ەلوردادا الەۋمەتتىك كومەك رەتىندە ءتىس پروتەزدەۋ قىزمەتى تەگىن ۇسىنىلادى

جىل سايىن ەلوردادا قالالىق ءماسليحاتتىڭ 2014 جىلى 27 ماۋسىمداعى شەشىمىمەن بەكىتىلگەن «استانا قالاسىندا الەۋمەتتىك كومەك كورسەتۋ, ونىڭ مولشەرىن بەلگىلەۋ جانە مۇقتاج ازاماتتاردىڭ جەكەلەگەن ساناتتارىنىڭ تىزبەسىن ايقىنداۋ قاعيداسىنا» سايكەس ءتىس پروتەزدەۋ تۇرىندە تەگىن قىزمەت كورسەتۋ قاراستىرىلعان. بۇل تۋرالى astana.gov.kz حابارلادى. بۇل جەڭiلدiكتەر ۇلى وتان سوعىسىنىڭ قاتىسۋشىلارى مەن مۇگەدەكتەرىنە, سولارعا تەڭەستiرiلگەن ادامدارعا, زەينەتكەرلەرگە, مۇگەدەكتەرگە ۇسىنىلادى. ۇلى وتان سوعىسىنىڭ قاتىسۋشىلارى مەن مۇگەدەكتەرىنە قىزمەتتەر كەزەكتەن تىس كورسەتىلەدى. قالعان ساناتتارداعى ازاماتتارعا قىزمەتتەر كەزەك رەتىمەن ۇسىنىلادى. الەۋمەتتىك كومەك الۋ ءۇشىن ءوتىنىش بەرۋشى استانا قالاسىنىڭ جۇمىسپەن قامتۋ, ەڭبەك جانە الەۋمەتتىك قورعاۋ باسقارماسىنا وتىنىشپەن بىرگە مىنا قۇجاتتارىن تاپسىرۋى ءتيىس: جەكە كۋالىگىنىڭ كوشىرمەسى, مەكەن جاي انىقتاماسى, مارتەبەسىن راستايتىن قۇجاتتىڭ كوشىرمەسى, ۋاكىلەتتى مەديتسينالىق ۇيىم بەرگەن ءتىس پروتەزدەۋ قاجەتتىلىگى جونىندەگى مەديتسينالىق قورىتىندى. ءتiستى پروتەزدەۋگە الەۋمەتتiك كومەك ەكi جىلدا بiر رەت كورسەتىلەدى. اتالعان الەۋمەتتىك كومەك شەڭبەرىندە مەديتسينالىق كورسەتكىشتەر بولعان جاعدايدا اۋىز قۋىسىنا ارنالعان ەم-دوم شارالارى اتقارىلادى. تولىق اقپارات الۋ ءۇشىن يمانباەۆا كوشەسى, 16, تەل. 21-27-14, 21-09-41, 21-29-88 مەكەن جايى بويىنشا استانا قالاسىنىڭ جۇمىسپەن قامتۋ, ەڭبەك جانە الەۋمەتتىك قورعاۋ باسقارماسىنا حابارلاسۋعا بولادى.