ەل مادەنيەتى كەڭىنەن كورسەتىلەدى

مەملەكەت باسشىسىنىڭ تاپسىرماسىمەن مادەنيەت جانە سپورت مينيسترلىگى «استانا ەكسپو-2017» ۇلتتىق كومپانياسىمەن جانە استانا قالاسىنىڭ اكىمدىگىمەن بىرلەسە وتىرىپ, بيىلعى جازدا حالىقارالىق مامانداندىرىلعان كورمە شەڭبەرىندە وتكىزىلەتىن مادەني ويىن-ساۋىق ءىس-شارالارىنىڭ كەشەندى باعدارلاماسىن ازىرلەدى. باعدارلاماعا سايكەس, قازاقستاندىق جانە شەت ەل شىعارماشىلىق توپتارى مەن ورىنداۋشىلارىنىڭ, سونداي-اق, ەلىمىزدىڭ جاس دارىندارىنىڭ قاتىسۋىمەن 3,5 مىڭ مادەني جانە سپورتتىق ءىس-شارالار وتكىزۋ جوسپارلانعان. بۇل تۋرالى جاقىندا ورتالىق كوممۋنيكاتسيالار قىزمەتىندە باعدارلامانىڭ تانىستىرىلىمىندا مادەنيەت جانە سپورت مينيسترلىگى مادەنيەت جانە ونەر ىستەرى دەپارتامەنتىنىڭ ديرەكتورى الماز نۇرازحان ءمالىم ەتتى. «قازانات» يپپودرومىنىڭ ايماعىندا 2500 شارشى مەتر اۋداندا ورنالاساتىن «ەتنواۋىل» ەتنومادەني كەشەنى قازاق حال­قى­نىڭ ۇلتتىق داستۇرلەرىنىڭ ورتا­لىعىنا اينالادى. «ەتنواۋىل» كەلۋشىلەردى قازاق حالقىنىڭ باي تاريحى, مادەنيەتى, ونەرى جانە داستۇرلەرىمەن تانىستىرىپ, كەل­گەن قوناقتىڭ ارقايسىسىنا كوش­پەندىلەر وركەنيەتىنىڭ ەتنو­مادەني ورتاسىن, وتكەن عاسىرلار تىنىسىن ءوز بەتىنشە سەزىنۋگە مۇمكىندىك بەرەدى. «ەكسپو مادەني باعدار­لا­ماسى شەڭبەرىندە لا سكالا (يتاليا) تەاترىنىڭ گاسترولدەرى, ايگىلى پلاسيدو دومينگو نەگىزىن قالاعان ءارى كوركەمدىك جەتەكشىسى بولىپ تابىلاتىن «وپەراليا» وپە­را انشىلەرىنىڭ حالىقارالىق باي­قاۋى, يمپەراتور تسين شي­حۋان­­ديدىڭ تەرراكوت اسكەري مۋ­زەيى­نىڭ كورمەسى, ەجەلگى ەگيپەت ار­حەو­لوگيالىق بۇيىمدارىنىڭ كور­­مەسى, ەرميتاج قورلارىنىڭ كور­­­مەسى, «TURKVISION» زامان­اۋي ەسترادا ولەڭدەرىنىڭ باي­قا­ۋى جانە تاعى باسقا ءىس-شارا­لار وتەدى», – دەپ اتاپ ءوتتى ا.نۇراز­حان. ونىڭ ايتۋىنشا, ەكسپو-­2017 حالىقارالىق ما­­مان­­­­­دان­دىرىلعان كورمەسى شەڭ­­بەر­ىن­دە وتەتىن مادەني ويىن-ساۋىق ءىس-شا­را­لارىمەن بۇقا­را­لىق قاۋ­ىم­دى كەڭىنەن تانىستىرۋ ماق­سات­ىندا ارنايى سايت جۇمىس ىستەيدى. «حالىقارالىق كورمەنى وتكىزۋ بارىسىندا «استانا وپەرا» مەم­لەكەتتىك وپەرا جانە بالەت تەاترىنىڭ شىعارماشىلىق ۇجىمى قالا تۇرعىندارى مەن قو­ناقتارىنا 70-تەن استام ءما­دەني ءىس-شارا ۇسىنادى. ولار تەاتر­دىڭ ءۇل­كەن جانە كامەرالىق زالىندا ءوتىپ قانا قويماي, اشىق اسپان اس­تىنداعى الاڭداردا دا ۇيىم­داستىرىلادى, – دەپ اتاپ ءوتتى «اس­تانا وپەرا» مەملەكەتتىك وپە­را جانە بالەت تەاترى ديرەك­تورى­­­نىڭ ءبىرىنشى ورىنباسارى ءتو­لەۋ­بەك الپيەۆ. شارالار لەگى 10 جانە 11 ماۋسىم كۇندەرى ا.جۇ­با­­نوۆ پەن ل.ءحاميديدىڭ «اباي» قازاق ۇلتتىق وپەراسىمەن اشىلادى. تەاتر اشىق اسپان استىندا دج.ۆەرديدىڭ «ايدا» وپەراسىن جانە ل. مينكۋستىڭ «دون كيحوت» بالەت سپەكتاكلىن قويۋدى جوسپارلاپ جاتىر. مادەني باعدارلاما اياسىندا تەاتر ساحناسىندا الەم­دەگى ۆوكاليستەردىڭ اراسىندا ەڭ بەدەلدى بولىپ تابىلاتىن «وپەراليا» بايقاۋى, اباي اتىن­داعى قازاق مەملەكەتتىك اكا­دە­ميالىق وپەرا جانە بالەت تەا­ترىنىڭ گاسترولدەرى, گ.مالەر­دىڭ №8 سيمفونياسى, لا سكالا جانە ماريا تەاترىنىڭ گاست­رولدەرى وتەتىن بولادى. «بۇل حالىقارالىق كورمە بارىسىندا تەاترىمىزدا وتەتىن ءىس-شارالاردىڭ ءبىر بولىگى عانا. مەن ايتقان ءىرى حالىقارالىق جوبالاردان باسقا «استانا وپەرا» تەاترىنىڭ ساحناسىندا ۇجىمنىڭ رەپەرتۋارىنان وپەرالار مەن بالەتتەردىڭ قويىلىمدارى ءۇز­دىكسىز ءوتىپ وتىرادى. اتاپ ايت­قان­دا, تەاتر رەپەرتۋارىندا 20 سپەك­تاكل, ونىڭ ىشىندە 11 جار­قىن بالەت پەن 9 وپەرا بار», – دەدى تەاتر ديرەكتورىنىڭ ورىنباسارى. ايدار ورىسباەۆ, «ەگەمەن قازاقستان»