قازاقستان باسكەتبول ۇلتتىق فەدەراتسياسىنا جاڭا باسشى كەلدى

ديماش دوسانوۆ قر باسكەتبول ۇلتتىق فەدەراتسياسىنىڭ پرەزيدەنتى بولىپ تاعايىندالدى, دەپ حابارلايدى tengrinews.kz. بۇعان دەيىن وسى قىزمەتتە اباي الپامىسوۆ بولعان ەدى. ايتا كەتەيىك, 2016 جىلدىڭ تامىزىندا ديماش دوسانوۆ "قازترانسويل" اق باس ديرەكتورى بولىپ تاعايىندالعان ەدى. ديماش دوسانوۆ 1981 جىلى الماتىدا دۇنيەگە كەلگەن. ءۇش جوعارى ءبىلىمى بار. ءال-فارابي اتىنداعى قازاق ۇلتتىق ۋنيۆەرسيتەتىن, ت.رىسقۇلوۆ اتىنداعى قازاق ەكونوميكالىق ۋنيۆەرسيتەتىن تامامداعان. دجوردجتاۋن ۋنيۆەرسيتەتىندە (اقش) ىسكەرلىك اكىمشىلىك بويىنشا ماگيستر دارەجەسىن العان. قازاق, ورىس, اعىلشىن جانە يتاليان تىلدەرىن بىلەدى. دوسانوۆ ەڭبەك جولىن 2002 جىلى الماتى قالالىق مەدەۋ اۋدانى اكىمى اپپاراتى اياسىنداعى شاعىن جانە ورتا بيزنەس اسسوتسياتسياسىنىڭ مەنەدجەرى قىزمەتىنەن باستاعان. قر يندۋستريا جانە ساۋدا مينيسترلىگىندە, "قازمۇنايگاز" ۇك اق-دا جۇمىس ىستەگەن.