ءبىلىمنىڭ جايى تالقىلاندى

ەلباسىمىز «قازاقستاننىڭ ءۇشىنشى جاڭعىرۋى: جاھان­دىق باسەكەگە قابىلەتتىلىك» اتتى كەزەكتى جولداۋىنداعى ءتورتىنشى باسىمدىقتا ءبىلىم بەرۋ­دى ەكونوميكالىق ءوسۋدىڭ جاڭا مودەلىنىڭ ورتالىق بۋىنىنا اينالدىرا وتىرىپ, ورنىقتى ءبىلىم ارقىلى ەلىمىزدى وزىق ەلدەردىڭ قاتارىنا قوسۋدى ماقسات تۇتىپ وتىر. ۇلتتىق مۋزەيدە «قازاق­ستان دەموكراتيالىق جاڭارۋ بەلەسىندە» تاقىرىبىندا وتكەن رەسپۋبليكالىق كونفەرەنتسيادا ءبىلىم سالاسىنداعى رەفورما جانە بيلىك تارماقتارىندا وكىلەتتىكتەردى قايتا ءبولۋ, اتا زاڭعا وزگەرىس ەنگىزۋ ماسەلەلەرى كەڭىنەن اڭگىمە بولدى. – جاسىراتىنى جوق, قازىر­گى كەزدە جاستاردىڭ بار­لى­عىنىڭ جوعارى وقۋ ورىندارىندا گرانتپەن وقۋعا ءمۇم­كىندىكتەرى جوق, – دەيدى تاريح عىلىمدارىنىڭ كانديداتى تالدىبەك نۇرپەيىس. – امال جوق, اقىلى وقۋ ورىندارىنا بارادى. سودان اقشا تابۋ ءۇشىن ساباقتان كەيىن جۇمىس ىستەي­دى. بۇل ارينە, ستۋدەنتكە كوپ كۇش ءتۇسىرىپ, وقۋىنا كەدەرگى كەلتىرەدى. مىنە, بيىل­عى جول­داۋدا كاسىپتىك ءبىلىم بەرۋدى اقىسىز ەتۋ ماسەلە­سى ناقتى ايتى­لعان. بۇل دەگەنى­مىز – جوعارى وقۋ ورنىنا دايىن­دىق ءارى جاستار مەيلىنشە مامان­دىق­­سىز قالمايدى دەگەن ءسوز. جيىندا سونداي-اق, ەركەش نۇرپەيىسوۆ, تالعات قاليەۆ, جانگەلدى ماحاشوۆ سىندى عالىمدار ءوز وي-پىكىرلەرىن ءبىلدىرىپ, جولداۋدىڭ العا قويعان ماقساتتارىن كەڭىنەن سارالاپ بەردى. ورالحان ءداۋىت, «ەگەمەن قازاقستان» استانا