مەديتسينالىق ساقتاندىرۋدى ءتۇسىندىرۋدىڭ جاڭا كەزەڭى

استانادا دەنساۋلىق ساقتاۋ ۆيتسە-ءمينيسترى الەكسەي تسويدىڭ قاتىسۋىمەن مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى حالىققا جولداۋىنداعى مىندەتتى الەۋمەتتىك مەديتسينالىق ساقتاندىرۋ جۇيەسىن ەنگىزۋ ماسەلەلەرى» تاقىرىبىندا دوڭگەلەك ۇستەل ءوتتى. الەكسەي تسوي ءوز سوزىندە «ەل­با­سى بيىلعى جولداۋىندا دەن­ساۋ­لىق ساقتاۋ جۇيەسىنىڭ الدىنا ءمىن­­دەتتى الەۋمەتتىك مەديتسينالىق ساق­تاندىرۋدى ەنگىزۋ, دەنساۋلىق سالا­سىن اقپاراتتاندىرۋ, دارىلىك زاتتار­دىڭ باعاسىن رەتتەۋ سىندى ءبىر­قاتار مىندەتتەر قويدى. سوندىقتان ءبىز كەڭ كولەمدى اقپا­راتتىق-ءتۇسىندىرۋ جۇ­مىستارىن قولعا الىپ, دايىندىق جۇ­­مىس­تارىن جۇرگىزۋىمىز قاجەت», دەدى. ونىڭ ايتۋىنشا, ءمامس جۇيەسىن ەنگىزۋ كەزىندە دەنساۋلىق ساقتاۋ سالاسى باسەكەلەستىك ورتاعا ەنەدى, بۇل كورسەتىلەتىن مەدي­تسينالىق كومەكتىڭ ساپاسىن ارتتىرۋدى كوزدەيدى. دەن­ساۋ­لىق ساقتاۋ سالاسىنداعى ستاندارتتاردى ەنگىزۋ, مەديتسينالىق قىزمەت كورسەتۋدى ۇيىمداستىرۋ الگو­ريتمدەرى مەن كلينيكالىق حاتتامالارىن ەنگىزۋ, مەديتسينالىق قىزمەت كورسەتۋ ماقساتىندا دەنساۋلىق ساقتاۋ سالاسىنىڭ سۋبەكتىلەرى اراسىندا بايقاۋ وتكىزۋ, مەديتسينا­لىق قىزمەتتەردى اككرەديتتەۋ, كەلى­سىم­شارتتىق مىندەتتەمەلەردى باقى­لاۋ ناتيجەسى بويىنشا ساپاسى مەن كولەمىنە قاراي قىزمەتتەر­گە اقى تولەۋ, دەنساۋلىق ساقتاۋ سالا­سىن­داعى مەملەكەتتىك باقىلاۋ مەن قادا­عالاۋ قورىتىندىلارى – مەدي­تسينا­لىق قىزمەتتەردىڭ ساپاسىن قام­تاماسىز ەتپەك. شارانى قورىتىندىلاي كەلە, ا.تسوي «ءمامس-ءتى ەنگىزۋ قازاق­ستان­دىقتاردىڭ دەنساۋلىعىن جاقسار­تۋعا, ءومىر ءسۇرۋ ۇزاقتىعىن ارتتى­رۋعا, ساپالى مەديتسينالىق كومەك­تى قولجەتىمدى ەتۋگە, ونى حالىق­تىڭ سۇرانىسىنا ساي ەتۋگە, امبۋ­لا­تور­لىق دەڭگەيدە دارىمەن قامتا­ماسىز ەتۋدىڭ اياسىن كەڭەيتۋگە, دەن­ساۋ­لىق ساقتاۋ جۇيەسىندەگى بەيرەسمي تولەمدەر كولەمىن ازايتۋعا ءمۇم­كىندىك بەرەدى», دەدى. جيىنعا قاتىسۋشىلار ەلباسى جولداۋىنىڭ ءمان-ماڭىزىنا توق­تالىپ, دەنساۋلىق ساقتاۋ سالا­سىن­­داعى ەل ەرتەڭى ءۇشىن جاسالىپ جات­قان ەلەۋلى جۇمىستاردى تىلگە تيەك ەتتى. سونىمەن قاتار, كەز كەلگەن رەفورمانىڭ ءساتتى ءوتۋى ءۇشىن قو­عام­دىق قولداۋدىڭ اۋاداي قاجەت ەكەنىن العا تارتتى. راۋان قايدار, «ەگەمەن قازاقستان»