ساعاديەۆ: دەمالىس كۇندەرى مەكتەپ وقۋشىلارىنا ءۇي تاپسىرماسى بەرىلمەيدى

بۇگىن ماجىلىستەگى ۇكىمەت ساعاتىندا قر ءبىلىم جانە عىلىم ءمينيسترى ەرلان ساعاديەۆ مەكتەپ وقۋشىلارىنا دەمالىس كۇندەرى ءۇي تاپسىرماسى بەرىلمەۋى كەرەكتىگىن مالىمدەدى. «ءبىزدىڭ وقۋشىلار ءۇي جۇمىسىن ورىنداۋ ۋاقىتى بويىنشا 65 مەملەكەت ىشىندە ءتورتىنشى ورىن الىپ تۇر. حالىقارالىق زەرتتەۋگە سايكەس, بىرقاتار مەملەكەتتەردە, سونىڭ اراسىندا قازاقستان ءۇي تاپسىرمالارىنىڭ كولەمى مەن ءبىلىم جەتىستىكتەرى اراسىنداعى تۋرا اراقاتىناس جوقتىعىن كورسەتەدى. وقىتۋ ۇدەرىس دۇرىس جولعا قويعان جاعدايدا ءۇي جۇمىسىن ازايتۋعا بولادى جانە ازايتۋ كەرەك. مۇنىمەن بارلىعى كەلىسىپ وتىر», - دەدى مينيستر. «بۇل جەردە ەكى نۇسقا ۇسىنىلادى. ءۇي جۇمىسىن بارلىق پاندەر بويىنشا ازايتىپ بەرۋ نەمەسە تاپسىرمالاردا تەك كەيبىر پاندەردى عانا قامتۋ ەسكەرىلۋدە. ەكى جاعدايدا دا ءۇي جۇمىسىن ورىنداۋ ۋاقىتى كۇنىنە ورتا ەسەپپەن ءبىر ساعاتقا ازايىپ, دەمالىس كۇندەرى بەرىلمەيدى. بۇگىندە بۇل ماسەلە پەداگوگتار مەن اتا-انالاردىڭ جاپپاي تالقىلاۋىنا ۇسىنىلدى», – دەدى ەرلان ساعاديەۆ.