وڭتۇستىك قازاقستاندا 22 ملرد تەڭگەنىڭ ءدارى-دارمەگى وندىرىلگەن

شىمكەنتتەگى  «حيمفارم» زاۋىتى 2016 جىلى 22 ملرد. تەڭگەنىڭ ءونىمىن ءوندىرىپ, ونىڭ 70 پايىزىن شەتەلگە ەكسپورتتاعان, دەپ حابارلايدى قازاقپارات. پارلامەنت ءماجىلىسى بيۋروسىنىڭ شەشىمى بويىنشا قۇرىلعان ارنايى كوميسسيا وڭتۇستىك قازاقستان وبلىسىنداعى وتاندىق ءدارى-دارمەك وندىرەتىن بىرنەشە كاسىپورىندى ارالادى. دەگەنمەن, دەپۋتاتتار قازاقستاندا وندىرىلگەن فارماتسەۆتيكالىق پرەپاراتتار حالىقتىڭ قاجەتتىلىگىن تولىق وتەي الماي وتىرعانىن جەتكىزدى. وبلىسقا ارنايى كەلگەن قر دەنساۋلىق ساقتاۋ مينيسترلىگى مەديتسينالىق جانە فارماتسەۆتيكالىق قىزمەتتى باقىلاۋ كوميتەتىنىڭ ءتورايىمى لاريسا پاكتىڭ سوزىنشە ەل نارىعىنداعى ءدارى-دارمەكتەردىڭ ساپاسىن قاتاڭ تەكسەرۋ ءۇشىن مىقتى زاڭدىق جۇيە كەرەك. «قازاقستاندا ساتىلاتىن ءدارى-دارمەكتەردىڭ اتاۋى 70 مىڭعا جۋىق. ال ونىڭ 54 پايىزى عانا تەكسەرىلىپ ۇلگەرىلەدى. تىعىرىقتان شىعار جول – وتاندىق دارىلەردىڭ ۇلەسىن ارتتىرۋ», – دەيدى مامان. ءدارى-دارمەككە سۇرانىس ارتقان سايىن قازاقستانداعى فارماتسەۆتيكا سالاسىنا شەتەلدىك ترانسۇلتتىق كومپانيالار كوپتەپ ەنىپ جاتىر. بۇل قازاقستاندىق فارماتسەۆتيكالىق كاسىپورىنداردىڭ تىنىسىن تارىلتۋدا. سوندىقتان, ۇكىمەت الدىنداعى مىندەتتى مەجە – وتاندىق ءدارى-دارمەكتەر ۇلەسىن  50 پايىزعا جەتكىزۋ بولىپ وتىر. دەگەنمەن سوڭعى 3 جىلدا تۇستىك ءوڭىردىڭ فارماتسەۆتيكالىق الەۋەتى 2 ەسەگە ارتقان. وسىدان 20 جىل بۇرىن ەلدە فارماتسەۆتيكا كلاستەرىن دامىتۋعا باسا ءمان بەرگەن ەلباسى بۇل سالانى ءجىتى باقىلاۋدا. سول سەبەپتى, 2017 جىلى كۇنگەيلىك كاسىپكەرلەر 5 جوبانى ىسكە قوسۋعا نيەتتى. ءبىر عانا «حيمفارم» اق زاماناۋي ستاندارتقا سايكەس كەلەتىن قاتتى دارىلىك فورمالار مەن ستەريلدى ەمەس ەرىتىندىلەردىڭ جاڭا ءتۇرىن وندىرمەكشى. ايتا كەتەيىك, وڭىردە 1655-كە تارتا ءدارىحانا بار. الايدا, 836 ەلدى مەكەننىڭ 230-ىندا ءدارىحانالار تاپشىلىعى سەزىلەدى. فارماتسەۆتيكا سالاسىنىڭ ماماندارى 18 ءىرى ءدارىحانالار جۇيەسىنىڭ باسشىلارىنا وسى ماسەلەنى الداعى ءبىر جىلدا تولىق شەشۋدى تاپسىردى.