قاراعاندى وبلىسىنداعى 182 ەلدى مەكەندى سۋ باسۋى مۇمكىن

قاراعاندى وبلىسىنداعى 182 ەلدى مەكەندى سۋ باسۋ قاۋپى بار. مۇندا قازىر 29 مىڭعا جۋىق ادام تۇرادى.  بۇل تۋرالى توتەنشە جاعدايلار قىزمەتىنىڭ وكىلدەرى مالىمدەدى. بيىل ارقا جەرىنە قار قالىڭ ءتۇستى. سونىڭ سالدارىنان وڭىردەگى سۋ قويمالارى مەن وزەن ارنالارى تولىپ تۇر. قازىرگى كۇنى وبلىستا ءىرىلى-ۇساقتى 228 سۋ قويماسى بولسا, سونىڭ 50-ءى ەلدى مەكەندەر مەن جولدارعا جاقىن ورنالاسقان. ماماندار الداعى اپتادا ءوڭىردى ارالاپ شىقپاق. «بارلىعى كۇن رايىنا بايلانىستى», - دەيدى ولار. ەگەر قار كۇرت ەرىپ, جاڭبىر جاۋسا, قاۋىپ تە باسىم. «قارداعى سۋدىڭ قورى نۇرا, شەرۋباي نۇرا, كوڭ جانە جامان كوڭ وزەندەرىندە نورمادان كوپ بولىپ تۇر. ناقتى ايتاتىن بولساق, نۇرا وزەنىندە 168 پايىز نورمادان جوعارى, 148 پايىز شەرۋباي-نۇرا وزەنىندە جانە دە قارداعى سۋدىڭ قورى جامان كوڭ وزەنىندە ءۇش ەسە كوپ. بىراق ول توتەنشە جاعدايلارعا اكەلىپ سوعادى دەپ ايتۋعا بولمايدى. ويتكەنى ءبارى اۋا رايىنا بايلانىستى», - وبلىستىق تجد باسشىسىنىڭ ورىنباسارى مۇرات قاتپانوۆ.