تجد مالىمەتتەرىنە سايكەس, 2016 جىلى استانا قالاسى اۋماعىندا 77 توتەنشە جاعداي تىركەلدى, ونىڭ 80% تەحنوگەندىك سيپاتتاعى توتەنشە جاعداير (تەحنوگەندىك - 62, تابيعي - 15). ۋاقىتىلى قابىلدانعان الدىن الۋ شارالارىنىڭ ارقاسىندا 2016 جىلى توتەنشە جاعدايلاردىڭ سانى 2,5 ەسەگە, زارداپ شەككەندەر سانى 3,5 ەسەگە جانە قازا تاپقاندار سانى 2 ەسەگە تومەندەدى. بۇل تۋرالى astana.gov.kz حابارلادى.
2016 جىلى ەلوردادا 811 ءورت تىركەلدى, سونىڭ سالدارىنان ماتەريالدىق زيان 17 ملن. 050 مىڭ تەڭگەنى قۇرادى, ءورتتىڭ قاۋىپتى فاكتورلارىنان 19 ادام قازا تاپتى, 58-ءى ءتۇرلى دارەجەدەگى جاراقات الدى.
تج تالداۋىنا سايكەس, توتەنشە جاعدايلار مەن وقيعالاردىڭ 95%-ى (846-دان 811) وندىرىستىك جانە تۇرمىستىق ورتتەرگە تيەسىلى, ونىڭ ىشىندەگى جارتىسىنان كوبى تۇرعىن ءۇي سەكتورىندا (411 وقيعا) تىركەلدى. وسىنى ەسكەرە وتىرىپ, تجد قىزمەتكەرلەرى جەرگىلىكتى پوليتسيا قىزمەتىمەن (جپق) بىرگە 49 مىڭنان اسا كوپ پاتەرلى جانە جەكە تۇرعىن ۇيلەردى ارالاپ, ءۇي يەلەرىنە ءورت قاۋىپسىزدىگى تالاپتارىن ساقتاۋ قاجەتتىلىگى تۋرالى جادىناما تاراتتى.
وتتى ابايسىز پايدالانۋ سەبەبىنەن بولاتىن ورتتەردىڭ الدىن الۋ ماقساتىندا جپق-مەن بىرگە اتوج تۇلعالاردى تابۋ ىقتيمال ورىنداردا 161 رەيد جۇرگىزىپ, 514 ادامدى قامتىدى, سونىمەن قاتار تۇرمىس جاعدايى تومەن وتباسىلاردى ارالادى. جەرگىلىكتى پوليتسيا قىزمەتى, جەدەل مەديتسينالىق قىزمەتى جانە وزگە جەدەل قىزمەتتەرمەن بىرگە 18 جالپى گارنيزوندىق ءورت-تاكتيكالىق وقۋ-جاتتىعۋ وتكىزىلدى, 3 رەسپۋبليكالىق كوماندالىق-شتابتىق وقۋ-جاتتىعۋلارعا قاتىستى.
ازاماتتىق قورعاۋ كۇشتەرىنىڭ تج-عا ارەكەت ەتۋى: «112» جانە «101» جەدەل قىزمەت تەلەفوندارىنا 568 669 حابارلاما قابىلداندى. تج ارەكەت ەتۋ ءۇشىن قۇتقارۋ بولىمشەلەرىمەن 5 مىڭداي جەدەل شىعۋلار جۇزەگە اسىرىلىپ, ناتيجەسىندە 380 ادام قۇتقارىلدى جانە 1 مىڭ 383 ادام ەۆاكۋاتسيالاندى.
سۋ ايدىنى ماڭىندا ادام ءولىمىنىڭ الدىن الۋ ماقساتىندا 45 ەسكەرتۋ بەلگىسى ورناتىلىپ, سۋداعى ءىس-قيمىل تارتىبىنە 630 بالا وقىتىلدى, قالا مەكتەپتەرىندە اشىق ساباقتار وتكىزىلىپ, وندا 300 وقۋشى قامتىلدى. ورتالىق جاعاجايدا سۋدا قۇتقارۋ ستانتسياسىنىڭ قىزمەتكەرلەرىمەن بالالاردى جۇزۋگە ۇيرەتۋ جۇمىسى جۇرگىزىلدى. «قاۋىپسىز دەمالىستار» جالپى قالالىق اكتسياسى شەڭبەرىندە 50 مەكتەپ الدى لاگەردە الدىن الۋ ءىس-شاراسىمەن 800 بالا قامتىلدى.
استانا قالاسىنىڭ تجد بازاسىندا 380 وقۋ-جاتتىعۋ وتكىزىلىپ, وعان جەرگىلىكتى اتقارۋشى ورگاندار, ورتالىق اتقارۋشى ورگانداردىڭ اۋماقتىق بولىمشەلەرى , 21 ازاماتتىق قورعاۋ قىزمەتى مەن ساناتقا جاتقىزىلعان ۇيىمدار جۇمىلدىرىلدى.
سوڭعى جاڭالىقتار
ىلە الاتاۋى ساياباعىندا جابايى اڭ فوتوتۇزاققا ءتۇسىپ قالدى
جانۋارلار • كەشە
ۇلىتاۋ وبلىسىندا ينۆەستيتسيالىق جوبالار تالقىلاندى
ينۆەستيتسيا • كەشە
ۇلىتاۋدا «ساعاتتار سىرى» كورمەسى اشىلدى
ايماقتار • كەشە
قىزىلوردادا قورقىت اتا ۋنيۆەرسيتەتىنىڭ رەكتورى تانىستىرىلدى
ايماقتار • كەشە
يبراھيم كەلىسىمى قازاقستانعا قانداي پايدا بەرەدى؟
ساياسات • كەشە
كواليتسيا وكىلدەرى جامبىل وبلىسىنىڭ جۇرتشىلىعىمەن كەزدەستى
اتا زاڭ • كەشە
