بۇل الەمدىك تالاپقا ساي وزگەرىسكە بەتبۇرىس

«نۇر وتان» پارتياسىنىڭ ساياسي تالداۋ جانە ستراتەگيالىق زەرتتەۋلەر ورتالىعىندا «قازاقستان: ساياسي جاڭعىرۋىنىڭ جاڭا كەزەڭى» تاقىرىبىندا دوڭگەلەك ۇستەل ءوتتى. حالىقارالىق دەڭگەيدەگى شەتەلدىك ساراپشىلار مەن ەلىمىزدەگى ساراپشىلىق ۇيىم وكىلدەرى قاتىسقان جيىندا بيلىك تارماقتارى اراسىندا وكىلەتتىكتەردى قايتا ءبولۋ جونىندەگى كونستيتۋتسيالىق رەفورما ماسەلەسى تالقىلاندى. قازىرگى كۇنى قوعام اراسىندا كونستيتۋتسيالىق وزگەرىستەر ارقىلى پرەزيدەنتتىڭ ءبىرشاما وكىلەتتىكتەرىن پارلامەنت پەن ۇكى­مەتكە بەرۋ, سوت جۇيەسىن كۇ­شەيتۋ جانە ۇكىمەتتىڭ پارلامەنت الدىندا ەسەپتىلىگىن ارتتىرۋ جوس­پارلانىپ وتىرعانى بەلگىلى. ال مۇنداي قادام دەموكراتيالاندىرۋ جولىنداعى ساياسي ۇدەرىستىڭ بارلىق قاتىسۋشىلارىنىڭ جاۋاپكەرشىلىگىن ارتتىراتىن شەشىم ەكەنى بەلگىلى. وسى ورايدا, كەمەل كەلەشەك ءۇشىن قولعا الىنىپ جاتقان جاڭاشىلدىقتارعا شەت­ەلدىك ساراپشىلار مەن عا­لىم­دار توبى قانداي باعا بەرۋدە؟ جيىندا ءسوز العان پارلامەنت ءماجىلىسىنىڭ دەپۋتاتى نۇرلان ءابدى­روۆ پرەزيدەنت وكىلەتتىگىن ءبو­لۋ جوباسى – زاماناۋي ينستيتۋت­تىق نورماتيۆتىك-قۇقىقتىق اك­تى­لەر تالابىنا ساي ءارى مۇنداي قا­دام قازىرگى قوعام كوزقاراسىمەن ءۇن­­دەسەتىندىگىن ءبىلدىردى. «دەمو­كرا­تياعا جاقىنداتا تۇسەتىن وسى سە­كىلدى ادىستەردىڭ جارقىن ۇلگى­لەرىن ەۋروپا ەلدەرىنەن بايقاۋعا بو­­لادى جانە بۇل وزگەرىس ەلدەگى پار­­تيالاردىڭ الەۋەتىن ودان سايىن ارتتىرا تۇسەدى», – دەدى ن.ءاب­دىروۆ. سونداي-اق, وتىرىستا ءوز ويىن بىلدىرگەن ەۋروپالىق ينتەگراتسيا ماسەلەلەرى ورتالىعىنىڭ ديرەكتورى يۋري شەۆتسوۆ, باكۋ حالىقارالىق مۋلتيكۋل­تۋ­را­ليزم ورتالىعىنىڭ كەڭە­سشى­سى توفيك ابباسوۆ, ەاەو ينستي­تۋتىنىڭ ديرەكتورى, رەسەي عىلىم اكادەمياسى عىلى­مي كەڭەسىنىڭ مۇشەسى ۆلادي­مير لەپە­حين سىندى ساراپشى, عالىم­دار سوڭعى كەزدەرى قازاق­ستاندا قىزۋ قولعا الىنىپ جاتقان جارقىن جوبالار مەن تىڭ وزگەرىستەرگە جەتەلەيتىن باستامالار ەلدىڭ دامۋىن ودان سايىن ەكپىندەتە تۇسەتىندىگىن العا تارتتى. سونىمەن قاتار, جيىندا ەل­باسىنىڭ جولداۋىندا اتاپ كور­سەتىلگەن يندۋستريالىق-يننوۆا­تسيالىق دامۋ باعدارلامالارى اياسىندا تسيفرلى تەحنولوگيالارعا باسىمدىق بەرۋ دە وتە ورىندى ەكەندىگى ايتىلدى. قاتىسۋشىلار ەل دامۋىن ەسەلەندىرە تۇسەتىن مۇنداي جاڭاشىل قادامدار وسى كۇندەرى الەمدىك دەڭگەيدە دە وتە وزەكتى بولىپ تابىلاتىندىعىن ءبىلدىرىپ, بۇل باعىت بولاشاق ءۇشىن دامۋدىڭ داڭعىل جولى ەكەندىگىن مالىمدەدى. نۇرلىبەك دوسىباي, «ەگەمەن قازاقستان»