25 اقپاندا استانادا شاڭعى فەستيۆالى وتەدى

25 اقپاندا «EXPO-2017» حالىقارالىق كورمەسىنە ارنالعان «قىس ورنەگى» 17-ءشى شاڭعى فەستيۆالى وتكىزىلەدى. بۇل ءداستۇرلى شاڭعى جارىسى - قىستىڭ سوڭعى سەنبىسىندە ەسىل وزەنىندە (ەسىل وزەنىنىڭ ارناسى, قابانباي باتىر داڭعىلى, كوپىر, «رامستور» ءسۇ) جانە قالالىق ساياباقتىڭ جاياۋ جۇرگىنشىلەر كوپىرىندە ۇيىمداستىرىلادى, دەپ حابارلادى استانا قالاسى اكىمدىگىنىڭ ءباسپاسوز قىزمەتى. «فەستيۆالگە قاتىسۋشىلاردى تىركەۋ ساعات 9.00-دەن باستالادى. جارىسقا قاتىسۋشىلار ءتۇرلى جاس ساناتىندا 1 جانە 3 شاقىرىم قاشىقتىققا شاڭعى جارىسى, شاعىن فۋتبول, حوككەي, بەلدەسۋ, كريكەت, ارمرەستلينگ, گىر كوتەرۋ, ارقان تارتۋ, مۇز استىندا بالىق اۋلاۋ جانە موتوكروسس سىندى سپورتتىڭ ون ءتۇرى بويىنشا كۇش سىناسادى», دەلىنگەن حابارلامادا. بۇل كۇنى ەسىل وزەنىنىڭ ارناسىندا سپورت قالاشىعى بوي كوتەرەدى. فەستيۆالدى ۇيىمداستىرۋشىلار - استانا قالاسىنىڭ دەنە شىنىقتىرۋ جانە سپورت باسقارماسى جانە استانا قالاسى اكىمدىگىنىڭ سپورتتىق-بۇقارالىق ءىس شارالاردى وتكىزۋ ديرەكتسياسى. وتكەن جىلى شاڭعى جارىسىنا 2 700-دەن استام ادام قاتىسقان, ونىڭ ىشىندە وقۋشىلار, ستۋدەنتتەر, اسكەري قىزمەتكەرلەر, جاستار, قالا تۇرعىندارى مەن زەينەتكەرلەر دە بار. ءداستۇرلى «قىس ورنەگى» فەستيۆالى - ەلوردامىزدىڭ سپورتتىق ومىرىندە ايشىقتى وقيعا بولىپ سانالادى. وتباسىمەن, ۇجىممەن تازا اۋادا قىسقى دەمالىس ۇيىمداستىرۋعا ۇلكەن مۇمكىندىك بەرەدى.