. سونداي-اق, مينيسترلىك يندۋستريا 4.0 ەلەمەنتتەرىن ەنگىزۋ بويىنشا وسى جانە الداعى جىلدارعا ارنالعان ناقتى ءىس-شارالار جوسپارىن ازىرلەدى. ال 2017 جىلى جەلتوقساندا بازالىق سالالاردى تەحنولوگيالىق جاڭعىرتۋ بويىنشا 2025 جىلعا دەيىنگى كەشەندى جوسپار قابىلدانادى. «يندۋستريا 4.0 قازاقستان ءۇشىن تەك قانا  العا قويىلعان ماقسات ەمەس, سونداي-اق, ىشكى نارىقتىڭ تارلىعى, تەڭىز ساۋدا جولىنا قولجەتىمدىلىكتىڭ جوقتىعى, بىلىكتى جۇمىس كۇشىنىڭ تاپشىلىعى سياقتى وزگە دە وبەكتيۆتi فاكتورلاردىڭ اسەرىن ازايتۋعا قوسىمشا مۇمكىندىك بەرەدى», - دەدى ج.قاسىمبەك. بيىل زاماناۋي ساندىق تەحنولوگيالاردى ەنگىزۋ ماقساتىندا 7-10 پيلوتتىق كاسىپورىن تاڭداپ الىنادى. «اتالمىش كاسىپورىندار وزگە كاسىپورىندارعا ۇلگى رەتىندە «مودەلدى ساندىق فابريكالار» قىزمەتىن اتقاراتىن بولادى. پيلوتتىق جوبا بويىنشا جۇمىستار 2018 جىلى دا جالعاساتىن بولادى», - دەدى مينيستر. ساندىق تەحنولوگيالاردى ەلىمىزدىڭ جۇيە قۇرۋشى كاسىپورىندارىنا ەنگىزۋ جۇمىستارى دا كۇشەيتىلەدى. بۇگىنگى كۇننىڭ وزىندە-اق بىرقاتار كومپانيالار  اتالمىش تەحنولوگياعا ۇلكەن قىزىعۋشىلىق ءبىلدىرىپ, ساندىق شەشىمدەردى ەنگىزۋدى باستاپ كەتتى. مينيسترلىك ەىدۇ ستاندارتتارىنا سايكەس ەلدىڭ ينۆەستيتسيالىق احۋالىن جاقسارتۋ جۇمىسىن جالعاستىرۋدا. 2016 جىلدىڭ قازان ايىندا ينۆەستيتسيا جونىندەگى ەىدۇ كوميتەتى قازاقستاندى وسى ۇيىمنىڭ قاتىسۋشىسى رەتىندە شاقىرۋ تۋرالى شەشىم قابىلداعان بولاتىن. بيىل ناۋرىز-ءساۋىر ايلارىندا كەڭەستىڭ شەشىمى شىعارىلادى دەپ كۇتىلۋدە. ەلىمىزدە جۇمىس ىستەپ جاتقان جانە بولاشاق ينۆەستورلارمەن تۇراقتى جۇمىس اتقارىلۋدا.  «ءبىر تەرەزە» قاعيداسى ارقىلى 2016 جىلى 5500-دەن استام ءوتىنىش ءتۇسىپ, 8000 مەملەكەتتىك قىزمەت كورسەتىلەدى, سونداي-اق, «كەرى بايلانىس» قامتاماسىز ەتىلۋدە. ينۆەستيتسيا تارتۋ بويىنشا باسىمدىققا يە 10 مەملەكەتتە (اقش, ۇلىبريتانيا, يتاليا, وڭتۇستىك كورەيا, يران, جاپونيا, گەرمانيا, فرانتسيا, قحر, ءۇندىستان) جانە «Kaznex Invest» اق 5 فرونت-كەڭسەسىندەگى (اقش, گەرمانيا, تۇركيا, ءباا, قحر) ارنايى كەڭەسشىلەردىڭ الەۋەتى پايدالانىلۋدا. ولاردىڭ جۇمىس ناتيجەلەرى بويىنشا الەۋەتتى 735 ينۆەستور-كومپانيا انىقتالىپ, 400-دەن استام كەزدەسۋ ءوتتى. 82 كومپانيا وكىلىنىڭ قازاقستانعا ءىس-ساپارى ۇيىمداستىرىلىپ, 68 كومپانيامەن مەموراندۋمعا قول قويىلدى. اتالعان جۇمىستى ءارى قاراي جەتىلدىرۋ ماقساتىندا ەلباسىنىڭ تاپسىرماسىمەن جۇيەنى ترانسفورماتسيالاۋ باستالدى. دۇنيەجۇزىلىك بانك ساراپشىلارىمەن بىرلەسە وتىرىپ, بيىلعى جىلدىڭ ماۋسىم ايىنىڭ سوڭىنا دەيىن ينۆەستيتسيا تارتۋ بويىنشا ۇلتتىق ستراتەگيا ازىرلەنەتىن بولادى. ستراتەگيادا ينۆەستورلاردى تارتۋ ماقساتىندا پەرسپەكتيۆالى سالالار مەن باسىم سەكتورلار انىقتالىپ, ينۆەستيتسيالىق احۋالدى جاقسارتۋعا باعىتتالعان شارالار مەن ينۆەستورلاردى تارتۋ تەتىكتەرى جەتىلدىرىلەدى. «Kaznex Invest» اق نەگىزىندە قۇرىلاتىن ارنايى «كazakh Invest» ۇلتتىق كومپانياسى ۇكىمەت اتىنان ءىرى ينۆەستورلارمەن جانە ماقساتتى تۇك-مەن «بىرىڭعاي كەلىسسوز جۇرگىزۋشى» رەتىندە  ءىس-قيمىل جاسايتىن بولادى. سونداي-اق, مينيسترلىك وتاندىق ەكسپورتتاۋشىلارمەن جۇمىستى كۇشەيتەدى. اتاپ ايتقاندا, ولاردىڭ رەسەي, قىتاي, يران, تۇركيا جانە ەۋروپالىق وداق ەلدەرىمەن كەلىسىم-شارتتار نەگىزىندە نارىققا شىعۋ, ساۋدا ميسسياسىن ۇيىمداستىرۋ, شىعىنداردى وتەۋ ماسەلەلەرىنە باسا نازار اۋدارىپ, 2017 جىل ەكسپورتتىڭ قايتا جاڭعىرۋ جىلى بولماق. قازەكسپورتگارانت نەگىزىندە قۇرىلعان مامانداندىرىلعان ۇلتتىق كومپانيا «KAZAKH EXPORT» الدىنا ۇلكەن مىندەت قويىلىپ وتىر. بۇل كومپانيا ۇكىمەت قۇرامىنداعى ۇلتتىق كەڭەستىڭ باسشىلىعىمەن جۇمىس ىستەيتىن بولادى. كولىك سالاسىنداعى نەگىزگى جەتىستىكتەردىڭ ءبىرى قازاقستاننىڭ حالىقارالىق رەيتينگتەگى لوگيستيكالىق تيىمدىلىگىنىڭ جاقسارۋى بولدى. قازاقستان 88-ورىننان 77-ورىنعا كوتەرىلىپ, تمد ەلدەرى اراسىندا كوش باستادى. سونىمەن قاتار, 2016 جىلى قازاقستاندىق اۋە كومپانيالاردىڭ ەۋرووداق ەلدەرىنە ۇشۋىنا بارلىق شەكتەۋلەر الىنىپ تاستالدى. استانا قالاسىندا ەكسپو-2017 وتۋىنە بايلانىستى كەلەتىن تۋريستەر مەن اۋە رەيستەردىڭ كوبەيۋىنە بايلانىستى «اشىق اسپان» جوباسى ىسكە اساتىن بولادى. وتكەن جىلى «نۇرلى جول» باعدارلاماسى بويىنشا اۆتوجولداردى جوندەپ, قايتا قالپىنا كەلتىرۋ جۇمىستارىنا 75 مىڭ ادام تارتىلدى. ناتيجەسىندە رەسپۋبليكالىق ماڭىزداعى اۆتوجولدىڭ 913 شاقىرىمى جوندەۋدەن ءوتىپ, ونىڭ 767 شاقىرىمى قولدانىسقا بەرىلدى. «باتىس ەۋروپا – باتىس قىتاي», استانا-تەمىرتاۋ, الماتى-قاپشاعاي, قاپشاعاي-بالپىق بي, بەينەۋ-شەتپە جانە كوكشەتاۋ-پەتروپاۆل باعىتتارى بويىنشا ءترانزيتتى دالىزدەر تولىعىمەن اشىلدى. سونداي-اق, مينيستر قۇرىلىس سالاسىنداعى كورسەتكىشتەردى دە اتاپ ءوتتى. 2016 جىلى 10,5 ملن. شارشى مەتر, ياعني 90 مىڭ تۇرعىن ءۇي پايدالانۋعا بەرىلدى.  بۇل سالاعا 2015 جىلى 740 ملرد. تەڭگە, ال 2016 جىلى 830 ملرد. تەڭگە ينۆەستيتسيا تارتىلدى. جۇرگىزىلىپ جاتقان رەفورمالار ناتيجەسىندە كاسىپكەرلەرگە رۇقسات بەرۋ پروتسەدۋرالارى 25-تەن 8-گە دەيىن ال, قۇرىلىس ءۇشىن رۇقسات الۋ 3 ايدان 1 ايعا دەيىن قىسقاردى. وسى كورسەتكىشتەر بويىنشا قازاقستان دۇنيەجۇزىلىك بانك رەيتينگىندە 2 جىلدىڭ ىشىندە 152-ورىننان 22-ورىنعا كوتەرىلدى. 2017 جىلى «نۇرلى جەر» باعدارلاماسى بويىنشا ەلىمىزدە 100 مىڭ تۇرعىن ءۇي سالىنادى. بۇل باعدارلامانىڭ نەگىزگى مىندەتى تۇرعىن ءۇي قۇرىلىسىن تىكەلەي قارجىلاندىرۋدان بيۋدجەتتەن تىس قارجىلاندىرۋعا كوشۋ بولىپ تابىلادى. نەگىزگى سالماق جەكەمەنشىك قۇرىلىس كومپانيالارىنا تۇسەدى جانە قۇرىلىس جيناق سالىمدار جۇيەسى داميدى.